Richard Axel

Richard Axel
Richard Axel en 2014, retrato da Royal Society.
Datos persoais
Nacemento	2 de xullo de 1946 (75 anos)
Lugar	Brooklyn, Nova York, Estado de Nova York, Estados Unidos
Nacionalidade	Estadounidense
Cónxuxe	Cornelia Bargmann
Actividade
Campo	Neurociencia
Alma máter	Universidade de Columbia, Stuyvesant High School e Johns Hopkins School of Medicine
Contribucións e premios
Premios	Premio Nobel de Medicina (2004)
[ editar datos en Wikidata ]

Richard Axel, nado o 2 de xullo de 1946 en Brooklyn, Nova York, é un médico, investigador e profesor universitario estadounidense.

Traxectoria

A finais da década de 1970, xunto co microbiólogo Saul J. Silverstein e o xenetista Michael H. Wigler, descubriu unha técnica de transformación xenética, un proceso que permite que un ácido desoxirribonucleico (ADN) foráneo se poida inserir nunha célula hóspede para producir certas proteínas.

Tamén é especialista do sistema olfactivo, e xunto con Linda B. Buck, acadou a clonación de receptores olfactivos, demostrando que proveñen da familia dos receptores adaptados da proteína G. Analizando o ADN de ratas estimaron que cando menos habería máis de mil xenes diferentes para os receptores olfactivos no xenoma dos mamíferos. Así mesmo, estudando a recepción olfactiva dos mamíferos e a Drosophila melanogaster observou unha semellanza incríbel entre estas especies que o levou a crer que os principios da discriminación do olor poden estar conservados durante uns 500 millóns de anos.

No 2004 foi galardoado, xunto con Linda B. Buck, co Premio Nobel de Medicina polas súas investigacións dos receptores e a organización do sistema olfactivo.

Véxase tamén

Ligazóns externas

• Páxina do Instituto Nobel, Premio Nobel de Medicina ou Fisioloxía 2004 (en inglés)
• Páxina dos grupos de investigación de Axel na Universidade de Columbia (en inglés)