Allvar Gullstrand
Allvar Gullstrand  | |
|---|---|
 | |
| Datos persoais | |
| Nacemento | 5 de xuño de 1862 |
| Lugar | Landskrona (Suecia) |
| Falecemento | 28 de xullo de 1930, 68 anos |
| Lugar | Estocolmo (Suecia) |
| Soterrado | Cemitério do Norte |
| Residencia | Suecia |
| Nacionalidade | Sueca |
| Etnia | Suecos |
| Actividade | |
| Campo | oftalmoloxía |
| Alma máter | Universidade de Uppsala |
| Contribucións e premios | |
| Premios | Premio Nobel de Medicina (1911) |
| [ editar datos en Wikidata ] | |
Allvar Gullstrand, nado en Landskrona o 5 de xuño de 1862 e finado en Estocolmo o 28 de xullo de 1930, foi un oftalmólogo sueco.
Traxectoria[editar | editar a fonte]
Iniciou os seus estudos en Landskrona para logo inscribirse na facultade de medicina da Universidade de Uppsala e graduarse na Universidade de Estocolmo en 1888. En 1891, obtivo o nomeamento como profesor docente na área de Oftalmoloxía no Instituto Karolinska, en 1894 a xefatura de Oftalmoloxía na Universidade de Uppsala. Abandonou a cirurxía oftalmolóxica en 1914, para dedicarse á investigación sobre instrumentos ópticos como Profesor de Fisioloxía Óptica na mesma universidade.
Gullstrand contribuíu cumpridamente á oftalmoloxía clínica e á cirurxía oftalmolóxica mediante as súas teorías e investigacións: Deseñou a lámpada de hendidura e o oftalmoscopio libre de reflexo, desenvolveu técnicas cirúrxicas para o tratamento do simbléfaron e unhas lentes correctoras para empregar despois das intervencións de cataratas e redefiniu a teoría da acomodación.
Foi galardoado co Premio Nobel de Medicina en 1911 polas súas investigacións matemáticas sobre a refracción da luz a través do medio transparente do ollo vivo. Gullstrand foi o único individuo que rexeitou e aceptou un premio Nobel o mesmo ano. Ademais de ser un oftalmólogo clínico, tamén foi un brillante investigador.
