Tu Youyou
Tu Youyou  | |
|---|---|
 Tu Youyou en 2015 | |
| Datos persoais | |
| Nacemento | 30 de decembro de 1930 (92 anos) |
| Lugar | Ningbó, Zhejiang,  |
| Nacionalidade | República Popular da China e República da China |
| Etnia | Pobo han |
| Actividade | |
| Campo | Medicina clínica, química medicinal |
| Alma máter | Universidade de Pekín |
| Contribucións e premios | |
| Premios | Premio Albert Lasker por Investigación Médica Clínica en 2011, Premio Nobel de Fisioloxía ou Medicina en 2015 |
| [ editar datos en Wikidata ] | |
Tu Youyou (屠呦呦 (en chinés: pinyin: Tú Yōuyōu), nada en Ningbo, República da China o 30 de decembro de 1930, é unha científica, médica e química farmacéutica chinesa, coñecida por descubrir a artemisinina e a dihidroartemisinina, empregadas para tratar a malaria e coas cales se salvaron millóns de vidas. O punto de partida da súa investigación estivo baseado na exploración de textos sobre medicina chinesa tradicional,[1] atopando que o afirmado sobre a cura da malaria en case todos eles non era correcto, excepto nun só deles.
O descubrimento da artemisinina e o seu tratamento da malaria está considerado como o descubrimento máis significativo da medicina tropical no século XX para a mellora da saúde das persoas dos países en desenvolvemento tropicais en Asia do sur, África, e América do Sur. Polo seu traballo, Tu recibiu en 2011 o Premio Albert Lasker de Investigación Médica Clínica, e en 2015 o Premio Nobel de Fisioloxía ou Medicina.[2] Tu recibiu a metade do premio Nobel por descubrir a eficacia da molécula antimalárica da planta Artemisia annua; a outra metade foi compartida por Satoshi Ōmura e William Campbell por descubrir un novo composto, a avermectina, capaz de curar infeccións como a oncocercose e a filariase linfática causadas por pequenos parasitos.[3][4] Tu recibiu o primeiro Nobel de medicina para un cidadán chinés, ademais de ser a primeira muller desa nacionalidade en recibir un premio Nobel en calquera categoría.[5]
Notas[editar | editar a fonte]
- ↑ Hunt, Katie; Shen, Lu (6 de outubro de 2015). "Ganadora del Premio Nobel de medicina exploró textos antiguos para encontrar la cura de la malaria". CNN. Consultado o 6 de outubro de 2015.
- ↑ "Artemisinin: Discovery from the Chinese Herbal Garden" (6). PMC 3414217. PMID 21907397. doi:10.1016/j.cell.2011.08.024.
- ↑ Ediciones El Páis (5 de outubro de 2015). "El Nobel de Medicina premia terapias contra la malaria y otros parásitos". EL PAÍS (en castelán). Consultado o 9 de outubro de 2015.
- ↑ "Premio Nobel de Fisiología o Medicina 2015: nuevos fármacos frente a enfermedades desatendidas". www.sebbm.es. Arquivado dende o orixinal o 21 de xaneiro de 2016. Consultado o 13 de xaneiro de 2016.
- ↑ Miller, Louis H.; Su, Xinzhuan (2011). "Artemisinin: Discovery from the Chinese herbal garden". Cell 146 (6): 855–858. PMC 3414217. PMID 21907397. doi:10.1016/j.cell.2011.08.024.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Tu Youyou  |
Bibliografía[editar | editar a fonte]
- De Marchi, Vichi (2020). Ellas son de ciencias : Historias, pasiones y sueños de 15 científicas. Madrid: Ediciones del Laberinto. ISBN 978-84-1330-038-2
Ligazóns externas[editar | editar a fonte]
- Tu Youyou: cuando la tradición se une al método científico/ no blog Mujeres con Ciencia
- Citas de Tu Youyou con imágenes
