Otto Loewi

Na Galipedia, a Wikipedia en galego.
Otto Loewi
Nobel prize medal.svg
Otto Loewi nobel.jpg
Otto Loewi
Datos persoais
Nacemento 3 de xuño de 1873
Lugar Frankfurt, Alemaña
Falecemento 25 de decembro de 1961
Lugar Nova York, EUA
Nacionalidade Alemán, estadounidense
Relixión Xudeu
Actividade
Campo Fisioloxía, farmacoloxía
Alma máter Universidade de Estrasburgo
Director de tese Oswald Schmiedeberg
Contribucións e premios
Coñecido por Acetilcolina
Premios Premio Nobel de Medicina (1936)

Otto Loewi, nado en Frankfurt o 3 de xuño de 1873, e finado en Nova York o 25 de decembro de 1961, foi un destacado fisiólogo alemán.

Traxectoria[editar | editar a fonte]

Estudou na Universidade de Múnic e licenciouse en Medicina na Universidade de Estrasburgo. Abandonou axiña a práctica asistencial da medicina, para dedicarse á investigación. Impartiu clases, como profesor axudante, na Universidade de Viena e en 1909 obtivo a cátedra de Farmacoloxía da Universidade de Graz, pero á chegada dos nazis, requísanlle o cargo e tivo que abandonar o país. Tras un breve período en Bruxelas e Oxford, trasladouse a Nova York en 1940, onde foi nomeado catedrático da Facultade de Medicina da Universidade de Nova York.

Loewi empezou as súas investigacións a partir dunha hipótese de Elliot, que defendía que o impulso nervioso se transmitía a través dunha substancia química. Loewi puido demostrar que no sistema nervioso parasimpático esta substancia era a acetilcolina, substancia que Henry Hallet Dale previamente illara. Ambos compartiron o Premio Nobel de Medicina no ano 1936.

O descubrimento de Loewi deu orixe ao nacemento da teoría química da transmisión nerviosa, segundo a cal, a corrente nerviosa provoca, no extremo das fibras nerviosas, a liberación dunha substancia química que se chamou neurotransmisor.

Véxase tamén[editar | editar a fonte]

Ligazóns externas[editar | editar a fonte]