Agustín Peralta
Agustín Peralta | |||
---|---|---|---|
Información persoal | |||
Nome | Agustín Peralta Panzano | ||
Nacemento | 28 de maio de 1954 (70 anos) | ||
Lugar de nacemento | Lalueza | ||
Posición | Centrocampista | ||
Carreira sénior | |||
Anos | Equipos | Aprs | (Gls) |
1979–1981 | Sabadell | 76 | (11) |
1981–1986 | Deportivo da Coruña | 68 | (6) |
Partidos e goles só en liga doméstica. [ editar datos en Wikidata ] | |||
Agustín Peralta Panzano, nado en Lalueza (Huesca) o 28 de maio de 1954, é un exfutbolista español. Xogaba de centrocampista.
Traxectoria
[editar | editar a fonte]Na tempada 1979–80 fichou polo CE Sabadell, en Segunda División. No conxunto catalán xogou un papel principal durante dúas campañas, participando en 76 encontros e logrando 11 goles.
Na tempada 1981–82 foi contratado polo Deportivo da Coruña, onde permaneceu 4 campañas. Cun papel principal durante as dúas primeiras, non xogou practicamente ningún encontro nas dúas últimas, relegado á suplencia coa chegada ao banquiño do técnico Arsenio Iglesias na tempada 1983–84 e a incorporación de centrocampistas como Fernando Muñoz ou a titularidade de Jaime Agulló. Durante a súa estadía no Deportivo participou en 68 partidos e marcou 6 tantos, quedando sempre o club galego na zona tranquila da clasificación.
En 1987/88 xogou no Racing Club de Ferrol, disputando 37 partidos e marcando 3 goles. Co cadro verde logrou o ascenso á 2ª División B nesa campaña.