José Gutiérrez Mijares
Mijares | |||
---|---|---|---|
Información persoal | |||
Nome | José Gutiérrez Mijares | ||
Nacemento | 16 de marzo de 1920 | ||
Lugar de nacemento | Lluanco | ||
Falecemento | 7 de febreiro de 1989 | ||
Posición | Dianteiro | ||
Carreira sénior | |||
Anos | Equipos | Aprs | (Gls) |
1939–1941 | Avilés | 27 | (17) |
1941–1944 | Sporting de Gijón | 22 | (24) |
1944–1945 | Valladolid | ||
1945 | Avilés | ||
1945–1946 | Deportivo da Coruña | 16 | (8) |
1946–1949 | Mallorca | 68 | (39) |
1949–1950 | Lleida | 7 | (1) |
1950–1951 | Gimnástica de Torrelavega | 20 | (3) |
1951–1952 | Mallorca | 12 | (2) |
Partidos e goles só en liga doméstica. [ editar datos en Wikidata ] | |||
José Gutiérrez Mijares, nado en Luanco, Asturias, o 16 de marzo de 1920 e finado o 7 de febreiro de 1989, foi un futbolista español que xogaba como dianteiro.[1]
Traxectoria[editar | editar a fonte]
Entre 1939 e 1941 xogou no Avilés, disputando 27 partidos de Segunda División, nos que anotou 17 goles. Ao remate da tempada 1940/41 fichou polo Sporting de Gijón, co que disputou a Copa do Xeneralísimo dese ano, marcando seis goles en catro partidos. Na tempada 1941/42 anotou 18 goles en 12 partidos de liga, sendo o máximo goleador do campionato, con dous goles máis que Pruden e Sanz. Marcou ademais outros seis goles na fase de ascenso a Primeira, pero o equipo non conseguiu subir á máxima categoría. Na tempada 1942/43 anotou 13 goles e na seguinte marchou ao Valladolid.
En 1945 fichou polo Deportivo da Coruña adestrado por Hilario Marrero.[2] Con 9 goles en 18 partidos foi o máximo goleador do equipo ese ano, no que o Deportivo logrou o segundo ascenso a Primeira División da súa historia.
Na tempada seguinte foi para o Mallorca,[3] onde permaneceu tres anos, o último deles na Terceira División despois de descender na 1947/48. A continuación pasou polo Lleida e a Gimnástica de Torrelavega antes de volver ao Mallorca en 1951.
Notas[editar | editar a fonte]
- ↑ "Ficha de Mijares". Consultado o 2 de abril de 2020.
- ↑ "MAÑANA, DEPORTIVO-MALLORCA". La Voz de Galicia (en castelán). 8 de decembro de 1945. p. 5.
- ↑ "Noticiario breve". La Voz de Galicia (en castelán). 5 de xuño de 1946. p. 3.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en BDFutbol (en castelán).