Raí Nascimento
| Raí | |||
|---|---|---|---|
| Información persoal | |||
| Nome | Raí Nascimento de Oliveira | ||
| Nacemento | 18 de maio de 1998 | ||
| Lugar de nacemento | Río de Xaneiro | ||
| Altura | 1,71 m. | ||
| Posición | Dianteiro | ||
| Información de club | |||
| Club actual | Bahia | ||
| Número | 18 | ||
| Carreira xuvenil | |||
| 2012–2013 | Stadium Casablanca | ||
| 2013–2014 | Stadium Venecia | ||
| 2016–2017 | Zaragoza | ||
| Carreira sénior | |||
| Anos | Equipos | Aprs | (Gls) |
| 2014–2016 | Alfindén | 34 | (24) |
| 2016–2018 | Zaragoza B | 29 | (6) |
| 2017–2021 | Zaragoza | 8 | (0) |
| 2019–2020 | → Eivissa (cedido) | 35 | (5) |
| 2021 | Deportivo da Coruña | 13 | (0) |
| 2021– | Bahia | 8 | (2) |
|
Partidos e goles só en liga doméstica. Club: actualizado a 13 de novembro de 2021 [ editar datos en Wikidata ] | |||
Raí Nascimento de Oliveira, nado en Río de Xaneiro o 18 de maio de 1998, é un futbolista brasileiro que xoga de dianteiro no Bahia, do Campionato Brasileiro.
Traxectoria[editar | editar a fonte]
Inicios[editar | editar a fonte]
Nacido en Río de Xaneiro, trasladouse a España aos 14 anos e uniuse ao equipo xuvenil do AD Stadium Casablanca. En 2014, despois de pasar polo Stadium Venecia, chegou ao AD Alfindén.[1][2]
O 21 de decembro de 2014, con só 16 anos, debutou na Primeira Rexional de Andalucía fronte ao El Gancho CF. O seu primeiro gol anotouno ao mes seguinte na vitoria por 2-0 contra o CD Perdiguera. Acabou a tempada con once goles en 15 partidos.
Zaragoza[editar | editar a fonte]
En agosto de 2016 uniuse ao Real Zaragoza,[1] pero non puido xogar ata xaneiro debido á falta de autorización internacional.[3] Asignado inicialmente aos equipos xuvenís,[4] debutou co filial zaragocista en Terceira División o 8 de xaneiro de 2017 anotando un dos goles do seu equipo na derrota por 2–4 contra o CD Belchite 97.[5]
Finalmente debutou co primeiro equipo do Zaragoza na Segunda División o 18 de marzo de 2017, substituíndo na segunda parte a Rolf Feltscher nunha derrota por 1-2 contra o Sevilla Atlético.[6] O adestrador que o fixo debutar foi Raül Agné, que foi destituído ao día seguinte.[7] O 27 de abril prorrogou o seu contrato ata 2021,[8] e foi definitivamente ascendido ao primeiro equipo o 6 de xuño.[9]
O 29 de xaneiro de 2019 foi cedido á UD Ibiza da Segunda División B ata o final da tempada.[10] O 11 de xullo renovouse o seu préstamo por un ano máis.[11] Disputou un total de 39 partidos co club insular, marcando cinco goles e xogando a promoción de ascenso a Segunda División na tempada 2019/20.
Despois de regresar da cesión o seu contrato foi renovado ata 2023.[12] Con todo, só disputou sete partidos máis co Zaragoza e o 25 de xaneiro de 2021 rescindiu o seu contrato co club.[13]
Deportivo da Coruña[editar | editar a fonte]
O 27 de xaneiro de 2021 anunciouse a súa fichaxe polo Deportivo da Coruña, da Segunda División B, asinando ata final de tempada.[14] Disputou 13 encontros, 10 deles como titular, nos que non logrou ningún gol. O seu contrato non foi renovado.
Bahia[editar | editar a fonte]
En setembro de 2021 anunciouse a súa fichaxe polo Bahia.[15] Debutou no Campionato Brasileiro o 10 de outubro, nun partido contra o Athletico Paranaense no Arena da Baixada, realizando unha destacada actuación e marcando o primeiro dos dous goles do seu equipo (0-2).[16]
Notas[editar | editar a fonte]
- ↑ 1,0 1,1 Giménez, Paco (6 de agosto de 2016). "Raí Nascimento, una apuesta brasileña en edad juvenil". Heraldo de Aragón (en castelán). Consultado o 27 de xaneiro de 2021.
- ↑ "Radiografía a Raí". El Periódico de Aragón (en castelán). 22 de decembro de 2016. Consultado o 27 de xaneiro de 2021.
- ↑ "El Zaragoza inscribirá al brasileño Raí el 2 de enero". As.com (en castelán). 8 de novembro de 2016. Consultado o 27 de xaneiro de 2021.
- ↑ R. Bravo, Chema (3 de xaneiro de 2017). "El Zaragoza inscribe a Raí y Raúl Agné ya puede contar con él". Heraldo de Aragón (en castelán). Consultado o 27 de xaneiro de 2021.
- ↑ "C.D. Belchite 97 4 – 2 Deportivo Aragón" (en castelán). 8 de xaneiro de 2017. Consultado o 27 de xaneiro de 2021.
- ↑ Laz, Alberto (19 de marzo de 2017). "El Sevilla Atlético hunde al Zaragoza en el descuento y con un jugador de portero". Marca (en castelán). Consultado o 27 de xaneiro de 2021.
- ↑ "Agné es destituido y César Láinez toma el mando". Marca (en castelán). 19 de marzo de 2017. Consultado o 27 de xaneiro de 2021.
- ↑ "Raí Nascimento renueva con el Real Zaragoza por cuatro temporadas" (en castelán). 27 April 2017. Consultado o 27 de xaneiro de 2021.
- ↑ "Cinco futbolistas que iniciaron la campaña en el Deportivo Aragón estarán en el primer equipo" (en castelán). 6 de xuño de 2017. Arquivado dende o orixinal o 28 de xuño de 2017. Consultado o 27 de xaneiro de 2021.
- ↑ "Acuerdo para la cesión de Raí Nascimento al Ibiza" (en castelán). 29 de xaneiro de 2019. Consultado o 27 de xaneiro de 2021.
- ↑ "Acuerdo con el UD Ibiza para la cesión de Raí por una temporada más" (en castelán). 11 de xullo de 2019. Consultado o 27 de xaneiro de 2021.
- ↑ "Raí Nascimento renueva con el Real Zaragoza hasta 2023" (en castelán). 28 de setembro de 2020. Consultado o 27 de xaneiro de 2021.
- ↑ "El Real Zaragoza y Raí acuerdan el final de su relación contractual" (en castelán). 25 de xaneiro de 2021. Consultado o 27 de xaneiro de 2021.
- ↑ "Raí Nascimento, novo xogador do Dépor 20·21". 27 de xaneiro de 2021. Consultado o 27 de xaneiro de 2021.
- ↑ "Bahia anuncia contratação de atacante Raí Nascimento, ex-Deportivo La Coruña" (en portugués). 23 de setembro de 2021. Consultado o 13 de novembro de 2021.
- ↑ "Bahia fue superior y venció por dos a Athletico Paranaense en el Arena da Baixada" (en castelán). 8 de outubro de 2021. Consultado o 13 de novembro de 2021.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en BDFutbol (en castelán).
- Datos do xogador en Soccerway (en castelán).
