Sergio González Soriano

Na Galipedia, a Wikipedia en galego.
Sergio
Sergio González.jpg
Información persoal
Nome completo Sergio González Soriano
Nacemento 10 de novembro de 1976 (37 anos)
Lugar L'Hospitalet, España
Altura 1,82 m.
Posición Centrocampista
Información de club
Club actual Espanyol (adestrador)
Carreira xuvenil
L'Hospitalet
Carreira sénior
Anos Equipos Aprs (Gls)
1994–1995 L'Hospitalet 12 (1)
1995–1998 Espanyol B 29 (5)
1998–2001 Espanyol 110 (5)
2001–2010 Deportivo da Coruña 294 (27)
2010–2011 Levante 14 (2)
Selección nacional
2001–2005 España 11 (0)
1999–2010 Cataluña 14 (1)
Adestrador
2013–2014 Espanyol B (asistente)
2014 Espanyol B
2014– Espanyol
* Partidos e goles só en liga doméstica.
† Aparicións (Goles)

Sergio González Soriano, nado en L'Hospitalet de Llobregat (Barcelona) o 10 de novembro de 1976, é un ex futbolista español. Xogaba de centrocampista e foi internacional coa selección española, coa que participou no Mundial 2002. Actualmente adestra o Espanyol.

Tras 14 tempadas en Primeira División, participou en 418 partidos e anotou 34 goles.

Traxectoria[editar | editar a fonte]

Debutou no CE L'Hospitalet en 1994 e despois pasou ó RCD Espanyol ao ano seguinte. Debutou en Primeira División co Espanyol en 1998 ante o CD Tenerife, club co que gañou a súa primeira Copa do Rei no ano 2000, sendo seu o gol da vitoria.

Na tempada 2001–02 fichou polo Deportivo da Coruña, ao que chegou por un valor de 17 millóns de euros, a fichaxe máis cara do club coruñés en toda a súa historia. No Dépor gañou outra Copa do Rei e unha Supercopa de España no ano 2002. Destacable é tamén o seu papel na consecución da Copa do Rei 2001–02, marcando o gol da vitoria ao Real Madrid no coñecido como Centenariazo, no que os merengues non puideron celebrar a consecución da Copa o mesmo día do seu centenario.

O 1 de xullo de 2010 desvinculouse do Deportivo ao non renovar o seu contrato e o 22 dese mesmo mes anunciouse a súa contratación polo Levante UD.[1]

Selección nacional[editar | editar a fonte]

Internacional absoluto coa Selección de fútbol de España en 11 ocasiones, debutou ante o combinado de Liechtenstein en 2001 da man de José Antonio Camacho cando militaba en las filas do Espanyol. Participou no Mundial de Corea e Xapón de 2002.

Selección catalá[editar | editar a fonte]

Internacional en 14 ocasións, é o xogador que máis veces vestiu a camiseta da selección catalá e o seu actual capitán. Desde que debutou en 1999 contra a antiga Iugoslavia só perdeu un partido contra Brasil.

Adestrador[editar | editar a fonte]

O 27 de maio de 2014 foi anunciado como novo adestrador do Espanyol, en substitución de Javier Aguirre.[2]

Palmarés[editar | editar a fonte]

Espanyol
Deportivo

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]