Deportivo Alavés
| Nome | Deportivo Alavés, S.A.D. | ||
|---|---|---|---|
| Alcume(s) | Babazorros El glorioso |
||
| Fundación | 1921 (92 anos) | ||
| Estadio | Mendizorroza, Vitoria-Gasteiz, España |
||
| Inauguración | 1924 | ||
| Capacidade | 19.200 | ||
| Presidente |  Avelino Fernández |
||
| Adestrador | José Carlos Granero |
||
| Liga | 2ªB – Grupo 2 | ||
| 2012–13 | 1º | ||
| Páxina web | Páxina web oficial | ||
|
|||
O Deportivo Alavés é un club de fútbol español, da cidade de Vitoria-Gasteiz en Álava (País Vasco). Foi fundado no ano 1921 e actualmente xoga na Segunda División B de España.
Índice |
Historia [editar]
O Deportivo Alavés naceu co nome de Sport Friends en 1920 e o 28 de xaneiro de 1921 adoptou a denominación actual. Na tempada 1929–30 conseguiu o primeiro ascenso á Primeira División, onde permaneceu tres tempadas. O segundo ascenso a Primeira non chegaría ata a tempada 1953–54 e o terceiro ata a 1997–98.
Na tempada 2000–01, o club chegou á final da Copa da UEFA, perdéndoa no Westfalenstadion de Dortmund co Liverpool FC por 5-4 na prórroga. Tras o éxito en Europa, en 2005 logrou o seu último ascenso a Primeira. Actualmente pasa por unha grave crise económica.
Uniforme [editar]
A mediados de tempada 2008-2009, no mes de xaneiro, o Deportivo Alavés recibe o novo equipamento da marca Legea.
- Uniforme titular: Camiseta de tres raias verticais azuis e brancas, pantalón azul, medias brancas cun ribete azul.
- Uniforme alternativo: Equipamento enteiro de cor negra con detalles azuis.
- Terceiro uniforme: Camiseta vermella e pantalon rosa.
Himno [editar]
O seu himno foi escrito por Alfredo Donnay, músico vitoriano nos 50, aínda que parece ser que en Mendizorroza naceu xa nos anos 20, o famoso cántico de "alabin, alaban...". Piterman iniciou un concurso para crear un himno en éuscaro, pero a mala imaxe que tiña Piterman entre os afeccionados e a marcha deste, provocaron que o proxecto quedase no esquecemento.
Podes ver a letra do himno actual aquí.
Instalacións [editar]
Estadio de Mendizorroza [editar]
- Artigo principal: Estadio de Mendizorroza.
O Estadio de Mendizorroza foi inaugurado o 27 de abril de 1924 e ten unhas dimensións de 105 x 67 metros. Está situado no Paseo Cervantes, á beira das piscinas municipais e da Fundación Estadio. O estadio sufriu varias remodelacións, sendo a última e máis importante na tempada 1998-99 tras o terceiro ascenso do Alavés a Primeira División.
Museo [editar]
O Deportivo Alavés conta cun museo nos baixos de Mendizorroza que foi inaugurado a principios do ano 2005. No seu interior atópanse trofeos como o do Subcampionato da Copa da UEFA e unha placa na que se cataloga á afección do Alavés como a mellor do ano 2001 segundo a UEFA.
Outras instalacións [editar]
O Deportivo Alavés conta con outras dúas instalacións deportivas:
- Cidade Deportiva "El Glorioso", formada por varios campos de adestramento dos equipos inferiores: 1 de herba natural, 3 de herba artificial e 3 de fútbol sala, cunha superficie total de 40.000 m².
- Cidade Deportiva "Jose Luís Compañón", foi cedida polo defunto Don Juan Arregui Garay. É o lugar de adestramento do primeiro equipo e os equipos inferiores. Está formada por 1 campo de herba artificial e 3 campos de herba natural.
Datos do club [editar]
- Tempadas en 1ª: 11
- Tempadas en 2ª: 34
- Tempadas en 2ªB: 11 (Incluída a 2011/12)
- Tempadas en 3ª: 22
- Mellor posto en Primeira: 6º (tempada 99-00)
- Peor posto en Primeira: 19º (tempada 02-03)
- Posto na Clasificación histórica da Primeira División: 29º
- Participacións en competicións europeas: 2
- 2 na Copa da UEFA
Xogadores [editar]
- Categoría principal: Xogadores do Deportivo Alavés.
Cadro actual [editar]
- Actualizado a 19 de xullo de 2011.
|
|
Distincións individuais de futbolistas [editar]
- Trofeo Zamora: 1999-00 Martín Herrera con 0,97 goles/partido
Palmarés [editar]
Torneos nacionales [editar]
- Segunda División (3): 1929–30, 1953–54, 1997–98
- Segunda División B (3): 1992–93, 1993–94, 1994–95
- Terceira División (6): 1940–41, 1960–61, 1964–65, 1967–68, 1973–74, 1989–90
- Copa Federación de fútbol (1): 1946
- Subcampión da Segunda División B (1): 1990–91
- Subcampión da Terceira División (3): 1943–44, 1950–51, 1988–89
Torneos internacionais [editar]
- Subcampión da Copa da UEFA (1): 2001
Filial [editar]
- Artigo principal: Deportivo Alavés B.
O Deportivo Alavés B é o equipo filial do club. Fundouse en 1921 e xoga na Rexional Preferente Alavesa. Actualmente está dirixido por Kepa Arrieta.
Véxase tamén [editar]
Ligazóns externas [editar]
|
|||||
