Xi Jinping 15 de novembro de 2012 Hu Jintao 15 de novembro de 2002 - 15 de novembro de 2012 Jiang Zemin 24 de xuño de 1989 - 15 de novembro de 2002 Zhao Ziyang 16 de xaneiro de 1987 - 24 de xuño de 1989 Hu Yaobang(pt) 12 de setembro de 1982 - 16 de xaneiro de 1987 Hu Yaobang(pt) 29 de xuño de 1981 - 12 de setembro de 1982 Hua Guofeng 7 de outubro de 1976 - 29 de xuño de 1981 Mao Tse Tung 19 de xuño de 1945 - 9 de setembro de 1976
Na época de Mao Zedong, a maior diferenza entre o comunismo chinés e o de influencia soviética (aquel que amais da URSS se estendía polo leste de Europa) radicaba na visión diferente da clase campesiña e a dos obreiros urbanos. Mentres que o comunismo soviético desconfiaba do espirito revolucionario dos campesiños, Mao viu nos campesiños o autentico motor da revolución. Esta visión do mundo rural coma o que debía erguerse contra os poderes burgueses establecidos foi a principal achega de Mao ao pensamento comunista. Moitos movementos comunistas, principalmente de Asia e da América Latina, foron influídos por esta idea do maoísmo.
Esta visión ideolóxica cambiou coa chegada ao poder de Deng Xiaoping, un dos máximos líderes chineses dende a morte de Mao en 1976 ata o seu falecemento en 1997. Deng impulsou unha serie de reformas económicas que supuxeron a entrada de investimentos de empresas estranxeiras e a creación dalgunhas empresas privadas dentro do país. Dende entón a ideoloxía do PCCh derivou cara a un modelo autoritario e fortemente nacionalista, formalizado na teoría ideolóxica da Tripla representatividade de Jiang Zemin, secretario xeral do partido entre 1989 e 2002, que supuxo a admisión de empresarios como membros do PCCh nos últimos anos.
