Santa Helena

Na Galipedia, a Wikipedia en galego.
Saint Helena

Santa Helena

Bandeira de Santa Helena Escudo de Santa Helena
Bandeira Escudo
Lema: Loyal and Unshakeable

(inglés: «Leal e Imperturbable»)

Himno nacional: God Save the Queen

My St. Helena Island¹

 
LocationSaintHelena.png
 
Capital
 • Poboación
Jamestown
850 (1998)
Cidade máis poboada Jamestown
Linguas oficiais
Inglés
Forma de goberno Territorio de Ultramar
Mark Andrew Capes
Dependencia
Do Reino Unido

1651

Superficie
 • Total
 • % auga
Fronteiras
Costas
Posto 204º
410 km²
81,1
0 km km
60 km km
Poboación
 • Total
 • Densidade

7.367 (2003 est.)
18 hab./km²
PIB (nominal)
 • Total
 • PIB per cápita

n/d
n/d
PIB (PPA)
 • Total
 • PIB per cápita

n/d
n/d
IDH n/d
Moeda Libra de Santa Helena (SHP)
Xentilicio Santaheleno, santahelena
Fuso horario GMT (UTC 0)
Dominio de Internet .sh
Prefixo telefónico +290
Prefixo radiofónico n/d
Código ISO 654 / SHN / SH
Membro de: Reino Unido

¹Non oficial

Tódolos países do mundo

Santa Helena é unha illa do océano Atlántico, situada a máis de 2.800 quilómetros de distancia da costa occidental de Angola, en África. Administrativamente, é un Territorio de Ultramar do Reino Unido, no que inclúe ademais as dependencias das illas de Ascensión, Tristán da Cunha e Diego Alvares. Santa Helena está incluída na lista elaborada pola Organización das Nacións Unidas de descolonización.

Historia[editar | editar a fonte]

Portugal nunca colonizou a illa, que veu a ser ocupada pola mariña inglesa no século XIX.

A illa foi descuberta en 1501 polo navegador galego Xoán de Nova, mentres realizaba unha viaxe cara á India, ao servizo de Portugal (nesa viaxe tamén descubriu a illa de Ascensión), nomeouna por Helena de Constantinopla; a illa estaba deshabitada pero había moitos bosques e auga fresca; importaron gando, árbores froiteiras e vexetais, construíron unha capela e varias vivendas, onde deixaban aos enfermos para irse a casa, se se recuperaban para a seguinte embarcación, pero non formaron un asentamento permanente. Os portugueses mantiveron a localización da illa en segredo, sobre todo pola súa posición xeográfica. O seu primeiro residente permanente foi Fernão López, un portugués da India, que se converteu en traidor e foi mutilado por orde de Afonso de Albuquerque, o gobernador de Goa. López preferiu estar exiliado que regresar a Portugal en malas condicións, e foi enviado a Santa Helena en 1513. Por orde real, López visitou Portugal pouco despois, pero regresou á illa onde morreu en 1530.

En 1584, dous embaixadores xaponeses que viaxaban cara a Roma fixeron escala na illa. Os primeiros ingleses que chegaron a Santa Helena foron Thomas Cavendish, quen desembarcou en xuño de 1588, durante a súa viaxe ao redor do mundo; o capitán inglés Abraham Kendall, quen visitou a illa en 1591; e Sir James Lancaster en 1593, facendo escala rumbo a Inglaterra desde Oriente, e que regresou en 1603 á illa da súa primeira viaxe pola Compañía Británica das Indias Orientais.

A illa continuou deshabitada ata a chegada de colonos neerlandeses en 1645. En 1651, Santa Helena foi transferida á Compañía Británica das Indias Orientais, que estableceu un destacamento na illa e construíu un forte en 1658, chamado Jamestown, nome dado en honra ao duque de York, Xaime II. En 1673 os holandeses posesionáronse de novo da illa, pero foron expulsados uns meses despois.

Nesa época, ao redor da metade dos habitantes eran escravos africanos. En 1810 a Compañía comezou coa importación de chineses desde Cantón. Durante o mandato da Compañía, a illa prosperou economicamente ata 1870, ano no que comezou a sentir o efecto da apertura da Canle de Suez, en 1869, o que facilitaba as comunicacións marítimas entre Europa e Asia, evitando a navegación rodeando África, unha ruta na cal Santa Helena servía como un punto de escala fundamental.

Santa Helena, debido á súa distancia e inaccesibilidade, serviu como prisión para grandes personalidades da historia. Napoleón Bonaparte pasou os seus últimos días de vida exiliado na illa entre 1815 e a súa morte, o 5 de maio de 1821. O xeneral Piet Cronje e outros prisioneiros da Guerra Anglo-Bóers foron trasladados a este territorio, que tamén serviu de lugar de exilio a algúns xefes zulús, incluíndo Dinizulu.

Napoleón Bonaparte en Santa Helena.

Goberno e Política[editar | editar a fonte]

O Xefe de Estado é o soberano do Reino Unido; na actualidade ostenta este título A súa Maxestade a Raíña Isabel II. O Xefe de Goberno é o Gobernador e Comandante en Xefe que é designado polo monarca; existe un Consello Executivo que se utiliza como gabinete e é dirixido polo gobernador, dous membros ex officio e seis membros elixidos polo Consello Lexislativo.

Existe un Consello Lexislativo unicameral, que está formado por 15 escanos, incluíndo o voceiro, tres membros ex officio e doce membros elixidos mediante votación popular por un período de catro anos. Non existen os partidos políticos desde 1976 e todos os membros son independentes sen afiliación política.

Existe unha Corte Suprema dentro da dependencia. A Constitución actual réxese desde o 1 de xaneiro de 1989.

Organización político-administrativa[editar | editar a fonte]

A dependencia divídese en tres unidades administrativas:

Unidade administrativa Superficie (km²) Poboación (1998) Capital
Santa Helena (área administrativa) 122 5.157 Jamestown
Ascensión (dependencia) 88 1.122 Georgetown
Tristan da Cunha (dependencia) 200 284 Edimburgo
Territorio de Ultramar de Santa Helena 410 6563 Jamestown

Dentro da área administrativa de Santa Helena, inclúense os pequenos illotes satélites e rocas como a Roca de Castle, Illa de Speerd, Os Needle, Roca de Lower Black, Roca de Upper Black (Sur), Illa de Bird (Suroeste), Roca de Black, Illa do Val Thompson, Illa de Peaked, Illa de Egg, Lady's Chair, Roca de Lighter (Oeste), Long Ledge (Noroeste), Illa de Shore, Illa de George, Illa da Roca Rough, Roca de Flat (Este), Os Buoys, Illa da Baía Sandy, Os Chimney, Illa de White Bird e a Roca de Frightus (Sueste), que no seu conxunto suman 1 km².

A área administrativa de Santa Helena divídese en oito distritos:

Distrito Superficie (km²) Poboación (1998)
Alarm Forest 5,9 279
Baía de Sandy 15,3 254
Blue Hill 36,5 175
Half Tree Hollow 1,6 1.126
Jamestown 3,6 864
Levelwood 14,0 373
Longwood 33,4 951
Saint Paul's 11,4 893
Santa Helena (Illa) 121,7 4.915

As dúas dependencias restantes non teñen unha subdivisión en distritos. Para Ascensión, que aparte de ter uns pequenos illotes e rocas, consiste nunha soa illa, usualmente dividida nos cinco asentamentos que hai. Para Tristán dá Cunha, que só ten un asentamento pero consiste en varias illas separadas, tómase como división a cada illa.

Xeografía[editar | editar a fonte]

Mapa da dependencia de Santa Helena.

A illa de Santa Helena ten unha superficie de 121 km². Outras illas que pertencen a este territorio son a illa Ascensión e o arquipélago de Tristán da Cunha, consistente na illa homónima e as illas Gough, Inaccesible e o grupo das illas Nightingale. Todas estas illas son de orixe volcánico, moi escarpadas o que impide practicamente a agricultura, apenas cun 13% do terreo cultivable. O punto máis alto é o pico de Queen Mary's en Tristán da Cunha (2.060 m).

O clima da illa é tropical, amornado debido á influencia mariña. Tristán da Cunha é máis frío que Santa Helena, pero posúe practicamente as mesmas características.

Curiosamente, Santa Helena non posúe ningunha praia, sendo o seu litoral completamente rochoso. Tamén por este motivo a illa era utilizada como prisión. Non hai unha saída doada do interior da illa mais que a través da capital Jamenstown.

Ecoloxía[editar | editar a fonte]

Na illa existen polo menos corenta especies de especies vexetais descoñecidas en calquera parte do mundo. Constitúe por si soa a ecorregión denominada monte e matogueira de Santa Helena.

Economía[editar | editar a fonte]

A economía da illa baséase principalmente na axuda que recibe do Reino Unido e na exportación pesqueira, cría de gando e venda de artesanías. Actualmente ten un pequeno centro bancario.

O turismo que se realiza en Santa Helena é sobre todo nos lugares onde estivo Napoleón, A industria do turismo local explora moito este particular aspecto da historia, así como o calmo estilo de vida da súa poboación. Os sitios onde Napoleón viviu e o val onde foi enterrado son territorio francés.

Santa Helena non posue aeroporto, sendo todo o transporte de persoas e cargas feito a través de barcos. A illa posue un navío, chamado RMS St Helena, que fai unha ruta pasando por Inglaterra, Irlanda, Illas Canarias, Ascensión, Santa Helena, África do Sur e Namibia. A pasaxe pola Namibia é ainda experimental.

Existe un proxecto para a construción dun aeroporto, como forma de viabilización económica da illa, principalmente a través do turismo. Santa Helena aínda depende nunha gran medida dos recursos vidos do Reino Unido.

Demografía[editar | editar a fonte]

Illa de Santa Helena.

A maior parte da poboación habita na illa de Santa Helena, cun total de 5.157 habitantes. 850 aproximadamente viven na capital, Jamestown. Outras 1.122 persoas viven en Ascensión, das cales máis de 500 viven na capital, Georgetown. En Tristán dá Cunha viven preto de 284 persoas.

Os grupos étnicos que existen na illa son descendentes de africanos (50%), brancos (25%) e descendentes de chineses (25%). A relixión anglicana constitúe a maioría, pero existen comunidades católicas, bautistas, adventistas do Sétimo Día e Testemuñas de Xehová (é o lugar onde hai maior proporción de fieis no mundo, 1 por cada 29 habitantes).

Véxase tamén[editar | editar a fonte]

Ligazóns Externas[editar | editar a fonte]