Comarca dos Ancares

Na Galipedia, a Wikipedia en galego.
Comarca dos Ancares
Comarca Ancares.png
Provincia Provincia de Lugo
Capital Becerreá
Área 907 km²
Poboación 10.951 hab. (2014)
Densidade 12,07 hab./km²
Concellos Becerreá.svg Becerreá
As Nogais.svg As Nogais
Escudo de Baralla.svg Baralla
Cervantes.svg Cervantes
Escudo Navia de Suarna.jpg Navia de Suarna
Pedrafita do Cebreiro Coat of Arms.svg Pedrafita do Cebreiro

Os Ancares é unha comarca situada ó leste da provincia de Lugo cuxa capital é Becerreá, que á súa vez é o concello máis poboado. Toma o nome da serra que está situada na parte máis oriental de Galiza, nos límites con Asturias e Castela e León. Pertencen a ela os concellos de Becerreá, As Nogais, Baralla, Cervantes, Navia de Suarna e Pedrafita do Cebreiro.

Localización e características[editar | editar a fonte]

É unha zona montañosa que forma parte das serras orientais, que tamén inclúen a comarca da Fonsagrada (ao norte) e O Courel (ao sur). Os Ancares tiña 10.951 habitantes no 2014, e uns 907 km2, polo que posúe unha baixa densidade de poboación de 12,07 hab/km2. Os concellos que conforman Os Ancares galegos son Becerreá, As Nogais, Baralla, Cervantes, Navia de Suarna e Pedrafita do Cebreiro.

Nos Ancares hai importantes masas forestais de carballo e bidueiro, acompañados de abeleiras, cancereixos, acivros, pradairos e teixos. Tamén hai mato abondo, como é o caso das uceiras e piornais predominantes. Na comarca aínda se pode ver ocasionalmente o oso pardo, en vías de extinción, e podería quedar algún exemplar illado da pita do monte.

Poboación[editar | editar a fonte]

Censo total 2014 10.951 habitantes
Menores de 15 anos 636 (5.8 %)
Entre 15 e 64 anos 6.068 (55.42 %)
Maiores de 65 anos 4.247 (38.78 %)

Galería de imaxes[editar | editar a fonte]

Véxase tamén[editar | editar a fonte]

Outros artigos[editar | editar a fonte]