Rodrigue Beaubois

Na Galipedia, a Wikipedia en galego.
Rodrigue Beaubois
Rodrigue Beaubois.jpg
Axente libre
Base
Información persoal
Nacemento 24 de febreiro de 1988 (26 anos)
Flag of Guadeloupe (local).svg Pointe-à-Pitre, Guadalupe
Nacionalidade Flag of France.svg Francia
Altura 1,88 m (6 ft 2 in)
Peso 84 kg (185 lb)
Información da carreira
Pre-draft club Cholet Basket LNB
NBA Draft 2009 / Rolda: 1 / Elección: 25

Escollido por Oklahoma City Thunder

Carreira dende 2006
Historial de equipos
Cholet Basket (2006–2009) LNB
Dallas Mavericks (2009–2013)
Premios e galardóns
Campión da NBA (2011)
Información en nba.com

Rodrigue Beaubois, nado en Pointe-à-Pitre (Guadalupe) o 24 de febreiro de 1988, é un xogador profesional de baloncesto francés que actualmente é axente libre. Con 1,88 metros de altura, xoga na posición de base.

Traxectoria[editar | editar a fonte]

Beaubois foi descuberto polo xogador da NBA Mickael Pietrus nun campus de baloncesto celebrado en Guadalupe.[1] De alí chegou ao Cholet Basket da liga francesa, onde se integrou no seu centro de formación, xogando primeiro unha tempada no seu equipo junior, onde fixo 10,8 puntos e 2,3 asistencias por partido.[1] Ao ano seguinte integrouse no equipo profesional , pero só xogou cinco partidos co mesmo na tempada.[2] Ese mesmo ano foi por primeira vez convocado coa selección francesa sub-20.[3]

Tras unha primeira tempada xa completamente integrado no primeiro equipo, a súa explosión foi ao ano seguinte, no que acabou con 10 puntos e 2,5 rebotes por partido, xogando o seu mellor encontro ante Roanne, no que conseguiu 31 puntos, 8 asistencias e 5 roubos de balón.[1]

Foi elixido na vixésimo quinta posición do Draft da NBA de 2009 por Oklahoma City Thunder,[4] mais foi inmediatamente traspasado a Dallas Mavericks xunto cunha futura segunda rolda do draft a cambio dos dereitos da elección 24, B. J. Mullens.[5] En xullo de 2009 comprometeuse co equipo texano por dúas tempadas.[6]

Estatísticas[editar | editar a fonte]

Tempada Equipo P PTS REB AST ROU TAP  %TC  %3P  %TL MIN PER
2007-08 Cholet Basket 24 5.5 1.6 1.3 0.7 0.4 .511 .435 .777 13.3 1.0
2008-09 Cholet Basket 29 10.0 2.5 2.3 1.1 0.2 .633 .317 .583 22.3 1.9
Total: 50 7.5 2.2 1.9 0.9 0.3 .541 .398 .622 17.8 1.4

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]