Ricky Rubio

Na Galipedia, a Wikipedia en galego.
Ricky Rubio
Ricky Rubio-MN v DET.jpg
Minnesota Timberwolves – No. 9
Base
Información persoal
Nacemento 21 de outubro de 1990 (23 anos)
Cataluña El Masnou, Cataluña
Nacionalidade España España
Altura 1,93 m (6 ft 4 in)
Peso 82 kg (180 lb)
Información da carreira
NBA Draft 2009 / Rolda: 1 / Elección: 5

Escollido por Minnesota Timberwolves

Carreira dende 2005
Historial de equipos
DKV Joventut Badalona (2005-2009)
FC Barcelona Bàsquet (2009-2011)
Minnesota Timberwolves (2011-presente)
Premios e galardóns
Estrela emerxente da Euroliga (2010)
1º Equipo de Rookies NBA (2012)
Información en nba.com

Ricard "Ricky" Rubio Vives, nado o 21 de outubro de 1990 en Barcelona, é un xogador profesional español de baloncesto que xoga nos Minnesota Timberwolves da NBA.

Traxectoria profesional[editar | editar a fonte]

España[editar | editar a fonte]

Camiseta asinada de Ricky Rubio (2009)

Rubio debutou na Liga ACB na tempada 2005-06 co DKV Joventut. Ese ano gañou o EuroChallenge co equipo. Liderou a ACB en roubos de balón na tempada 2006-07. Nesa mesma tempada, gañou o premio ao xogador revelación da liga. Rubio ademais foi o mellor xogador novo do ano da FIBA en 2007, 2008 e 2009, que premia ao mellor xogador do ano de 22 anos ou menos.[1] Fixo o seu debut na Euroliga o 24 de outubro de 2006. Gañou a Eurocup co Joventut en 2008. Foi elexido coma o mellor base da ACB en 2008 e 2010.

Na tempada 2008-09 foi elixido coma o mellor xogador defensivo da liga, e ao remate desa tempada, declarouse elixible para o Draft da NBA de 2009.[2][3] Nese ano, fichou polo FC Barcelona, onde estivo dous anos.

NBA[editar | editar a fonte]

O 1 de xuño de 2011, anunciouse que Rubio e Minnesota chegaron a un acordo para que o xogador chegase aos Timberwolves na tempada 2011-12.

O 17 de xuño de 2011, Rubio fixo unha rolda de prensa na que anunciou a súa fichaxe polos Minnesota Timberwolves.[4] Rubio debutou con Minnesota o 26 de decembro de 2011 no Target Center, que rexistrou un cheo absoluto, primeiro cheo no pavillón dende a tempada 2007-08. Nese partido, Rubio fixo 6 puntos, 5 rebotes e 6 asistencias na derrota por 104-100 contra os Oklahoma City Thunder.[5]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]