Brandon Jennings

Brandon Jennings

Milwaukee Bucks – No. 3
Escolta
Información persoal
Nacemento	23 de setembro de 1989 (23 anos) Compton, California
Nacionalidade	Estados Unidos
Altura	1,85 m (6 ft 1 in)
Peso	77 kg (169 lb)
Salario	$2.168.520
Información da carreira
Pre-draft club	Lottomatica Roma
NBA Draft	2009 / Rolda: 1 / Elección: 10 Escollido por Milwaukee Bucks
Carreira	dende 2008
Historial de equipos
Lottomatica Roma (2008–2009) (LEGA
Información en nba.com

Brandon Jennings, nado o 23 de setembro de 1989 en Compton, California, é un xogador profesional de baloncesto estadounidense que pertence ao cadro de xogadores dos Milwaukee Bucks da National Basketball Association (NBA). Con 1,85 metros de alzada, xoga na posición de base.

É curmán do xogador de Memphis Grizzlies Marcus Williams. Despois de graduarse na Academia Oak Hill decidiu xogar profesionalmente ao baloncesto en Italia en lugar de xogar na liga universitaria coa Universidade de Arizona.

Traxectoria deportiva

Liga italiana

Tras formar parte en 2008 no prestixioso McDonald's All American Team, ademais de conseguir na súa época de instituto case tódolos premios posibles a nivel individual, cunhas medias de 35,5 puntos e 6,8 asistencias por partido, renunciou a senllos compromisos que tiña coas universidades de USC e Arizona por problemas de alcanzar o nivel académico, decidindo irse a xogar unha tempada á Lottomatica Roma da liga italiana.

En Roma xogou 27 partidos de liga, nos que fixo 5,5 puntos e 2,3 asistencias, ademais de 2,1 roubos de balón, único aspecto no cal apareceu nos rankings da liga entre os 20 mellores. O seu mellor rexistro anotador conseguiuno na Euroliga, nun partido ante Unicaja de Málaga, no que anotou 17 puntos.

Polémica con Ricky Rubio

En xuño de 2009, Jennings fixo unhas polémicas declaracións nas que deixaba en mal lugar ao base español Ricky Rubio, comparándoo con el mesmo:

É todo publicidade, xogou os Xogos Olímpicos, é profesional desde os 14 anos... todo iso lévache a pensar que é correcto que estea aquí. Cando xoguei con el, as súas estatísticas foron cero puntos, dúas asistencias e dous balóns perdidos, como pode ser iso?. Creo que son mellor xogador que el, tiro mellor, as únicas veces que lle vin facer algo bo é un pase de béisbol ou algo así

Poucos días despois, tras darse conta da magnitude das súas palabras, pediu perdón publicamente a través do seu Twitter:

Creo que me pasei. Equivoqueime dicindo que el é todo propaganda, non é xusto. Equivoqueime. Fóra da pista, Ricky Rubio é un gran tipo. Nunca quixen faltarlle ao respecto. De todos os xeitos penso que son o mellor xogador do draft e debo ser número 1.

NBA

Foi elixido na décima posición do Draft da NBA de 2009 por Milwaukee Bucks. O 15 de Novembro de 2009, converteuse no xogador máis novo da historia en anotar máis de 50 puntos no mesmo partido (55 puntos ante os Golden State Warriors)

Véxase tamén

Ligazóns externas

• Ficha en nba.com
• Estatísticas de Brandon Jennings