Premios Martín Códax da Música

Na Galipedia, a Wikipedia en galego.
Saltar ata a navegación Saltar á procura

Os Premios Martín Códax da Música son uns galardóns anuais entregados pola asociación Músicos ao Vivo desde 2013.[1] A candidatura ás diferentes categorías require dunha inscrición previa, que posteriormente se somete a votación. Na primeira rolda votan os socios de Músicos Ao vivo, e na segunda un xurado seleccionado pola directiva da asociación escolle os proxectos premiados de entre os finalistas. Este xurado está composto por un xornalista, un representante de salas, outro da industria musical, outro de formación musical e tres músicos.

A cerimonia de entrega celébrase desde o inicio no Pazo da Cultura de Pontevedra[2] e as estatuíñas entregadas, talladas en madeira de cedro polo escultor Víctor Lorenzo, representan melómanos e melómanas.[3] A dirección e presentación de cada edición é encomendada a profesionais do teatro, sendo as dúas primeiras dirixidas por Chévere[4][5] e as dúas seguintes pola compañía A Panadaría.[6][7] A edición de 2016 foi emitida a través da Televisión de Galicia[7].

Categorías[editar | editar a fonte]

  • Categorías musicais: pop e indie; rock; blues, funk e soul; metal; canción de autor; hip hop e músicas urbanas; reggae, ska e mestizaxe; electrónica; música clásica e contemporánea; jazz e músicas improvisadas; música tradicional e folk; músicas do mundo; música infantil; orquestras, grupos e música de verbena; coros e grupos vocais.
  • Premios Organistrum, dedicados aos demais axentes da industria musical: sala; festival; espazos de comunicación musical.
  • Premio Honorífico: galardón especial dedicado a un profesional considerado referencia para a música galega, outorgado pola Xunta Directiva da asociación.

Edicións[editar | editar a fonte]

Primeira edición (2013)[editar | editar a fonte]

Na edición inaugural, foron trece as categorías musicais e unha honorífica.[8]

Segunda edición (2014)[editar | editar a fonte]

Os II Premios Martín Códax da Música contaron con quince categorías musicais e unha honorífica, estreando a de blues, funk e soul e a de canción de autor. Tamén foi a primeira edición coas tres categorías especiais Organistrum.[9]

Terceira edición (2016)[editar | editar a fonte]

Esta edición contou con dezaseis categorías musicais, tres especiais e unha honorífica, estreando a de coros e grupos vocais.[10]

Cuarta edición (2017)[editar | editar a fonte]

Esta edición tivo dezaseis categorías musicais, tres especiais e unha honorífica.[11]

  • Música infantil: María Fumaça - Aire!
  • Rock: Agoraphobia
  • Músicas do mundo: Talabarte
  • Folk: Vaamonde, Lamas e Romero
  • Música tradicional galega: Davide Salvado
  • Pop / Indie: Os Amigos dos Músicos
  • Reggae / Ska / Mestizaxe: O Sonoro Maxín
  • Electrónica: Pálida
  • Jazz / Músicas improvisadas: Iago Fernández "Brisa"
  • Orquestras / Grupos / Música de verbena: Áureas en Voga
  • Metal: Aphonnic
  • Música clásica / Contemporánea: Alberto Vilas "Universo Lem"
  • Hip-Hop / Músicas urbanas: Malandrómeda
  • Blues / Funk / Soul: VooDoo
  • Canción de autor: Lebedynski
  • Coros e grupos vocais: EJazz
  • Honorífico: Dorothé Schubarth
  • Sala: A Pousada das Ánimas
  • Festival: Surfing the Lérez
  • Espazo de comunicación musical: Zigzag diario

Quinta edición (2018)[editar | editar a fonte]

Desta vez, os premios contaron con quince categorías musicais, tres especiais e unha honorífica. Música tradicional e Folk pasan a configurar unha única categoría.[12]

Sexta edición (2019)[editar | editar a fonte]

Esta edición tivo quince categorías musicais, tres especiais e unha honorífica.[13][14]

  • Pop / Indie: Igloo
  • Rock: Bala
  • Músicas Urbanas: Wöyza
  • Clásica / Contemporánea: Adrián Saavedra
  • Música tradicional galega e folque: Tanxugueiras
  • Músicas do mundo: Marcos Teira - NÓs
  • Música electrónica: Baiuca
  • Metal: NAO
  • Música infantil: Xoán Curiel e a Banda do Verán
  • Reggae / Ska / Mestizaxe: Banda Crebinsky
  • Orquestras / Grupos / Música de verbena: Los Satélites
  • Blues / Funk / Soul: Carmen Rey
  • Canción de autor: Su Garrido Pombo
  • Coros e grupos vocais: Ejazz
  • Jazz / Músicas improvisadas: Xosé Miguélez - Ontology
  • Festival: Festival de Pardiñas
  • Salas: El Contrabajo Club
  • Espazo de comunicación musical: Diario Cultural
  • Honorífico: Carlos Barruso

Artistas máis premiados[editar | editar a fonte]

Nas seis edicións celebradas, repetiron galardón o cantante e músico Davide Salvado na categoría de Música tradicional galega, o grupo Eladio y los seres queridos na categoría de Pop / Indie, a banda NAO na categoría de Metal, o portal Ábrete de orellas na de Espazo de comunicación musical e a banda Crebinsky na de Músicas do mundo dúas veces e outra na de Reggae / Ska / Mestizaxe.

Notas[editar | editar a fonte]

  1. Músicos ao Vivo. "V Premios Martín Códax da Música". premiosmartincodaxdamusica.com. Arquivado dende o orixinal o 17 de abril de 2018. Consultado o 16 de abril de 2018. 
  2. vivo, Músicos ao. "V Premios Martín Códax da Música". premiosmartincodaxdamusica.com. Arquivado dende o orixinal o 17 de abril de 2018. Consultado o 2018-04-17. 
  3. Músicos ao Vivo. ""Os Melómanos", catorce pezas para facer historia". Arquivado dende o orixinal o 18/04/2018. Consultado o 17/04/2018. 
  4. Músicos ao Vivo. "Os premios rematan a primeira edición cunha gala emocionante". Arquivado dende o orixinal o 18/04/2018. Consultado o 17/04/2018. 
  5. Músicos ao Vivo. "Moitas sorpresas entre os premiados nunha emocionante gala". Arquivado dende o orixinal o 18/04/2018. Consultado o 17/04/2018. 
  6. Músicos ao Vivo (Sorpresas nunha gala centrada na diversidade). "Sorpresas nunha gala centrada na diversidade". Arquivado dende o orixinal o 18/04/2018. Consultado o 17/04/2018. 
  7. 7,0 7,1 Músicos ao Vivo. "Galardoados/as da 4ª edición". Arquivado dende o orixinal o 17/04/2018. Consultado o 17/04/2018. 
  8. "Primeira edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  9. "Segunda edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  10. "Terceira edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  11. "Cuarta edición dos Premios". Arquivado dende o orixinal o 17 de abril de 2018. Consultado o 17 de abril de 2018. 
  12. vivo, Músicos ao. "V Premios Martín Códax da Música". premiosmartincodaxdamusica.com. Arquivado dende o orixinal o 20 de maio de 2018. Consultado o 2018-05-19. 
  13. "Coñecemos ós gañadores dos Premios Martín Códax da Música!". 9 de maio de 2019. Consultado o 27 de decembro de 2019. 
  14. "Premios Martín Códax 2019". Consultado o 27 de decembro de 2019. 

Véxase tamén[editar | editar a fonte]

Ligazóns externas[editar | editar a fonte]