Malandrómeda

Na Galipedia, a Wikipedia en galego.
Malandrómeda
Malandrómeda.jpg
Malandrómeda en concerto en Boiro (2010)
Orixe Santiago de Compostela, España
Período 2005 - actualidade
Xénero(s) rap
Selo(s) discográfico(s) Temazo.org, Matapadre
Membros Hevi, O Master do Son
Antigos membros Caldeirada
Artistas relacionados Fluzo, Non Residentz, Fodi & Barbaconna, Juanito Broders
Páxina web http://malandromeda.com/

Malandrómeda é un grupo musical compostelán formado por Hevi (Hevi Vieites[1], MC) e O Master do Son (Xurxo Pinheiro[2], produción musical).

Traxectoria[editar | editar a fonte]

Hevi e Caldeirada formaron Malandrómeda a finais do ano 2005, tras colaborar na gravación de dous temas para o colectivo Higher Club no programa de radio La Caraba de RadioVoz.[3] En abril de 2006 publicaron o seu primeiro disco baixo o título Os estranos sempre traen malas novas. Este longa duración foi publicado unicamente en formato dixital vía Internet.[3] Foi acompañado de ilustracións de once artistas, cada unha facendo referencia a cada un dos temas do disco.

O 11 de xuño de 2006 Temazo.org publicou o vinilo de 10 polgadas titulado Chegan tarde EP, formado por catro temas.[3][4] En 2008 publicaron o single de 7 polgadas 7" contando con DJ Oso para as mesturas e scratches.[3] Este vinilo publicouse en formato Picture disc en edición limitada a numerada. A súa portada foi realizada cun deseño 3D para ser visualizada cunhas lentes 3D, as cales se incluíron de regalo[2][5].

En 2011 lanzaron o maxi single Que nos leve pra diante en vinilo de 12 polgadas de cor branca,[6] formado por dous temas, dous rémixes de Kaze e Mou, unha instrumental e unha pista de batalla.[7][8] Tras este traballo o grupo sufriu unha parada en canto a publicacións a raíz de motivos persoais.[2]

O 26 de febreiro de 2016 o selo discográfico Matapadre editou simultaneamente os discos Os corenta e oito nomes do inimigo e Cada can que lamba o seu carallo, tanto en vinilo coma en dixital. Estes dous longa duración foron autoproducidos entre 2012 e 2015.[9] Estes traballos foron creados baixo dous conceptos diferenciados: o primeiro toca temáticas intimistas e melancólicas e o segundo recompila temas máis festeiros e coloristas.[5] Caldeirada foi substituído por O Master do Son para ocuparse da parte musical.[10] O deseño dos traballos correu por parte de BlueMouse e Sokram (Mutante Creativo).[11] A revista musical Rockdelux nomeou este dobre traballo como o mellor álbum nacional do ano 2016.[12]

A presentación deste dobre disco foi o día 27 de febreiro de 2016, realizada nunha ruta por catorce bares de Santiago de Compostela na que interpretaron un tema en directo en cada un deles. Esta presentación foi chamada De chea con Malandrómeda.[13] O primeiro vídeo musical extraído de Os corenta e oito nomes do inimigo foi "VHS do futuro", publicado o 10 de febreiro de 2016 e realizado por Música Prepost (Fran Torres e Pablo Peña).[14]

Hevi en concerto con Malandrómeda en Lugo (2016)
Master do Son en concierto con Malandrómeda en Lugo (2016)

En 2017 gañan o premio ao mellor grupo na categoría Hip-Hop/Músicas urbanas da gala IV Premios Martín Códax da Música.[15][16]

Discografía[editar | editar a fonte]

  • Os Estranos Sempre Traen Malas Novas (LP) (Auto editado, 2006)
  • Chegan Tarde EP (EP) (Temazo.org, 2006)
  • 7" (Maxi single) (Temazo.org, 2008)
  • Que nos leve pra diante (Maxi single) (Temazo.org, 2011)
  • Os corenta e oito nomes do inimigo (LP) (Matapadre, 2016)
  • Cada can que lamba o seu carallo (LP) (Matapadre, 2016)

Notas[editar | editar a fonte]

  1. "Fluzo: "A música folk é un invento dos hipis"". disquecool. 2011-10-10. Consultado o 2017-02-11. 
  2. 2,0 2,1 2,2 Fernández Rego, Fernando (2017-02). "Malandrómeda. Volando alto". Rockdelux (358). 
  3. 3,0 3,1 3,2 3,3 http://www.galiciahoxe.com/mare/gh/hip-hop-de-frescor-organico/idEdicion-2011-03-11/idNoticia-648030/ Hip hop de frescor orgánico
  4. http://malandromeda.bandcamp.com/releases Chegan tarde en bandcamp.com
  5. 5,0 5,1 http://labranzameiro.blogspot.com.es/2016/03/malandromeda-venres-18-22h-5.html
  6. http://temazo.org/blog/mp3
  7. http://malandromeda.com/23-adelanto-del-adelanto/
  8. http://emundial.org/2011/2011/06/20/hevi-e-caldeirada-malandromeda-queremos-que-nos-escuitem-em-pernambuco-kansai-escocia-ou-cacheiras/ Hevi e Caldeirada (Malandrómeda): Queremos que nos escuitem em Pernambuco, Kansai, Escócia ou Cacheiras
  9. http://www.rockdelux.com/audio-video/p/malandromeda-os-corenta-e-oito-nomes-do-inimigo.html MALANDRÓMEDA - Os corenta e oito nomes do inimigo
  10. http://www.ultrasonica.info/malandromeda/
  11. https://issuu.com/mondosonoro-gal_cyl/docs/237msogal
  12. Spain, ROCKDELUX, Barcelona,. "Malandrómeda. "Os corenta e oito...". ROCKDELUX (2016)". ROCKDELUX. Consultado o 2017-02-11. 
  13. http://pentavox.net/2016/04/13/malandromeda-la-antientrevista/ Malandrómeda, la antientrevista
  14. http://www.rockdelux.com/audio-video/p/malandromeda-vhs-do-futuro.html Malandrómeda, VHS do futuro
  15. "Os Premios Martín Códax proclaman mellor festival galego o Surfing the Lérez". El Progreso de Lugo (en español). Consultado o 2017-05-14. 
  16. vivo, Músicos ao. "IV Premios Martín Códax da Música". www.premiosmartincodaxdamusica.com. Consultado o 2017-05-14. 

Véxase tamén[editar | editar a fonte]

Ligazóns externas[editar | editar a fonte]