Philip Noel-Baker

Na Galipedia, a Wikipedia en galego.
(Redirección desde «Philip J. Noel-Baker»)
Philip Noel-Baker
Nome completoPhilip John Baker
Nacemento1 de novembro de 1889
Lugar de nacementoLondres, Inglaterra Inglaterra
Falecemento8 de outubro de 1982 (92 anos)
Lugar de falecementoWestminster, Inglaterra Inglaterra
NacionalidadeReino Unido
Alma máterHaverford College, King's College e Bootham School
OcupaciónPolítico, diplomático, académico e atleta
PaiAllen Baker
NaiElizabeth Balmer Moscrip
CónxuxeMegan Lloyd George e Irene Noel-Baker
FillosFrancis Noel-Baker
PremiosPremio Nobel da Paz
Na rede
Olympic.org: philip-baker WikiTree: Baker-32416 Editar o valor em Wikidata
editar datos en Wikidata ]

Philip John Noel-Baker, nado o 1 de novembro de 1889 en Brondesbury Park (Londres) e finado o 8 de outubro de 1982 en Canterbury, foi un político, diplomático e atleta británico, que recibiu o Premio Nobel da Paz en 1959.

Traxectoria[editar | editar a fonte]

De familia cuáquera educouse en Inglaterra e nos Estados Unidos. Participou nos Xogos Olímpicos de 1912, 1920 e 1924, levando unha medalla de prata en 1500 metros en Antuerpe 1920. Durante a primeira guerra mundial organizou a Friends' Ambulance Unit da fronte francesa e estivo no servizo de ambulancias da fronte italiana. Despois da guerra participou na formación da Liga de Nacións como axudante de Robert Cecil, foi profesor de dereito internacional na Universidade de Londres (1924-1929). Politicamente adscrito ó Partido Laborista competiu sen éxito na circunscrición de Coventry para o Parlamento en 1924, si accedeu nas eleccións de 1929, perdeu nas eleccións de 1931 e de novo volveu ó parlamento en 1936 por Derby, cando a circunscrición se dividiu en 1950 el pasou á de Derby sur e seguiu no parlamento ata 1970. En 1977 foi promovido a barón Noel-Baker. Foi presidente do Partido Laborista en 1946, secretario de Estado do Aire (1946-1947) e secretario de Estado para as relacións coa Commonwealth (1947-1950)