Orfeo negro

Orfeo negro
Título Orfeu Negro (pt) Orphée Noire (fr) Black Orpheus (en)
Instancia de filme
Características  Caracterizado por filme baseado nunha obra literaria  Cor en cor  Xénero artístico filme de fantasía cinema dramático cinema romántico cinema musical cinema de comedia  Formato de distribución vídeo baixo demanda  Baseado en Orfeu da Conceição (pt)  Inspirado na obra de Vinícius de Moraes  Representa a Carnaval do Rio de Janeiro (pt)  Tema principal Orfeo  Ambientado en Río de Xaneiro  Lingua orixinal lingua portuguesa
Implicados  Produtor/a Sacha Gordine (pt)  Director/a Marcel Camus  Compositor/a Luiz Bonfá Tom Jobim  Guionista Vinícius de Moraes Jacques Viot Marcel Camus  Director/a fotografía Jean Bourgoin  Editor/a de cine Andrée Feix  Elenco Breno Mello (pt) Adhemar Ferreira da Silva Cartola Léa Garcia (pt) Marpessa Dawn (pt) Marcel Camus  Compañía produtora Warner Bros. Warner Bros. Pictures  Distribuidor/a The Criterion Collection Netflix
Datas  Data de publicación 12 de xuño de 1959
Historia  Premios e distincións Óscar ó mellor filme en lingua non inglesa (4 de abril de 1960) Palma de Ouro (1959)  Nomeamentos Óscar ó mellor filme en lingua non inglesa (22 de febreiro de 1960) candidato internacional aos Premios Óscars (1960)
Cifras e dimensións  Recadación    750.000 $ (1960)  Duración    107 min
Localización  Lugar de rodaxe Río de Xaneiro  País de orixe Francia Brasil Italia
Códigos e identificadores VIAF 224737949 ISAN 0000-0000-4AA4-0000-8-0000-0000-D Freebase /m/04hxvw
Fontes e ligazóns  Puntuación da crítica 81/100 Metacritic (30 de agosto de 2025) 88% Rotten Tomatoes (10 de outubro de 2024) 7.9/10 Rotten Tomatoes (6 de outubro de 2021)
Wikidata C:Commons

Orfeo negro (en portugués: Orfeu Negro) é un filme de 1959 coproducido entre Francia, o Brasil e Italia dirixido polo director de cinema francés Marcel Camus. Foi rodado en Río de Xaneiro e contribuíu a volver mundialmente famosa a música popular brasileira. Antônio Carlos Jobim e Luiz Bonfá son os autores dos dous temas principais da música que chegaron a ser clásicos da bossa nova e do jazz, A felicidade, de Jobim, e Manhã de Carnaval, de Bonfá.

O filme baséase na obra teatral de 1954 Orfeu da Conceição, do poeta e músico Vinícius de Moraes, e constitúe unha adaptación do mito de Orfeo ao ambiente do carnaval brasileiro.

Foi emitido na TVG o 29 de agosto de 1986.

Argumento

A bela Eurídice chega ó Río de Xaneiro en vésperas do seu célebre entroido, onde é acollida por unha prima que vive nunha favela da cidade. Achégase aló entre o frenesí da samba polas rúas, nun tranvía conducido por un músico chamado Orfeo, heroe popular do lugar polo poder de sedución das súas cancións, e que se fixa nos seus encantos. A paixón mergullaraos no transo vertixinoso do entroido, que á súa vez os arrastrará a un desenlace fatídico. Como no mito grego, Orfeo, aínda que é capaz de facer levantarse o sol coa súa música e canto, e de embelesar todos os que o ouven, non consegue realizar o seu amor.

Elenco

• Breno Mello como Orfeo
• Marpessa Dawn como Eurídice
• Marcel Camus como Ernesto
• Fausto Guerzoni como Fausto
• Lourdes de Oliveira como Mira
• Léa Garcia como Serafina
• Adhemar da Silva como a Morte
• Alexandro Constantino como Hermes
• Waldemar De Souza como Chico
• Jorge Dos Santos como Benedito
• Aurino Cassiano como Zeca

Breno Mello era un xogador de fútbol sen experiencia na interpretación cando foi escollido para o papel de Orfeo. Ía camiñando pola rúa no Río de Xaneiro cando o director Marcel Camus o parou e preguntoulle se lle gustaría aparecer nun filme. Da Silva, que interpreta a Morte, foi un atleta de triplo salto que gañou dúas medallas olímpicas en 1952 e 1956.

Marpessa Dawn non era brasileira, senón de Pittsburgh, Pensilvania.

Premios

Orfeo negro gañou a Palma de Ouro no Festival Internacional de Cine de Cannes en 1959 e o Oscar ao mellor filme en lingua non inglesa representando a Francia. Tamén gañou o Globo de Ouro e o BAFTA ao mellor filme en lingua non inglesa.

Influencia

Jean-Michel Basquiat citou Orfeo negro como unha das súas primeiras influencias musicais. Barack Obama escribiu no seu libro de memorias Dreams from My Father (1995) que era o filme favorito da súa nai.

Véxase tamén

Outros artigos

• Filmes de Francia propostos ó Óscar ó mellor filme internacional
• Filmes propostos ó mellor filme internacional na 32ª edición dos Óscar

Ligazóns externas

• Criterion Collection essay by David Ehrenstein Arquivado 29 de setembro de 2007 en Wayback Machine.
• Crítica de Black Orpheus
• Orfeu Arquivado 30 de abril de 2018 en Wayback Machine., adaptación musical brasileira de 2010 (en portugués)