Les Parapluies de Cherbourg

Les Parapluies de Cherbourg
Instancia de filme  Título Les Parapluies de Cherbourg (fr)
Características  Cor en cor  Xénero artístico cinema musical cinema dramático cinema romántico melodrama  Formato de distribución vídeo baixo demanda  Tema principal Guerra de Alxeria  Ambientado en Cherbourg-en-Cotentin  Lingua orixinal lingua francesa
Implicados  Produtor/a Mag Bodard  Director/a Jacques Demy  Compositor/a Michel Legrand  Guionista Jacques Demy  Director/a fotografía Jean Rabier  Editor/a de cine Anne-Marie Cotret  Elenco Catherine Deneuve José Bartel Christiane Legrand Danielle Licari Myriam Michelson Jean Valière Rosalie Varda Claire Leclerc Georges Blaness Michel Legrand Claudine Meunier Raoul Curet Jean Cussac Jean-Claude Briodin Philippe Dumat Mireille Perrey Dorothée Blanck Ellen Farner Harald Wolff Nino Castelnuovo Anne Vernon Patrick Bricard Gisèle Grandpré Jacques Demy Marc Michel Hervé Legrand Jean-Pierre Dorat Jean Champion José Germain  Distribuidor/a 20th Century Fox Netflix
Datas  Data de publicación 3 de febreiro de 1964 (Stockholm International Film Festival (en) ) 26 de febreiro de 1966 (República Democrática Alemá) 19 de febreiro de 1964 (Francia) 16 de decembro de 1964 (Estados Unidos de América) 12 de novembro de 1965 (Alemaña do Oeste) 1964
Historia  Premios e distincións Palma de Ouro (1964) Premio Louis-Delluc (1963)  Nomeamentos Óscar ó mellor guión orixinal (21 de febreiro de 1966) Óscar á mellor adaptación musical (21 de febreiro de 1966) Óscar á mellor banda sonora (21 de febreiro de 1966) Óscar ó mellor filme en lingua non inglesa (23 de febreiro de 1965) candidato internacional aos Premios Óscars (1965)
Cifras e dimensións  Duración    91 min  Formato de imaxe    1.85:1
Localización  Lugar de rodaxe Passage Pommeraye  País de orixe Francia Alemaña do Oeste
Códigos e identificadores ISAN 0000-0000-47ED-0000-X-0000-0000-C Freebase /m/012h32
Fontes e ligazóns  Puntuación da crítica 86/100 Metacritic (30 de agosto de 2025) 97% Rotten Tomatoes (27 de outubro de 2024) 8.8/10 Rotten Tomatoes (5 de outubro de 2021)
Wikidata C:Commons

Les Parapluies de Cherbourg é un filme musical de 1964 producido entre Francia e Alemaña do Oeste que foi escrito e dirixido por Jacques Demy, con música e letra de Michel Legrand. Catherine Deneuve e Nino Castelnuovo protagonizan a dous amantes na cidade francesa de Cherbourg, separados polas circunstancias que lles tocou vivir. O diálogo do filme cántase enteiramente como un texto recitativo, incluída a conversación casual, e é cantado ou composto, como algunhas óperas e musicais escénicos. Foi considerado como a parte central dunha "triloxía romántica" informal de Demy cuxos filmes comparten algúns dos mesmos actores, personaxes e aspecto xeral, situándose despois de Lola (1961) e antes de Les Demoiselles de Rochefort (1967).

Les Parapluies de Cherbourg gañou a Palma de Ouro no Festival Internacional de Cinema de Cannes de 1964. Nos Estados Unidos, estivo nomeado a catro Premios Óscar, incluíndo mellor filme internacional, mellor guión orixinal (Demy) e mellor banda sonora (Demy e Legrand). O tema principal do filme, "Je ne pourrai jamais vivre sans toi", foi nomeado ao Óscar á mellor canción orixinal.

En 2018, unha enquisa de críticos de BBC Culture clasificaron o filme entre os 100 mellor filmes de todos os tempos en lingua non inglesa.

Sinopse

A acción transcorre entre 1957 e 1963. Divídese en tres partes e escenas cronolóxicas.

• A partida: a viúva Madame Emery e a súa filla Geneviève sobreviven vendendo paraugas na súa corida tenda do porto de Cherburgo. Geneviève está namorada de Guy, un mecánico quen a pouco de coñecela debe partir ao servizo militar na guerra de Alxeria.
• A ausencia: Geneviève quedou embarazada de Guy. A súa nai ínstaa a casar con Rolando, un rico xoieiro que está namorado dela e desexoso de casar aínda sabendo que espera un fillo doutro home. Casan e múdanse a París.
• O regreso: Guy regresa. Foi ferido na guerra, traballa brevemente no taller mecánico e casa con Madeleine, a doce enfermeira que coida a tía que o criou e que, a diferenza de Geneviève, o esperou os dous anos que estivo destacado en Alxeria. A tía morre e coa herdanza Guy compra unha estación de servizo.

Na última escena, anos despois, é Nadal, e Guy está felizmente casado, ten un fillo (François) e atende a rica Genevieve na súa estación de servizo. O breve encontro será o último; a nena que acompaña a Geneviève é obviamente a filla de Guy: chámase Françoise. Cada un seguirá a súa vida.

Personaxes

• Catherine Deneuve como Geneviève Emery
• Nino Castelnuovo como Guy Foucher
• Anne Vernon como Madame Emery
• Marc Michel como Roland Cassard
• Ellen Farner como Madeleine
• Mireille Perrey como Aunt Élise
• Harald Wolff como M. Dubourg
• Jean Champion como Aubin
• Pierre Caden como Bernard
• Jean-Pierre Dorat como Jean
• Jane Carat como Ginny
• Jean-Pierre Chizat como Pierre
• Gisèle Grandpré como Madame Germaine
• Hervé Legrand como François
• Rosalie Varda como Françoise
• Dorothée Blanck como rapazá na cafetería

Véxase tamén

Outros artigos

• Filmes de Francia propostos ó Óscar ó mellor filme internacional
• Filmes propostos ó mellor filme internacional na 37ª edición dos Óscar

Ligazóns externas

• Les Parapluies de Cherbourg na IMDb (en inglés).
• Ficha en AllMovie (en inglés)
• Ficha en RottenTomatoes (en inglés)