Denys Arcand

Na Galipedia, a Wikipedia en galego.
Denys Arcand
DenysArcand07TIFF.jpg
Denys Arcand
Nacemento 25 de xuño de 1941
Lugar Deschambault, Quebec (Canadá)
Nacionalidade Canadá
Cónxuxe(s) Denise Robert
Profesión Director de cine
editar datos en Wikidata ]

Denys Arcand, nado o 25 de xuño de 1941 en Deschambault, é un director, guionista, actor e produtor de cinema do Quebec. Cineasta de estilo variado e dilatada carreira, é coñecido fundamentalmente polos seus dous éxitos principais: "O declive do imperio americano" ("Le déclin de l'empire américain") e a continuación dezaoito anos após: "As invasións bárbaras" ("Les Invasions barbares").

Evolución[editar | editar a fonte]

A obra cinematográfica de Denys Arcand está inserida de cheo no cinema quebequés e as súas transformacións. Nunha primeira vaga a súa obra está composta de ferintes documentais e ao tempo de filmes de ficción mostrando a realidade social e lingüística (os seus traballos normalmente son en francés malia a que o inglés asoma en momentos) do seu país.

A partir da decepción que supón a derrota no referendum pola independencia do Quebec de 1980 abandona o estilo máis radicalmente social e comeza a xerar un cinema de autor, sen esquecer os seus principios, pero buscando un maior éxito persoal chegando mesmo a filmar dous traballos en lingua inglesa. O traballo de fotografía e escenografía adecúase ás normas de Hollywood, tanto pola iluminación como polos encadramentos de evocación televisiva.

Filmografía[editar | editar a fonte]

  • 2007 - L'Âge des ténèbres
  • 2003 - Les invasions barbares
  • 2000 - Stardom
  • 1996 - Joyeux calvaire
  • 1993 - Love & human remains
  • 1991 - Montréal vu par...
  • 1989 - Jésus de Montréal
  • 1986 - Le déclin de l'empire américain
  • 1985 - Murder in the family (TV)
  • 1984 - Le crime d'ovide plouffe
  • 1982 - Le confort et l'indifférence
  • 1976 - On est au coton
  • 1975 - Gina
  • 1973 - Réjeanne Padovani
  • 1972 - Québec: Duplessis et après...
  • 1972 - La maldite galette
  • 1967 - Parcs atlantiques (curtametraxe)
  • 1966 - Volleyball (curtametraxe)
  • 1965 - Les montréalistes (curtametraxe)
  • 1965 - La route de l'ouest (curtametraxe)
  • 1964 - Champlain (curtametraxe)
  • 1964 - Samuel de Champlain: Québec 1603 (curtametraxe)
  • 1962 - Seul ou avec d'autres