Jiří Menzel

Jiří Menzel

(2017)
Biografía
Nacemento	23 de febreiro de 1938 Praga, República Checa
Morte	5 de setembro de 2020 (82 anos) Praga, República Checa
Causa da morte	COVID-19
Lugar de sepultura	cemiterio de Vyšehrad
Residencia	Praga
Educación	Academia de Artes Performativas de Praga Escola de Cinema e Televisión da Academia de Artes Escénicas de Praga
Actividade
Campo de traballo	Dirección de cine, dirección teatral, Actuación e Escrita creativa e profesional
Ocupación	actor, escritor, guionista, pedagogo, director de cinema, director teatral
Período de actividade	1960 -
Membro de	Academia Europea das Ciencias e Artes escutismo (pt) Academia das Artes e das Ciencias Cinematográficas
Obra
Obras destacables (1966) Ostře sledované vlaky (1968) Crime in a Music Hall (en) (1968) Capricious Summer (en) (1974) Who Looks for Gold? (en) (1976) Seclusion Near a Forest (en) (1978) Báječní muži s klikou (1980) Cutting It Short (en) (1983) The Snowdrop Festival (en) (1985) Vesničko má středisková (1989) The End of Old Times (en) (1990) Larks on a String (en) (2006) Obsluhoval jsem anglického krále
Familia
Cónxuxe	Olga Menzelová (2004–2020), morte da persoa
Fillos	Eva Menzelová
Pai	Josef Menzel
Premios
(23 de maio de 2013)  Artis Bohemiae Amicis Medal (en) (2004)  Commander with Star of the Order of Merit of Hungary (en) (1996)  Czech Medal of Merit (en) (1990)  Oso de Ouro, premiado polo traballo Larks on a String (en)  cabaleiro da orde das Artes e as Letras  Награда Александар Лифка (en)
Descrito pola fonte	Obálky knih, Records of persons of interest (en)

Jiří Menzel, nado en Praga o 23 de febreiro de 1938 e finado na mesma cidade o 5 de setembro de 2020, foi un director de cine checo. Gañou un Oscar ao mellor filme en fala non inglesa por Ostře sledované vlaky, de 1966, baseado nunha novela homónima do escritor Bohumil Hrabal.

Traxectoria

Fillo do coñecido escritor e xornalista Joseph Menzel, o mozo Menzel pensou inicialmente en seguir os pasos do seu pai e estudar xornalismo, pero finalmente ingresou na Academia de Cine de Praga, da que foi expulso. Porén, grazas á intervención dun dos seus profesores, puido continuar os seus estudos.

A súa ópera prima no ámbito das longametraxes profesionais, Ostře sledované vlaky, supuxo unha grata sorpresa no panorama do novo cinema checo por lograr o Oscar á mellor película de fala non inglesa. O filme está considerado unha das obras cimeiras da cinematografía europea e adscríbese á Nova Onda checoslovaca.

As altas cualidades de Menzel quedaron patentes na súa segunda obra, Rozmarné léto onde interpretou un papel como actor. Malia todo, Skřivánci na niti, a súa seguinte obra, foi prohibida polo réxime checoslovaco. Esta película esta baseada nun libro de contos de Bohumil Hrabal titulado Inzerát na dům, ve kterém už nechci bydlet. Tras rematar de rodar prohibiuse a proxección da película e ata 1974 Menzel non dirixiu máis nada.

Nos oitenta Menzel rodou outros máis dous filmes baseados en relatos do seu escritor favorito, Bohumil Hrabal, como Postřižiny, Slavnosti sněženek e Vesničko má středisková, que foi nomeada para o Oscar ao mellor filme de fala non inglesa.

Filmografía

• Donšajni (2013)
• Obsluhoval jsem anglického krále (2006)
• Dalších deset minut II (2002)
• Život a neobyčejná dobrodružství vojáka Ivana Čonkina (1994)
• Žebrácká opera (1990)
• Konec starých časů (1989)
• Vesničko má středisková (1985)
• Slavnosti sněženek (1983)
• Postřižiny (1980)
• Báječní muži s klikou (1978)
• Na samotě u lesa (1976)
• Kdo hledá zlaté dno (1974)
• Skřivánci na niti (1969). Oso de Ouro (1990) no Festival Internacional de Cinema de Berlín
• Rozmarné léto (1968). Gran premio do Festival Internacional de Cinema de Karlovy Vary
• Zločin v šantánu (1968)
• Ostře sledované vlaky (1966). Oscar ao mellor filme de fala non inglesa.
• Zločin v dívčí škole (1965)
• Perličky na dně (1965)
• Umřel nám pan Foerster (1963)

Véxase tamén

Bibliografía

• Škvorecký J. Jiří Menzel and the history of the "Closely Watched Trains". Boulder: East European Monographs, 1982

Ligazóns externas

• "O riso é o mellor xeito de coñecer o mundo"^{[Ligazón morta]}, entrevista con Jiří Menzel na web oficial da República Checa