Des hommes et des dieux
| Des hommes et des dieux | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||
| |||||||||||||||||||||||
| |||||||||||||||||||||||
| |||||||||||||||||||||||
| |||||||||||||||||||||||
| |||||||||||||||||||||||
| |||||||||||||||||||||||
| |||||||||||||||||||||||
| |||||||||||||||||||||||
| |||||||||||||||||||||||
| Wikidata | |||||||||||||||||||||||
Des hommes et des dieux é un filme francés de 2010 dirixido por Xavier Beauvois, e protagonizado por Lambert Wilson e Michael Lonsdale. O título do filme fai referencia a un verso da Biblia que se amosa ó comezo do mesmo. Conta a historia do mosteiro de Tibhirine, onde nove monxes cistercienses viviron en harmonía coa poboación musulmá en Alxeria, até que sete deles foron secuestrados e asasinados en 1996 durante a guerra civil alxeriana.[1]
Foi escollido como candidato de Francia para o Óscar ó mellor filme internacional na 83ª edición dos premios, mais finalmente non foi nomeado.[2][3]
Sinopse
[editar | editar a fonte]A acción sitúase nun mosteiro da rexión do Atlas en Alxeria, durante a década de 1990. Oito monxes cristiáns pertencentes á orde da Trapa viven alí en harmonía coa poboación musulmá, establecendo lazos de cooperación contra os efectos da pobreza, ocasionados por un réxime en decadencia. Dedicados á vida contemplativa, a rezar, a sementar a terra e a apoiar a poboación dos arredores, mesmo o mosteiro se emprega como dispensario médico de facto pola poboación da zona.
Un grupo de fundamentalistas islámicos asasina un equipo de traballadores croatas nunha zona próxima ao mosteiro (20 km aproximadamente) e o pánico apodérase dos habitantes da rexión, que soportan os embates da guerra civil alxeriana. O exército gobernamental alxeriano ofrece protección aos monxes, mais estes rexéitano para non verse involucrados na guerra nin por suposto facer uso da violencia. Un comando armado de fundamentalistas entra no mosteiro, sendo a primeira advertencia sobre o destino que os esperaba. Os monxes dubidan sobre a posibilidade real de retirarse debido aos lazos de amizade formados coa poboación civil, que lles pide que queden. A pesar da crecente ameaza, os monxes fan uso da reflexión: por un lado o apego á súa vida, e polo outro cal é o seu deber; os oito monxes fan unha síntese dos seus medos e obrigas, dando por resultado a súa permanencia no mosteiro ata as últimas consecuencias.
Personaxes
[editar | editar a fonte]- Lambert Wilson como Christian
- Michael Lonsdale como Luc
- Olivier Rabourdin como Christophe
- Philippe Laudenbach como Célestin
- Jacques Herlin como Amédée
- Loïc Pichon como Jean-Pierre
- Xavier Maly como Michel
- Jean-Marie Frin como Paul
- Abdelhafid Metalsi como Nouredine
- Sabrina Ouazani como Rabbia
- Abdallah Moundy como Omar
- Olivier Perrier como Bruno
- Farid Larbi como Ali Fayattia
- Adel Bencherif como o terrorista
Notas
[editar | editar a fonte]- ↑ "Of Gods and Men Press Kit" (PDF). Sony Classics. Consultado o 28 de setembro de 2013.
- ↑ Keslassy, Elsa (17 de setembro de 2010). "France choses 'Gods' for Oscars". Variety. Consultado o 17 de setembro de 2010.
- ↑ "9 Foreign Language Films Continue to Oscar Race". oscars.org. Consultado o 19 de xaneiro de 2011.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Des hommes et des dieux na IMDb (en inglés).
- Ficha en AllMovie (en inglés)
| Control de autoridades |
|
|---|
