Rafael Obrador
| Biografía | |||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 24 de febreiro de 2004  (22 anos)Campos | ||||||||||||||||||||||||||||||||||||||||||||||||||||||||||||||
| Altura | 181 cm | ||||||||||||||||||||||||||||||||||||||||||||||||||||||||||||||
| Peso | 72 kg | ||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||
  | |||||||||||||||||||||||||||||||||||||||||||||||||||||||||||||||
Rafael Obrador Burguera, nado en Campos o 18 de novembro de 2004, é un futbolista español que xoga como lateral esquerdo no Torino, da Serie A italiana, cedido polo Benfica,.
Traxectoria
[editar | editar a fonte]Nado na localidade mallorquina de Campos, comezou a xogar ao fútbol aos catro anos nas categorías inferiores do CE Campos, ata que con dez ingresou na canteira do Mallorca.[1] Subiu polas diferentes categorías do club e en outubro de 2019, sendo aínda cadete, asinou o seu primeiro contrato profesional, chegando a un acordo co club ata 2024.[2]
Aos 16 anos, e antes sequera de xogar co filial, Obrador debutou co primeiro equipo na Primeira División. Foi na derradeira xornada da tempada 2019/20 fronte a Osasuna no Sadar, co equipo balear xa descendido, cando o adestrador Vicente Moreno lle deu entrada como substituto de Iddrisu Baba.[3] Converteuse así no oitavo futbolista máis novo en debutar en Primeira.[4]
En outubro de 2020 anunciouse o seu traspaso ao Real Madrid para xogar no equipo xuvenil.[5] Despois de destacar no xuvenil, subiu rapidamente ao Real Madrid Castilla, co que foi xa un habitual nas aliñacións titulares durante a tempada 2022/23 da Primeira Federación. Disputou unha segunda campaña ás ordes de Raúl e acadou os 76 partidos co filial, antes de realizar a pretempada co primeiro equipo no verán de 2024.[6]
O 21 de agosto de 2024 anunciouse a súa cesión por un ano ao Deportivo da Coruña, que viña de ascender á Segunda División.[7] Chegou ao club galego para reforzar o lateral esquerdo trala lesión na pretempada de Sergio Escudero. As continuas lesións deste converteron a Obrador no titular habitual nesta posición, pechando a tempada cun total de 34 partidos, 25 deles saíndo dende o once inicial.[8]
En xullo de 2025 o Real Madrid traspasouno ao Benfica, da Primeira Liga de Portugal, por uns cinco millóns de euros.[9] No club lisboeta apenas tivo participación, disputando só un encontro co primeiro equipo (ante o Tondela en liga) e dous co Benfica B.[10] En xaneiro de 2026 saíu cedido ao Torino, da Serie A italiana, na busca de máis minutos.[10]
Selección nacional
[editar | editar a fonte]Foi internacional coa selección española sub-16, coa que debutou cun gol contra México o 4 de decembro de 2019.[11]
Estatísticas
[editar | editar a fonte]| Club | Tempada | División | Liga | Copa do Rei | Outros[a 1] | Total | ||||
|---|---|---|---|---|---|---|---|---|---|---|
| Partidos | Goles | Partidos | Goles | Partidos | Goles | Partidos | Goles | |||
| Mallorca | 2019/20 | Primeira | 1 | 0 | - | - | - | - | 1 | 0 |
| Real Madrid Castilla | 2022/23 | 1ª RFEF | 31 | 0 | - | - | 3 | 0 | 34 | 0 |
| 2023/24 | 1ª RFEF | 34 | 0 | - | - | - | - | 34 | 0 | |
| Total club | 65 | 0 | 0 | 0 | 3 | 0 | 68 | 0 | ||
| Deportivo da Coruña | 2024/25 | Segunda | 33 | 0 | 1 | 0 | - | - | 34 | 0 |
| Total carreira | 99 | 0 | 1 | 0 | 3 | 0 | 103 | 0 | ||
- ↑ Inclúe partidos de promoción de ascenso a Segunda División.
Notas
[editar | editar a fonte]- ↑ Santos Chozas, Sergio (14 de abril de 2020). "Cracks del Siglo XXI: Obrador, el jugador que eligió 'su isla'". As (en castelán). Consultado o 21 de agosto de 2024.
- ↑ "Rafel Obrador, joven promesa del Mallorca, renueva hasta el año 2024" (en castelán). 10 de outubro de 2019. Consultado o 21 de agosto de 2024.
- ↑ García, Miguel Ángel (19 de xullo de 2020). "Adiós a Primera con un empate". Marca (en castelán). Consultado o 21 de agosto de 2024.
- ↑ S. Tavero, Fernando (6 de marzo de 2023). "Obrador, el lateral que viene". As (en castelán). Consultado o 21 de agosto de 2024.
- ↑ "Real Madrid beat Barcelona to sign Mallorca wonderkid". Marca (en inglés). 05 de outubro de 2020. Consultado o 21 de agosto de 2024.
- ↑ "Obrador chega do Real Madrid para apuntalar o lateral esquerdo do Deportivo". Televisión de Galicia. 20 de agosto de 2024. Consultado o 21 de agosto de 2024.
- ↑ "Principio de acordo para a cesión de Rafa Obrador, que xa se adestrará esta mañá en Abegondo". Deportivo da Coruña. 21 de agosto de 2024. Consultado o 21 de agosto de 2024.
- ↑ Zautúa, Israel (9 de xullo de 2025). "Nota de despedida de Obrador del Dépor antes de iniciar su nueva etapa". DxT Campeón (en castelán). Consultado o 12 de xullo de 2025.
- ↑ "Obrador ya es del Benfica: puerta abierta para el fichaje de Carreras". Marca (en castelán). 11 de xullo de 2025. Consultado o 12 de xullo de 2025.
- 1 2 "Rafa Obrador deja el Benfica en busca de minutos y recala cedido en el Torino" (en castelán). 20 de xaneiro de 2026. Consultado o 28 de xaneiro de 2026.
- ↑ "España Sub-16 echa por tierra dos goles de ventaja en tres minutos". As (en castelán). 4 de decembro de 2019. Consultado o 21 de agosto de 2024.
| Control de autoridades |
|
|---|
