Mohamed Bouldini
| Biografía | |||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 27 de novembro de 1995  (30 anos)Casablanca, Marrocos | ||||||||||||||||||||||||||||||||||||||||||||||||||||||||||||||||||
| Altura | 184 cm | ||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||
| Nacionalidade deportiva | Marrocos | ||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
Mohamed Bouldini (en árabe: محمد بولديني), nado en Casablanca o 27 de novembro de 1995, é un futbolista marroquí que xoga como dianteiro no Granada, da Segunda División, cedido polo Deportivo da Coruña.
Traxectoria
[editar | editar a fonte]Nacido en Casablanca, formouse como futbolista na canteira do Rachad Bernoussi e en 2015 fichou polo Raja CA, da Botola, máxima categoría do fútbol marroquí. Coas "Aguias Verdes" disputou 17 encontros, nos que marcou un gol e repartiu tres asistencias.[1]
En xaneiro de 2018 foi traspasado ao Ittihad Tanger, da mesma categoría, por un prezo aproximado dun millón de dirhams. Disputou só 59 minutos co club tanxerino, repartidos en seis partidos, nos que repartiu dúas asistencias, contribuíndo ao título de liga. Con todo, ao remate da tempada o seu contrato foi rescindido.[1]
En xullo de 2018 asinou coa UD Oliveirense da Segunda Liga de Portugal, onde militou dous anos.[2] Nun inicio xogaba habitualmente saíndo dende o banco de suplentes, pero acabou facéndose coa titularidade na súa segunda campaña, pechando o seu paso por Oliveira de Azeméis con 35 partidos e 6 goles.
En agosto de 2020 fichou polo Académica de Coimbra da mesma liga.[3] Titular indiscutible no equipo de Rui Borges, marcou 13 goles en liga, sendo o segundo máximo goleador do campionato, só por detrás do brasileiro Cassiano, do Vizela.[4]
O seu bo facer en Coímbra posibilitou que o 18 de xuño de 2021 asinase un contrato de tres anos co Santa Clara, da Primeira Liga.[5] Debutou nun partido da fase previa da Conference League diante do FC Shkupi macedonio no estadio de São Miguel de Ponta Delgada, e uns días despois xogou o seu primeiro encontro na máxima categoría do fútbol luso, contra o Tondela no João Cardoso. Con todo, apenas contou con minutos nos seguintes meses, polo que o 8 de xaneiro de 2022 saíu cedido ao CF Fuenlabrada da Segunda División española.[6]
No equipo madrileño recuperou continuidade e bo xogo, disputando 17 encontros, todos como titular, e anotando 7 goles, pero foi insuficiente para salvar o equipo do descenso. O interese espertado en varios clubs, fixo que o Fuenlabrada exercese a opción de compra que mantiña sobre o xogador, pagando medio millón de euros coa intención de vendelo inmediatamente despois.[7] Deste xeito, foi traspasado por uns 3 millóns ao Levante, da Segunda División.[8]
Militou no club valenciano durante dúas campañas, disputando na primeira delas unha promoción de ascenso a Primeira. Disputou un total de 83 encontros oficiais e foi o máximo goleador do equipo en ambas campañas, con 8 goles en cada unha delas.
En agosto de 2024 anunciouse o seu traspaso ao Deportivo da Coruña, tamén da Segunda División, á que viña de ascender na campaña anterior.[9] Debutou co club galego na terceira xornada de liga, nun derbi ante o Racing de Ferrol en Riazor no que substituíu no segundo tempo a Barbero.[10] Aínda que contou con bastantes minutos na primeira metade da competición, o seu escaso rendemento fixo que Barbero lle gañase o posto.[11] Disputou un total de 20 partidos, 6 deles como titular, e marcou un só gol ante o Eldense.[11]
Para a tempada 2025/26 foi cedido ao Granada, no medio dunha operación pola que o Deportivo incorporou tamén cedido ao dianteiro Stoichkov.[12]
Estatísticas
[editar | editar a fonte]| Club | Tempada | División | Liga | Copa | Outros[a 1] | Total | ||||
|---|---|---|---|---|---|---|---|---|---|---|
| Partidos | Goles | Partidos | Goles | Partidos | Goles | Partidos | Goles | |||
| Raja | 2015/16 | Botola | 12 | 1 | 0 | 0 | - | - | 12 | 1 |
| 2016/17 | Botola | 5 | 0 | 0 | 0 | - | - | 5 | 0 | |
| 2017/18 | Botola | 0 | 0 | 0 | 0 | - | - | 0 | 0 | |
| Total club | 17 | 1 | 0 | 0 | 0 | 0 | 17 | 1 | ||
| Ittihad Tanger | 2017/18 | Botola | 6 | 0 | 0 | 0 | - | - | 6 | 0 |
| Oliveirense | 2018/19 | Segunda Liga | 17 | 3 | 0 | 0 | 2 | 1 | 19 | 4 |
| 2019/20 | Segunda Liga | 15 | 2 | 1 | 0 | - | - | 16 | 2 | |
| Total club | 32 | 5 | 1 | 0 | 2 | 1 | 35 | 6 | ||
| Académica de Coimbra | 2020/21 | Segunda Liga | 29 | 14 | 2 | 1 | - | - | 31 | 15 |
| Santa Clara | 2021/22 | Primeira Liga | 9 | 0 | 1 | 0 | 4 | 0 | 14 | 0 |
| Fuenlabrada | 2021/22 | Segunda | 17 | 7 | - | - | - | - | 17 | 7 |
| Levante | 2022/23 | Segunda | 36 | 8 | 4 | 0 | 4 | 0 | 44 | 8 |
| 2023/24 | Segunda | 36 | 8 | 1 | 0 | - | - | 37 | 8 | |
| Total club | 72 | 16 | 5 | 0 | 4 | 0 | 81 | 16 | ||
| Deportivo da Coruña | 2024/25 | Segunda | 20 | 1 | 0 | 0 | - | - | 20 | 1 |
| Total carreira | 192 | 44 | 9 | 1 | 10 | 1 | 221 | 46 | ||
- ↑ Inclúe partidos de promoción de ascenso a Primeira División e fase previa da Conference League.
Notas
[editar | editar a fonte]- ↑ 1,0 1,1 "Un indésirable du Raja rebondit au Portugal" (en francés). 19 de xullo de 2018. Consultado o 3 de setembro de 2024.
- ↑ "Mohamed Bouldini assina por uma época" (en portugués). 20 de xullo de 2018. Consultado o 3 de setembro de 2024.
- ↑ "Bouldini reforça ataque da Académica" (en portugués). 27 de agosto de 2020. Arquivado dende o orixinal o 24 de outubro de 2021. Consultado o 3 de setembro de 2024.
- ↑ "OFICIAL: Santa Clara contrata segundo melhor marcador da II Liga" (en portugués). 18 de xuño de 2021. Consultado o 3 de setembro de 2024.
- ↑ "Bouldini reforça o ataque do Santa Clara" (en portugués). 18 de xuño de 2021. Arquivado dende o orixinal o 09 de xaneiro de 2022. Consultado o 3 de setembro de 2024.
- ↑ "El Fuenlabrada oficializa la compra de Bouldini y ya piensa en su venta". As (en castelán). 29 de xuño de 2022. Consultado o 3 de setembro de 2024.
- ↑ Romano, Marcos (29 de xuño de 2022). "El Fuenlabrada oficializa la compra de Bouldini y ya piensa en su venta". As (en castelán). Consultado o 4 de setembro de 2024.
- ↑ "El Levante ficha a Bouldini por tres millones". Mundo Deportivo (en castelán). 24 de agosto de 2022. Consultado o 4 de setembro de 2024.
- ↑ "El Levante traspasa a Bouldini al RC Deportivo" (en castelán). 29 de agosto de 2024. Consultado o 4 de setembro de 2024.
- ↑ "Bouldini: «Sentí que me querían en el Deportivo y me convencieron rápido»" (en castelán). 4 de setembro de 2024. Consultado o 4 de setembro de 2024.
- ↑ 11,0 11,1 Lema, Jorge (21 de agosto de 2025). "El mercado recalcula las opciones de Bouldini". DxT Campeón (en castelán). Consultado o 8 de setembro de 2025.
- ↑ Lema, Jorge (21 de agosto de 2025). "Guía básica para entender el intercambio de Bouldini por Stoichkov entre Deportivo y Granada". DxT Campeón (en castelán). Consultado o 8 de setembro de 2025.
| Control de autoridades |
|
|---|
