Sergio Escudero
 (2010)  | |||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 2 de setembro de 1989 (36 anos) Valladolid (España) | ||||||||||||||||||||||||||||||||||||||||||||||||||||||||||||||||||
| Altura | 176 cm | ||||||||||||||||||||||||||||||||||||||||||||||||||||||||||||||||||
| Peso | 65 kg | ||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||
| Período de actividade | 2009 - | ||||||||||||||||||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||
| Liga | Fußball-Bundesliga | ||||||||||||||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||||||||||||||
| Número deportivo | 18 | ||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||
Sergio Escudero Palomo, nado en Santovenia de Pisuerga o 2 de setembro de 1989, é un futbolista español que xoga como lateral esquerdo no Deportivo da Coruña, da Segunda División.
Disputou máis de 200 partidos na Primeira División vestindo as camisetas de Getafe, Sevilla, Granada e Valladolid. Destacou especialmente no Sevilla, co que conquistou dúas veces a Europa League. Militou tamén na Bundesliga de Alemaña nas filas do Schalke 04, co que gañou a Copa de Alemaña en 2011.
Traxectoria
[editar | editar a fonte]Murcia
[editar | editar a fonte]Nado en Santovenia de Pisuerga, formouse como futbolista nas canteiras do Real Valladolid, o Parquesol e o Betis Valladolid, así como na do Real Murcia, na que ingresou en 2007. Na tempada 2008/09 xogou co filial, o Murcia Imperial, na Segunda División B.[1]
O 13 de xuño de 2009 debutou co primeiro equipo do Real Murcia na Segunda División, xogando os 90 minutos completos na vitoria na casa por 2-1 ante a UD Salamanca.[2] Foi ascendido definitivamente ao primeiro equipo para a campaña 2009/10 e foi o xogador máis utilizado na súa posición (contabilizando 2.250 minutos), pero non puido evitar o descenso do equipo á Segunda B.[3]
Schalke 04
[editar | editar a fonte]No verán de 2010, con 20 anos, deixou España para asinar co Schalke 04 alemán, onde coincidiu cos tamén españois José Manuel Jurado e Raúl González. Debutou na Bundesliga o 26 de febreiro de 2011, nun empate na casa co Nürnberg. Completou a súa primeira tempada no Schalke cun total de 13 partidos disputados co primeiro equipo (xogou tamén varios encontros co filial), e proclamouse campión da Copa de Alemaña tras derrotar por 5-0 ao MSV Duisburg na final, na que entrou ao campo pouco antes do descanso como substituto de Hans Sarpei.[4]
Durante a seguinte tempada contou con poucas oportunidades, sumando só 9 encontros na 2011/12 e ningún na primeira metade da 2012/13.
Getafe
[editar | editar a fonte].jpg)
Ante a falta de minutos no Schalke, en xaneiro de 2013 saíu cedido ao Getafe, onde cubriu a baixa do lesionado Mané.[5] O seu debut na Primeira División tivo lugar o 2 de febreiro, sendo titular nunha vitoria por 3-1 ante o Deportivo da Coruña no Coliseum Alfonso Pérez.[6] Continuou no once inicial durante as seguintes xornadas e acabou a tempada con nove encontros disputados e un gol ante o Zaragoza.
En xullo de 2013 foi traspasado definitivamente ao club da periferia de Madrid, acordando un contrato de cinco anos.[7] Marcou dous goles na súa primeira tempada completa co Getafe, contra o FC Barcelona e o Sevilla,[8][9] garantindo con segundo deles a vitoria e practicamente a permanencia na máxima categoría. Militou dous anos e medio no club de Xetafe, sumando un total de 63 partidos e 5 goles.
Sevilla
[editar | editar a fonte]En xullo de 2015 fichou polo Sevilla, co que asinou un contrato de catro anos.[10] Durante a súa primeira tempada en Andalucía, ás ordes de Unai Emery, tivo que competir polo posto co francés Benoît Trémoulinas, [11][12] pero aínda así conseguiu xogar 28 partidos entre todas as competicións, incluídos os 90 minutos da final da UEFA Europa League que o seu equipo conquistou contra o Liverpool no St. Jakob-Park de Basilea.[13]
Durante as seguintes tres campañas afianzouse na titularidade, superando os 100 partidos, case todos saíndo dende o inicio, pero perdeu protagonismo na 2019/20, coa chegada como cedido de Sergio Reguilón.[14] Esa mesma campaña proclamouse por segunda vez campión da Europa League, tras derrotar na final ao Inter de Milán.[15]
Deixou o Sevilla no verán de 2021, ao remate do seu contrato, despois de 176 partidos de 7 goles en seis tempadas.
Granada
[editar | editar a fonte]En agosto de 2021 asinou por un ano co Granada CF tamén de Primeira.[16] Disputou un total de 29 encontros co equipo branco e vermello, sen poder evitar o descenso a Segunda.
Valladolid
[editar | editar a fonte]A continuación regresou ao seu Valladolid natal e ao Real Valladolid, 18 anos despois da súa salida do club, e asinou un contrato de dous anos.[17] Debutou co equipo da súa cidade na primeira xornada da 2022/23 e participou en máis da metade dos partidos da tempada, pero acabou descendendo a Segunda por segundo ano consecutivo. Na seguinte campaña foi capitán e titular indiscutible no equipo de Pezzolano, ao que liderou ata o ascenso á máxima categoría.
Deportivo da Coruña
[editar | editar a fonte]En xullo de 2024 fichou polo Deportivo da Coruña, equipo que acababa de ascender á Segunda División.[18] A súa primeira campaña na Coruña estivo marcada polas lesións, tras sufrir unha luxación de cóbado na pretempada.[19] Non debutou ata a novena xornada contra o Elche no Martínez Valero, onde substituíu nos minutos finais a Rafa Obrador.[19] Sumou seis titularidades nos seguintes dous meses, pero en xaneiro de 2025 tivo que parar para ser operado do cóbado, polo que perdeu case todo o que restaba de tempada, reaparecendo só nas catro últimas xornadas de liga.[20] Pechou a campaña con 14 partidos, a metade deles como titular.
Selección nacional
[editar | editar a fonte]En novembro de 2016 foi convocado pola selección española de Julen Lopetegui para dous partidos contra Macedonia e Inglaterra, pero non chegou a participar en ningún dos dous.[21]
Palmarés
[editar | editar a fonte]- Schalke 04
- Copa de Alemaña (1): 2010/11.
- Sevilla
- Europa League (2): 2015/16, 2019/20.
Estatísticas
[editar | editar a fonte]| Club | Tempada | División | Liga | Copa | Europa[a 1] | Supercopa[b 1] | Total | |||||
|---|---|---|---|---|---|---|---|---|---|---|---|---|
| Partidos | Goles | Partidos | Goles | Partidos | Goles | Partidos | Goles | Partidos | Goles | |||
| Murcia Imperial | 2008/09 | Segunda B | 24 | 1 | - | - | - | - | - | - | 24 | 1 |
| Murcia | 2008/09 | Segunda | 1 | 0 | 0 | 0 | - | - | - | - | 1 | 0 |
| 2009/10 | Segunda | 25 | 1 | 3 | 0 | - | - | - | - | 28 | 1 | |
| Total club | 26 | 1 | 3 | 0 | 0 | 0 | 29 | 1 | ||||
| Schalke 04 II | 2010/11 | Regionalliga | 5 | 1 | - | - | - | - | - | - | 5 | 1 |
| 2011/12 | Regionalliga | 2 | 1 | - | - | - | - | - | - | 2 | 1 | |
| 2012/13 | Regionalliga | 3 | 0 | - | - | - | - | - | - | 3 | 0 | |
| Total club | 10 | 2 | 0 | 0 | 0 | 0 | 10 | 2 | ||||
| Schalke 04 | 2010/11 | Bundesliga | 6 | 0 | 2 | 0 | 4 | 0 | 1 | 0 | 13 | 0 |
| 2011/12 | Bundesliga | 6 | 0 | 0 | 0 | - | - | - | - | 6 | 0 | |
| Total club | 12 | 0 | 2 | 0 | 4 | 0 | 1 | 0 | 19 | 0 | ||
| Getafe | 2012/13 | Primeira | 9 | 1 | 0 | 0 | - | - | - | - | 9 | 1 |
| 2013/14 | Primeira | 19 | 2 | 1 | 0 | - | - | - | - | 20 | 2 | |
| 2014/15 | Primeira | 30 | 2 | 4 | 0 | - | - | - | - | 34 | 2 | |
| Total club | 58 | 5 | 5 | 0 | 0 | 0 | 0 | 0 | 63 | 5 | ||
| Sevilla | 2015/16 | Primeira | 15 | 1 | 6 | 0 | 7 | 0 | - | - | 28 | 1 |
| 2016/17 | Primeira | 26 | 0 | 2 | 0 | 8 | 1 | 1 | 0 | 37 | 1 | |
| 2017/18 | Primeira | 27 | 0 | 6 | 1 | 12 | 2 | - | - | 45 | 3 | |
| 2018/19 | Primeira | 21 | 0 | 2 | 0 | 7 | 0 | 1 | 0 | 31 | 0 | |
| 2019/20 | Primeira | 11 | 1 | 3 | 0 | 7 | 0 | - | - | 21 | 1 | |
| 2020/21 | Primeira | 9 | 1 | 1 | 0 | 3 | 0 | 1 | 0 | 14 | 1 | |
| Total club | 109 | 3 | 20 | 1 | 44 | 3 | 3 | 0 | 176 | 7 | ||
| Granada | 2021/22 | Primeira | 27 | 2 | 2 | 0 | - | - | - | - | 29 | 2 |
| Valladolid | 2022/23 | Primeira | 23 | 1 | 1 | 1 | - | - | - | - | 24 | 2 |
| 2023/24 | Segunda | 35 | 3 | 1 | 0 | - | - | - | - | 36 | 3 | |
| Total club | 58 | 4 | 2 | 1 | 0 | 0 | 0 | 0 | 60 | 5 | ||
| Deportivo da Coruña | 2023/24 | Segunda | 14 | 0 | 0 | 0 | - | - | - | - | 14 | 0 |
| Total carreira | 338 | 18 | 34 | 2 | 48 | 3 | 4 | 0 | 424 | 23 | ||
- ↑ Inclúe partidos de Liga de Campións e Europa League.
- ↑ Inclúe partidos de Supercopa de Alemaña, Supercopa de España e Supercopa de Europa.
Notas
[editar | editar a fonte]- ↑ "El Real Murcia renueva al joven defensa Sergio Escudero" (en castelán). 22 de maio de 2009. Consultado o 20 de xullo de 2024.
- ↑ "El Murcia liquidó al Salamanca". Marca (en castelán). 13 de xuño de 2009. Consultado o 20 de xullo de 2024.
- ↑ "¿Ha bajado alguien a Segunda B con 50 puntos?". Heraldo de Aragón (en castelán). 2 de maio de 2017. Consultado o 20 de xullo de 2024.
- ↑ "El Schalke brinda por la Copa". El Mundo (en castelán). 21 de maio de 2011. Consultado o 20 de xullo de 2024.
- ↑ "Escudero, cedido del Schalke al Getafe". El País (en castelán). 25 de xaneiro de 2013. Consultado o 20 de xullo de 2024.
- ↑ "El Deportivo resucita al Getafe". Marca (en castelán). 2 de febreiro de 2013. Consultado o 20 de xullo de 2024.
- ↑ "El Getafe ficha a Escudero tras un acuerdo con el Schalke". Marca (en castelán). 11 de xullo de 2013. Consultado o 20 de xullo de 2024.
- ↑ "Getafe-Barcelona: Remontada de Pedro y Cesc para recuperar el liderato (2-5)" (en castelán). 22 de decembro de 213. Consultado o 20 de xullo de 2024.
- ↑ García, Basilio (4 de marzo de 2016). "El día que Escudero fue el verdugo del Sevilla" (en castelán). Consultado o 20 de xullo de 2024.
- ↑ "EL SEVILLA FC Y EL GETAFE CF LLEGAN A UN ACUERDO PARA EL TRASPASO DE ESCUDERO" (en castelán). 3 de xullo de 2015. Arquivado dende o orixinal o 5 de xullo de 2015. Consultado o 20 de xullo de 2024.
- ↑ Florido Sevilla, Eduardo (19 de abril 2016). "La minimizada legión de Emery". Diario de Sevilla (en castelán). Consultado o 20 de xullo de 2024.
- ↑ Liaño, Jorge (7 de setembro de 2015). "Esudero, a la espera de que Tremoulinas abra la puerta" (en castelán). Consultado o 20 de xullo de 2024.
- ↑ "Sevilla make it three in row at Liverpool's expense" (en inglés). 18 de maio de 2016. Consultado o 20 de xullo de 2024.
- ↑ Millar, Colin (15 de maio de 2020). "Sevilla defender Sergio Escudero agrees Getafe return" (en inglés). Consultado o 20 de xullo de 2024.
- ↑ "Sevilla 3-2 Inter Milan: Europa League kings come back to win for sixth time". BBC (en inglés). 21 de agosto de 2020. Consultado o 20 de xullo de 2024.
- ↑ "El lateral zurdo Sergio Escudero se incorpora al Granada" (en castelán). 31 de agosto de 2021. Consultado o 20 de xullo de 2024.
- ↑ "¡Bienvenido, Escudero!" (en castelán). 13 de xullo de 2022. Consultado o 20 de xullo de 2024.
- ↑ "O Dépor abrillanta o lateral zurdo con Sergio Escudero". 18 de xullo de 2024. Consultado o 20 de xullo de 2024.
- ↑ 19,0 19,1 Pereira, Eder (16 de octubre de 2024). "Escudero: "Tenía muchísimas ganas de debutar, ha sido un proceso fastidiado"". DxT Campeón. Consultado o 19 de xuño de 2025.
- ↑ "Escudero pasará por el quirófano y se pierde lo que resta de temporada" (en castelán). 31 de xaneiro de 2025. Consultado o 19 de xuño de 2025.
- ↑ "Lucas Vázquez se va con cero minutos". Marca (en castelán). 16 de novembro de 2016. Consultado o 20 de xullo de 2024.
