Cristian Herrera

Cristian Herrera

Biografía
Nacemento	13 de marzo de 1991 (33 anos) As Palmas de Gran Canaria, España
Altura	186 cm
Peso	79 kg
Actividade
Ocupación	futbolista
Período de actividade	2013 -
Deporte	fútbol
Posición de xogo	Dianteiro
Traxectoria   Equipo 2010–2013   UD Las Palmas Atlético 85 (39) 2013–2014 Elche Club de Fútbol Ilicitano 14 (13) 2013–2015   Elche CF 52 (4) 2015–2016   UD Almería 13 (2) 2016–2017   Girona FC 54 (9) 2017–2021   CD Lugo 160, 33 2021–2023 Unión Deportiva Ibiza-Eivissa 75 (21) 2023–2024   UD Las Palmas 11 (1) 2024–   Deportivo da Coruña 1 (0)

Cristian Ignacio Herrera López, máis coñecido como Cristian Herrera, nado o 13 de marzo de 1991 nas Palmas, é un futbolista español que xoga como dianteiro centro no Deportivo da Coruña, da Segunda División.

Traxectoria

Comezos

Nado nas Palmas de Gran Canaria, formouse como futbolista na canteira do principal equipo da súa cidade natal: a UD Las Palmas. O seu debut en categoría sénior produciuse durante a tempada 2010/11, cando pasou a formar parte do filial canario. Alí xogou durante tres temporadas na Terceira División, disputando un total de 91 partidos nos que marcou 42 goles. 19 deles anotounos na tempada 2012/13, na que formou un prolífico tridente atacante xunto a Héctor Figueroa e Néstor Gordillo, contribuíndo a proclamarse campións do Grupo XII e ascender á Segunda División B.

Elche

As súas actuacións nesa última temporada chamaron a atención do Elche Ilicitano da Segunda B, equipo polo que acabou fichando a pesar de ter unha oferta de renovación da UD Las Palmas e praza no primeiro equipo. Debutou co filial ilicitano na primeira xornada da tempada 2013/14, conseguindo un triplete na goleada por 1-5 sobre o Levante B. Marcou seis goles nas tres primeiras xornadas e sumaba 12 na 14ª xornada. Foi entón cando Fran Escribá lle deu a oportunidade de debutar co primeiro equipo do Elche na Primeira División nun partido ante o Valencia. Saltou ao terreo de xogo do Martínez Valero no minuto 78, substituíndo a Javi Márquez e cinco minutos despois conseguiu o gol da vitoria do seu equipo (2-1).

Pechou a tempada cun total de 21 partidos co primeiro equipo e tres goles (ademais dos seus 13 goles en 14 partidos co filial). Tras as súas boas actuacións o club renovou o seu contrato até 2019, pasando formar parte definitivamente do primeiro equipo. Ao ano seguinte xogou 30 partidos, anotando un gol contra o Espanyol (1-1).

Almería

Tras o descenso administrativo do Elche, Herrera rescindiu o seu contrato e asinou por unha temporada coa UD Almería, da Segunda División. No equipo andaluz contou con poucas oportunidades, disputou 13 partidos (só 6 deles como titular) e marcou dous goles na Copa do Rei ante o seu anterior equipo, o Elche.

GIrona

O 1 de febreiro rompeu o seu contrato e asinou inmediatamente até xuño de 2018 polo Girona, da mesma categoría. Foi titular na maioría de partidos do que restaba de tempada, anotando 7 goles. O seu protagonismo caeu na campaña 2016/17, na que só partiu dende o inicio en nove dos 31 encontros que disputou. Contribuíu con dous goles ao ascenso do equipo de Machín á Primeira División.

Lugo

Tras temporada e media co club catalán, rescindiu o seu contrato e asinou polo Lugo, tamén de Segunda. Xogou catro anos en Lugo, sendo unha importante peza do ataque albivermello, co que marcou 33 goles en 160 partidos oficiais, contribuíndo á permanencia do club na categoría de prata durante as catro campañas. Deixou o Lugo como o máximo goleador histórico do club na Segunda División, con 31 goles, marca aínda non superada por ningún outro futbolista da entidade lucense.

Ibiza

En 2021 fichou polo Ibiza, da mesma categoría, no que foi titular indiscutible durante dúas campañas, anotando 21 goles en 75 partidos. Con todo, non puido evitar o descenso do equipo á Primeira Federación ao remate da 2022/23.

Las Palmas

En xuño de 2023 asinou como novo xogador da UD Las Palmas, da Primeira División, regresando 10 anos despois ao equipo no que se formara. Deste xeito debutou finalmente co club da súa cidade, pero apenas contou con oportunidades no conxunto adestrado por García Pimienta, co que disputou só 459 minutos (159 na liga e 300 na Copa do Rei).

Deportivo da Coruña

No verán de 2024 foi anunciado como novo xogador do Deportivo da Coruña, que viña de ascender á Segunda División.

Estatísticas

Club	Tempada	División	Liga		Copa		Outros		Total
			Partidos	Goles	Partidos	Goles	Partidos	Goles	Partidos	Goles
Las Palmas Atlético	2010–11	Terceira	22	13	-	-	-	-	22	13
	2011–12	Terceira	27	7	-	-	-	-	27	7
	2012–13	Terceira	34	19	-	-	2	0	36	19
	Total club		83	39	0	0	2	0	85	39
Elche Ilicitano	2013–14	Segunda B	14	13	-	-	-	-	14	13
Elche	2013–14	Primeira	21	3	1	0	-	-	22	3
	2014–15	Primeira	26	1	4	0	-	-	30	1
	Total club		47	4	5	0	0	0	52	4
Almería	2015–16	Segunda	9	0	4	2	-	-	13	2
Girona	2015–16	Segunda	19	5	0	0	4	2	23	7
	2016–17	Segunda	31	2	0	0	-	-	31	2
	Total club		50	7	0	0	4	2	54	9
Lugo	2017–18	Segunda	40	7	1	0	-	-	41	7
	2018–19	Segunda	34	10	2	1	-	-	36	11
	2019–20	Segunda	40	12	1	1	-	-	41	13
	2020–21	Segunda	40	2	2	0	-	-	42	2
	Total club		154	31	6	2	0	0	160	33
Ibiza	2021–22	Segunda	36	11	2	0	-	-	38	11
	2022–23	Segunda	35	9	2	1	-	-	37	10
	Total club		71	20	4	1	0	0	75	21
Las Palmas	2023–24	Primeira	8	1	3	0	-	-	11	1
Total carreira			436	115	22	5	6	2	464	122

Véxase tamén

Ligazóns externas

• Datos do xogador en bdfutbol.com (en inglés)
• Datos do xogador en Transfermarkt (en castelán)