Fede Vico

Na Galipedia, a Wikipedia en galego.
Fede Vico
Fede Vico.JPG
Información persoal
Nome completo Federico Vico Villegas
Nacemento 4 de xullo de 1994 (23 anos)
Lugar Córdoba, España
Altura 1,78 m
Posición Extremo / media punta
Información de club
Club actual CD Lugo
Número 11
Carreira xuvenil
Córdoba
Carreira sénior
Anos Equipos Aprs (Gls)
2011–2013 Córdoba B 15 (2)
2011–2013 Córdoba 60 (8)
2013–2016 Anderlecht 0 (0)
2014 Oostende (ces.) 10 (1)
2014–2015 Córdoba (ces.) 20 (0)
2016 Albacete (ces.) 13 (1)
2016– Lugo 29 (2)
Selección nacional
2010–2011 España sub-17 6 (2)
2012 España sub-18 2 (0)
2013 España sub-19 8 (3)
2012–2013 España sub-20 6 (0)
* Partidos e goles só en liga doméstica.
† Aparicións (Goles)
‡ Actualizado a 1 de outubro de 2017

Federico Vico Villegas, máis coñecido como Fede Vico, nado o 4 de xullo de 1994 en Córdoba (Andalucía), é un futbolista profesional español da canteira do Córdoba, que actualmente xoga como extremo ou media punta no Club Deportivo Lugo de LaLiga 2.

Traxectoria[editar | editar a fonte]

Formado nas categorías inferiores do Córdoba Club de Fútbol, principal equipo da súa cidade natal, Fede Vico debutou con 16 anos co primeiro equipo na Segunda División. Da man de Lucas Alcaraz, xoga o 23 de xaneiro de 2011 no Estadio Nuevo Arcángel ante o Girona, saíndo en substitución de Juanmi Callejón, acabando o partido con empate 1-1. No momento do seu debut, foi o segundo xogador máis novo en debutar co primeiro equipo cordobés. Semanas despois debuta co Córdoba B.[1] Na seguinte temporada convértese nun habitual das convocatorias de Paco Jémez, aínda que aínda con contrato co filial branquiverde. De feito, chega a facerse cun posto no once titular, sendo unha peza clave para disputar os Playoffs de ascenso á Primeira División. Porén, o equipo é eliminado nas eliminatorias polo Real Valladolid.

Na temporada seguinte Fede Vico consegue o seu primeiro gol co primeiro equipo. Sería o 3 de marzo de 2012 na vitoria por 2-1 ante o Xerez CD, sendo o xogador máis novo da historia do club en anotar un tanto. A finais dese mesmo ano Vico é a estrela do Córdoba, sendo recompensado cun contrato que o converte no xogador mellor pagado do club. Tras callar unha gran tempada, o Royal Sporting Club Anderlecht faise cos seus servizos ao final de tempada. Co equipo belga consegue o seu primeiro título oficial ao gañar a Supercopa ante o KRC Genk. Con todo, Vico non disputou o partido por estar convocado coa Selección de fútbol sub-19 de España. O 31 de xaneiro de 2014, Fede chega ao K.V. Oostende da Pro-League (Primeira División) en calidade de cedido. Posteriormente é cedido ao Córdoba, ese ano en Primeira División, onde disputa 20 partidos. Tras unha nova cesión, esta no mercado de inverno ao Albacete Balompié, rescinde o seu contrato co club belga e asina o 8 de decembro de 2016 polo Club Deportivo Lugo por dúas temporadas.

Clubs[editar | editar a fonte]

Club Categoría Ano PX Goles
Córdoba Segunda 2010−2011 1 0
Córdoba Segunda 2011−2012 24 2
Córdoba Segunda 2012−2013 33 6
Anderlecht Pro League (1ª) 2013−2014 0 0
Oostende Pro League (1ª) 2014 10 1
Córdoba Primeira 2014−2015 20 0
Anderlecht Pro League (1ª) 2015−2016 0 0
Albacete Segunda B 2016 13 1
Lugo La Liga 2 2016−2017

Notas[editar | editar a fonte]

  1. López, Cisco (24 de xaneiro de 2011). "Fede Vico, tras los pasos de Carlos Alias". Diario de Córdoba (en castelán). 

Véxase tamén[editar | editar a fonte]

Ligazóns externas[editar | editar a fonte]