Sergio Díaz

Na Galipedia, a Wikipedia en galego.
Saltar ata a navegación Saltar á procura
Sergio Díaz
Sergio Diaz 2016.jpg
Información persoal
Nome completo Sergio Ismael Díaz Velázquez
Nacemento 5 de marzo de 1998 (21 anos)
Lugar Itauguá, Paraguai
Altura 1,70 m
Posición Dianteiro
Información de club
Club actual Corinthians
Carreira xuvenil
2006–2008 Tacuary
2008–2014 Cerro Porteño
Carreira sénior
Anos Equipos Aprs (Gls)
2014–2016 Cerro Porteño 62 (15)
2016– Real Madrid B 36 (5)
2017–2018Lugo (ces.) 8 (0)
2018−2019Corinthians (ces.) 1 (0)
Selección nacional
2015 Paraguai sub-17 11 (3)
2015 Paraguay sub-20 7 (2)
2016 Paraguay sub-23 4 (2)
2017– Paraguai 1 (0)

* Partidos e goles só en liga doméstica.
† Aparicións (Goles)

‡ Actualizado a 12 de novembro de 2017

Sergio Ismael Díaz Velázquez, máis coñecido como Sergio Díaz, nado o 5 de marzo de 1998 en Itauguá (Central), é un futbolista profesional internacional paraguaio da canteira do Cerro Porteño que actualmente xoga como dianteiro no Corinthians cedido polo Real Madrid.

Traxectoria[editar | editar a fonte]

Club[editar | editar a fonte]

Nado en Itauguá, cidade do Departamento Central de Paraguai, Sergio Díaz comezou a súa carreira futbolística na escola de fútbol do Club Tacuary, aínda que tan só permeneceu no club do barrio Jara da Asunción un ano. Con dez anos chega á canteira do Cerro Porteño,[1] onde en idade sub-15 consegue meter uns trinta goles, os cales lle valen para ser ascendido ao filial. Alí, tras adestrar co primeiro equipo, é comparado con Sergio "Kun" Agüero. O seu debut co primeiro equipo na Primeira División de Paraguai produciríase 27 de xuño de 2014, data na que contaba 16 anos e 3 meses, no último encontro do Torneo de Apertura. Nese partido, que supuxo a vitoria por 2−1 do seu equipo ante o Club General Díaz, entra no minuto 84.[2] O seu primeiro gol chegaría no Torneo Clausura, o 28 de setembro do mesmo ano, na décima xornada ante Club Nacional, sendo o único tanto do encontro.[3] Pouco despois, o 8 de outubro, consegue anotar dous goles na vitoria do seu equipo por 2−0 ante o Club Atlético 3 de Febrero. O 6 de novembro debuta na Copa Sudamericana ante o Boca Juniors, saíndo ao terreo de xogo no minuto 62. As súa boas actuacións, incluídas as do Campionato Sudamericano sub-20 coa selección paraguaia levantan o interse polo xogador do Liverpool FC e do Manchester United. En canto á liga loca, finaliza Torneo Clausura de 2014 como subcampión co Cerro Porteño e aportando oito goles.

Ao ano seguinte, no Torneo Apertura 2015, disputa o Super Clásico do fútbol paraguaio entre o Cerro Porteño e o Club Olimpia. Sergio Díaz é quen de anotar o gol que abre o marcador aos 14 minutos, converténdose así no xogador máis novo en anotrar nos clásicos con 17 anos, 1 mes e 28 días.[4] Finalmente, o encuentro finalizó 1 a 1. Nese torneo apertura, Díaz acaba anotando 5 goles e coroándose campión. Tras acabar a temporada e cumprir 18 anos, asina o seu primeiro contrato como profesional co Cerro Porteño até 2021. A nivel internacional, debuta ese mesmo ano na Copa Libertadores ante o Sport Club Corinthians, onde contribúe con brillo á vitoria do seu equipo por 3−2, conseguindo un gol e unha asistencia. Tras superar a fase previa do torneo, o Cerro Porteño consegue a súa clasificación aos oitavos de final do certame continental. O 28 de abril, recibiron ao Boca Juniors no Defensores del Chaco no partido de ida da fase eliminatoria. Díaz entrou ao partido no minuto 71, efrontándose a xogadores como Carlos Tévez e Nicolás Lodeiro, mais acabaron por perder por 2 a 1. O partido de volta xogouse o 5 de maio na Bombonera, velvendo a saír Díaz na segunda metade. Con todo, o seu equipo foi eliminado tras caer por 3 a 1.

O 1 de xullo de 2016, da finalmente o salto a Europa asinando polo Real Madrid a cambio de 5 millóns de euros máis variábeis. Co club madrileño fai a pretemporada co primeiro equipo no Canadá, sendo convocado para xogar un amigábel ante o Paris Saint-Germain, sen chegar a debutar, e xogando contra o Chelsea FC na International Champions Cup, saíndo en substitución de Álvaro Morata no minuto 66. Disputou entón o seu primero partido co Real Madrid con 18 años e 147 días, utilizando a camisola co número número 38, e converténdose no segundo xogador paraguaio en xogar para os "merengues" despois de Javier Acuña. Ao comezar a temporada é asignado ao filial, o Real Madrid Castilla, onde xoga 36 partidos e anota 5 goles na Segunda División B. Ademais, xoga na Copa de Europa xuvenil da UEFA, onde se converte nun dos xogadores máis destacados do equipo con 4 goles en 8 partidos. Tras acabar a temporada, o 10 de agosto de 2017 anúnciase a súa cesión ao Club Deportivo Lugo da Segunda División.[5]

Internacional[editar | editar a fonte]

Sergio Díaz é interancional coa selección de Paraguai nas categorías sub-15, sub-17, sub-20, sub-23 e absoluta. Debutou coa súa selección en competición oficial no Campionato Suramericano sub-20 do Uruguai 2015 ante Bolivia na primeira xornada do torneo, sendo o autor do segundo tanto do seu equipo na vitoria por 4−2, sendo o xogador máis novo da historia en conseguir un gol na competición con con 16 anos e 10 meses. Finalmente xoga 7 partidos do torneo onde anota 2 goles. Un mes despois de participar no Suramericano Sub-20, foi escollido como parte da selección sub-17 para xogar el Suramericano da categoría no seu país. O 4 de marzo xogou o primeir partido contra Venezuela, anotando o primeiro gol do torneo no minuto 24 de partido e conseguindo gañar finalmente por 3 a 2. Despois do verán, grazas ás súa aactuacións, foi convocado para xogar o Mundial Sub-17. No mundial debuta o 20 de octubro, onde xogou como contra Siria no primeiro partido do grupo e gañando 4 a 1. Con todo, tras xogar contra Francia, campiona de Europa da categoría, e Nova Zelanda, quedaron eliminados do torneo. Tras ser un habitual nas categorías inferiores da selección paraguaia, Díaz debuta coa selección absoluta o 2 de xuño de 2017 nun amigábel ante Francia.[6]

Estatísticas[editar | editar a fonte]

Club Categoría Temporada Partidos Goles
Cerro Porteño Primeira
Copa Suramericana
2014 20
3
8
0
Cerro Porteño Primeira 2015 28 5
Cerro Porteño Primeira
Copa Libertadores
2016 14
5
2
1
Real Madrid B Segunda B 2016−2017 34 5
Lugo Segunda 2017−2018 8 0

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]