Chuli

Chuli
Información persoal
Nome	Manuel Jesús Vázquez Florido
Nacemento	25 de xaneiro de 1991 (32 anos)
Lugar de nacemento	Huelva
Altura	1,77 m
Posición	Dianteiro
Información de club
Club actual	Getafe
Carreira xuvenil
2005−2006	Recreativo
2006–2010	Espanyol
Carreira sénior
Anos	Equipos	Aprs	(Gls)
2010–2011	Espanyol B	21	(1)
2011–2012	Recreativo B	30	(22)
2012–2013	Recreativo	40	(15)
2013–2015	Betis	14	(0)
2015	→ Leganés (c.)	21	(11)
2015–2017	Almería	47	(6)
2017	→ Getafe (c.)	18	(5)
2017–	Getafe	0	(0)
2017–2018	→ Lugo (c.)	12	(1)
2018–2019	→ Extremadura (c.)
Selección nacional
2009	España sub-18	2	(0)
Partidos e goles só en liga doméstica. Selección: actualizado a 16 de agosto de 2018[ editar datos en Wikidata ]

Manuel Jesús Vázquez Florido, alcumado Chuli, nado o 25 de xaneiro de 1991 en Huelva, é un futbolista profesional español da canteira do RCD Espanyol que actualmente xoga como dianteiro no Getafe Club de Fútbol.

Traxectoria

Nado en Huelva, Andalucía, Chuli formouse nas categoría inferiores do Recreativo de Huelva e do Reial Club Deportiu Espanyol de Barcelona. Tras participar nas inferiores do club barcelonés, debuta como sénior no Espanyol B da Segunda División B na temporada 2009−2010. O seu primeiro gol chegaría o 22 de xaneiro de 2011, cando anota na vitoria do seu equipo por 4-0 ante o CF Amposta da Terceira División. Tras acabar a temporda regresa á súa cidade natal para formar parte do equipo filial do Recreativo de Huelva, tamén en Terceira División. Tras a súa destacada actuación, con 22 goles en 30 partidos, é promocionado ao primeiro equipo para xogar en Segunda División, debutando como titular xa na primeira xornada da temporada 2012−2013 ante o Xerez CD. Pouco despois, o 8 de setembro, anota dous tantos e provoca un penalti que permite a vitoria do seu equipo por 3–2 ante o Real Murcia. Menos dun mes despois anota o seu primeiro hat-trick na categoría de prata, permitindo ao seu equipo vencer por 4–2 á AD Alcorcón. Un deses goles supuxo o tanto 1.500 do Recreativo na Segunda División. Finalmente, acaba a temporada con 15 goles, axudando ao "Decano" a acadar a salvación.

Tras acabar a temporada, a súa boa actuación permite a súa fichaxe polo Real Betis de Primeira División, que paga 600.000 euros polo seu traspaso. O seu debut na máxima categoría sería o 25 de agosto na derrota por 1−2 no Benito Villamarín ante o Celta de Vigo. O seu primeiro gol co equipo sevillano chegaría na vitoria por 1–0 contra o Vitória S.C. na UEFA Europa League. Tras un primeiro ano que supuxo o descenso do seu equipo, o 1 de setembro de 2014 houbo rumores sobre a súa cesión ao Real Zaragoza, aínda que finalmente non se levaría a cabo, sendo finalmente cedido o 7 de xaneiro ao CD Leganés, anotando en media temporada 11 goles. Esta boa actuación levouno a asinar un contrato por cinco anos coa UD Almería, equipo acabado de descender da Primeira División. Con todo, o 31 de xaneiro é cedido de novo, esta vez ao Getafe CF, conseguindo co equipo o ascenso a Primeira. A súa actuación no equipo madrileño convenceu ao club, o cal pagou 700.000 euros pola súa fichaxe. Tras non participar no retorno do Getafe á máxima categoría, o 12 de decembro de 2017 é cedido ao Club Deportivo Lugo.

Clubs

Club	Categoría	Ano	Partidos	Goles
Espanyol B	Segunda B	2009−2010	7	0
Espanyol B	Terceira	2010−2011	14	1
Recreativo B	Terceira	2011−2012	30	22
Recreativo	Segunda	2012	2	0
Recreativo	Segunda	2012−2013	38	15
Real Betis	Primeira UEFA Europa League	2013−2014	11 8	0 1
Real Betis	Segunda	2014−2015	3	0
Leganés	Segunda	2015	21	11
Almería	Segunda	2015−2016	36	6
Almería	Segunda	2016−2017	11	0
Getafe	Segunda	2017	18	5
Getafe	Primeira	2017	0	0
Lugo	Segunda	2017−2018	12	1

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en futbolme.com (en castelán)