Sabadell

Sabadell
Situación xeográfica
Estado:	España
Comunidade autónoma:	Cataluña
Provincia:	Barcelona
Comarca:	Vallès Occidental
Xeografía
Altitude:	190 msnm
Superficie:	37,89 km²
Poboación
Poboación total:	207.338 hab. (2010)
Densidade de poboación:	5.472,1 hab/km²
Xentilicio:	Sabadellenc, sabadellenca
Información
Código postal:	08200-08208 e 08802-08805
Alcalde:	Manuel Bustos Garrido (PSC)
Sitio na web:	www.sabadell.es

Parque de Cataluña.

Sabadell é un concello e cidade española da provincia de Barcelona, na comunidade autónoma de Cataluña. Tamén é a capital, xuntamente con Terrassa, da comarca do Vallès Occidental.

Con 207.338 habitantes é a quinta cidade catalá en poboación, tras Barcelona, L'Hospitalet de Llobregat, Badalona e Terrassa.

Xeografía

Sabadell está sita a uns 20, 6 km ao noroeste de Barcelona, no centro da comarca, xunto ao río Ripoll. Limita ao norte con Castellar del Vallès e Sentmenat, ao leste con Terrassa e Sant Quirze del Vallès, ao oeste con Polinyà e Santa Perpètua de Mogoda e ao sur con Barberà del Vallès, Badia del Vallès e Cerdanyola del Vallès.

Historia

A poboación naceu ó redor da capela de Sant Salvador d'Arraona no século XII. Con todo, a época dourada de Sabadell chegou no século XIX co desenvolvemento económico entorno ó sector téxtil. Grazas a este desenvolvemento Sabadell acadou o título de cidade no 1877.

Demografía

A inmigración, potenciada sobre todo pola expansión industrial de Sabadell, provocou aumentos notables da poboación nas últimas décadas. O máis notable comezou nos anos 1950 e durou ata finais dos 70, cando se triplicou a poboación da cidade. A maioría dos inmigrantes procedían de diferentes zonas de España, especialmente de Andalucía, Estremadura e Murcia. A poboación da cidade aumentou tamén en varios miles os últimos anos, co aumento da inmigración extracomunitaria a Cataluña.

Evolución demográfica

1900	1930	1950	1970	1981	2000	2008
23.294	45.607	59.494	159.408	184.943	183.727	203.969

Entidades

Sabadell está formado por cinco entidades de poboación:

• Sabadell.
• San Nicolau.
• La Salut.
• Berard.
• Togores.

Edificios e obras salientables

• Casa da Vila.
• Igrexa de Sant Feliu: obra do arquitecto Enric Sagnier i Vilavecchia (1858-1931).
• Monumento a Sallarès i Pla: obra do escultor Josep Clarà (1878-1958).
• Sé da Caixa d'Estalvis de Sabadell: obra do arquitecto Jeroni Martorell (1877-1951).
• Torre de l'Aigua.

Cidadáns ilustres

• David Meca, nadador, especializado en augas abertas (1974).
• Genís García Junyent, futbolista profesional (1975).
• Oriol Junyent, baloncestista profesional (1976).
• Oleguer Presas, futbolista profesional. (1980).
• Moisés Hurtado, futbolista profesional (1981).
• Sergio Busquets, futbolista do FC Barcelona (1988).
• Marc Gené, piloto de Fórmula 1 (1974).
• Joan Oliver i Sallarès, poeta e dramaturgo (1899 - 1986).
• Sergio Dalma, cantante (1964).
• Albert Pla, cantautor (1966).
• Juan Serrano "Finito de Córdoba", toureiro (1971).
• Marina Gatell, actriz (1979).
• Mateo Morral, anarquista responsable do atentado contra Afonso XIII o 31 de maio de 1906 (1880).

Localidades irmandadas

• Argub (Sáhara Occidental)
• Matagalpa (Nicaragua)
• Sarajevo (Bosnia e Hercegovina)

Galería de imaxes

• 

  Praza do Concello e igrexa de Sant Fèlix

• 

  Torre de l'Aigua

• 

  Concello de Sabadell

• 

  Edificio Caixa Sabadell

Véxase tamén

Ligazóns externas

• Portal Municipal de Sabadell. - Concello de Sabadell (en catalán).
• O Patrimonio Histórico de Sabadell - Oficina de Patrimonio do Concello de Sabadell (en catalán).
• Mapa de l'Institut Cartogràfic de Catalunya (en catalán).