Canet de Mar

Canet de Mar
Situación xeográfica
Estado:	España
Comunidade autónoma:	Cataluña
Provincia:	Barcelona
Comarca:	Maresme
Xeografía
Altitude:	15 msnm
Superficie:	5,56 km²
Poboación
Poboación total:	14.072 hab. (2011)
Densidade de poboación:	2.530,94 hab/km²
Xentilicio:	Canetenc, canetenca
Información
Código postal:	08360
Alcalde:	Jesús Marín i Hernàndez (CiU)
Sitio na web:	www.canetdemar.org

Canet de Mar é un concello español da costa do Maresme, na provincia de Barcelona, Cataluña. Está situado a 43 quilómetros de Barcelona, entre os municipios de Arenys de Mar e Sant Pol de Mar.

Paseo marítimo e praia de Canet

Segundo datos do INE tiña 14.072 habitantes en 2011. Nos últimos anos, a poboación creceu considerablemente coa expansión da presión inmobiliaria fóra dos límites da área metropolitana de Barcelona, dobrando a súa poboación en pouco máis de 10 anos.

A industria dominante no municipio, polo seu carácter costeiro, é o turismo, xunto coa explotación agrícola (a floricultura e o cultivo de amorodos), ademais da industria téxtil. En Canet de Mar atópase a Escola Universitaria de Enxeñería técnica en tecidos de punto, único centro de España que ofrece este tipo de estudos.

Xeografía

Canet de Mar está situado no litoral da Costa Brava, entre Arenys de Mar e Sant Pol de Mar, ao pé do Parque Natural do Montnegre e o Corredor e da Serra de Vallalta. O pùnto máis alto do concello é o Turó d'en Venteveió, con 312 metros.

Canet ten pendentes abruptas e barrancos que morren en vales polos que pasan torrentes ata chegar a rieras e coa terra erosionada pola auga fórmanse as praias.

Historia

Edificio de Lluís Domènech i Montaner

Canet de Mar nace no século XI como unha pequena aldea e coñécese entón como la Vall de Canet i Romaguera. En 1579 separouse de Sant Iscle de Vallalta.

Desde o século XI, Canet recoñeceuse como núcleo destacado cultural, artístico e social. O modernismo tamén deixou pegada grazas a Lluís Domènech i Montaner (1850-1923) coa casa Roura, a casa Domènech i Montaner, l'Ateneu Canetenc e a reforma do castelo de Santa Florentina, antiga masía fortificada restaurada no século XIX. Non se debe restar importancia ás construcións decimonónicas, contemporáneas e a outras de influencia indiana e colonial.

Demografía

Evolución demográfica

1900	1930	1950	1970	1981	2000	2008
2.899	4.892	4.831	6.556	8.041	10.138	13.670

Lugares de interese

Castelo de Santa Florentina

En Canet pódense atopar interesantes construcións modernistas de Puig i Cadafalch, Calvet e Domènech i Montaner, entre outros. Edificios deste período son a Casa Roure, a casa Domènech i Montaner, e o Ateneu Canetenc. Escultores como Josep Llimona, Carles Flotats e Eusebi Arnau tamén deixaron a súa pegada no municipio.

Ademais da influencia modernista, tamén atopamos construcións como o Castelo de Santa Florentina (século XI), o templo de Sant Pere de Canet (século XVI), ou o Santuario da Misericordia (século XIX), patroa do Maresme.

Festividades

• 1 de maio: Reunión en Pedracastell.
• 29 de xuño: Festa Maior de San Pedro.
• 8 de setembro: Festa Maior pequena. Día da Virxe da Misericordia.
• Os mércores celébrase o mercado semanal.

Véxase tamén

Ligazóns externas

• Sitio web do concello (en catalán)
• Información da Generalitat de Catalunya (en catalán)
• Información do Institut d'Estadística de Catalunya (en catalán)
• Patrimonio históric e artístico de Canet de Mar (en catalán)