Mollet del Vallès

Na Galipedia, a Wikipedia en galego.
Mollet del Vallès
Mollet del Vallès Spain.svg Escut de Mollet del Vallès.svg
Situación xeográfica
Localització de Mollet del Vallès respecte del Vallès Oriental.svg
País España España
Comunidade autónoma Cataluña Cataluña
Provincia Barcelona
Comarca Vallès Oriental
Xeografía
Altitude 65 msnm
Superficie 10,8 km²
Poboación
Poboación 52.459 hab. (2010)
Densidade 4.857,31 hab/km²
Xentilicio Molletà, molletana
Información
Código postal 08100
Alcalde Josep Monràs i Galindo (PSC)
Páxina web www.molletvalles.cat

Mollet del Vallès, antes coñecido como Mollet a secas, é un municipio da comarca do Vallès Oriental, na provincia de Barcelona, Comunidade Autónoma de Cataluña, España.

Historia[editar | editar a fonte]

Vista xeral do concello.

No termo de Mollet realizáronse diversos achados arqueolóxicos, algún de gran importancia, que testifican a antigüidade da súa poboación, pero as primeiras referencias escritas coñecidas de Mollet del Vallès como núcleo habitado son do século X. En dous documentos do ano 993 xa aparece mencionado o nome de Mollet, transcrito como Moledo, e a igrexa de San Vicente, que aínda conserva o campanario medieval.

Entre os séculos XII e XIV, Mollet pertenceu á sede episcopal de Barcelona e os seus habitantes eran súbditos do bispo. No ano 1393, Mollet pasou a depender directamente da coroa e converteuse en "rúa" de Barcelona, con representante no Consell de Cent desa cidade. Isto supuxo unha prosperidade para o pobo e un reforzamento da organización colectiva, que quedaba definida polo batlle (alcalde), a curia e os sindicatos.

A vitalidade da comunidade fíxose evidente no século XV coa edificación da igrexa de San Vicente. O edificio foi destruído durante a guerra civil española, con excepción do campanario, que conserva o basamento románico.

Mollet viviu, como o resto do territorio, todos os feitos importantes da historia catalá e peninsular. Hai que destacar, entre as accións bélicas, a batalla que as tropas españolas gañaron ao invasor francés nas proximidades do pobo en 1810 e o bombardeo do centro da cidade (Quatre Cantons) pola aviación franquista en 1938, que causou mortos e feridos.

Actualmente está emprazada no municipio o Instituto de Seguridade Pública de Cataluña, onde se preparan os axentes da policía local e autonómica coñecidos como Mossos d'Esquadra.

Demografía[editar | editar a fonte]

Evolución demográfica
1900 1930 1950 1970 1981 2000 2009
2.130 5.527 6.614 20.212 35.494 46.204 52.484

Lugares de interese[editar | editar a fonte]

Casa do concello de Mollet del Vallès
Museo Abelló
  • Parc dels colors
  • Igrexa Parroquial de Sant Vicenç
  • Igrexa de Santa María de Gallecs
  • Les Rambles
  • Casa do Concello
  • Masia de Can Borrell
  • Masia de Can Lledó
  • Masia Can Mulà
  • Masia de Can Pacià
  • Masies de Can Pantiquet e Can Flequer

Cidadáns ilustres[editar | editar a fonte]

Localidades irmandadas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Mollet del Vallès Modificar a ligazón no Wikidata