Vilassar de Dalt

Na Galipedia, a Wikipedia en galego.
Vilassar de Dalt
Escut de Vilassar de Dalt.svg
Situación xeográfica
Localització de Vilassar de Dalt respecte del Maresme.svg
País España España
Comunidade autónoma Cataluña Cataluña
Provincia Barcelona
Comarca Maresme
Xeografía
Altitude 135 msnm
Superficie 8,87 km²
Poboación
Poboación 8.746 hab. (2010)
Densidade 986,02 hab/km²
Xentilicio Vilassarenc, Vilassarenca
Información
Código postal 08339
Alcalde Llorenç Artigas i Planas
Páxina web www.vilassar.cat

Vilassar de Dalt é un municipio de Cataluña, España, pertencente á provincia de Barcelona, na comarca do Maresme. A localidade está situada na zona interior, entre os municipios de Cabrils, Òrrius, Premià de Dalt e Vilassar de Mar, a uns 10 km de Mataró e a 20 km de Barcelona.

Historia[editar | editar a fonte]

Vilassar é un pobo milenario: o primeiro documento que o menciona data do ano 978. O pobo foi crecendo ao redor do castelo do século X e a parroquia do século XI. En 1875 un pequeno núcleo urbano de casas construídas cerca do mar sepárase e pasa a formar Vilassar de Mar, que se constitúe como pobo. Na época franquista, Vilassar de Dalt, pasou a chamarse San Ginés de Vilasar.

Demografía[editar | editar a fonte]

Evolución demográfica
1900 1930 1950 1970 1981 2000 2006
3.113 3.374 3.306 5.257 5.518 7.484 8.334

Economía[editar | editar a fonte]

O municipio caracterizouse desde antigo pola produción agrícola: horta na zona baixa; viña, alfarroba e cereal na montañosa. Os cultivos de secaño xa non existen e a floricultura segue só naquelas zonas nas que por normativa urbanística non é posible construír urbanizacións, a principal característica do Baix Maresme nas últimas décadas. A actividade téxtil, hoxe practicamente testemuñal, no pasado representou a principal fonte de traballo da poboación desde os inicios da revolución industrial ata a gran crise industrial dos anos 70, cando as fábricas empezaron un proceso de peche masivo. Esta actividade foi decrecendo en canto ao seu peso relativo, deixando paso a un sector de servizos impulsado pola urbanización do municipio, que acolleu nos últimos anos a poboación con orixe en Barcelona cidade, inicialmente como segunda residencia.

Ademais, o pobo alberga ao parque acuático Illa Fantasía, que chegou a ser o máis grande de Europa.

Lugares de interese[editar | editar a fonte]

  • Igrexa de Sant Genís
  • Teatro La Massa
  • Torre de Can Maians
  • Ermida de Can Boquet
  • Castelo de Vilassar
  • Ermida de Sant Sebastià
  • Museo Municipal de Vilassar de Dalt
  • Museo do Cau del Cargol
  • Asentamento neolítico da Roca d'en Toni
  • Necrópolis medieval
  • Fornos romanos da Fornaca

Galería de imaxes[editar | editar a fonte]

Cidades irmandadas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Vilassar de Dalt