Vilafranca del Penedès

Vilafranca del Penedès
Situación xeográfica
Estado:	España
Comunidade autónoma:	Cataluña
Provincia:	Barcelona
Comarca:	Alt Penedès
Xeografía
Altitude:	223 msnm
Superficie:	19,65 km²
Poboación
Poboación total:	38.218 hab.
Densidade de poboación:	1.944,94 hab/km²
Xentilicio:	Vilafranquí, vilafranquina
Información
Código postal:	08720
Alcalde:	Pere Regull i Riba (CiU)
Sitio na web:	www.vilafranca.cat

Basílica de Santa María de Vilafranca del Penedès

Vilafranca del Penedès é un municipio e cidade da provincia de Barcelona, en Cataluña (España), capital da comarca do Alt Penedès. É coñecida a nivel internacional polos seus viños espumosos (o cava catalán).

Historia

O municipio ten as súas orixes no século XII. Pódense atopar numerosos edificios de orixe medieval como a Basílica de Santa Maria, o Palau dels Comtes Reials e o Palau Baltà.

Tamén hai edificios modernistas de finais do século XIX e principios do XX ao longo das ramblas de Vilafranca do Penedés. Outro exemplo de arquitectura modernista é a fachada do Concello na Praza da Vila.

No centro da cidade pódense atopar algunhas igrexas góticas, edificios modernistas, un amplo centro comercial ao aire libre, unha grande oferta e cultura gastronómica, así como a visita ao Museo de Vilafranca (onde tamén se atopa o Museo do viño), e onde se explica ao visitante o proceso de elaboración do cava, así como a súa historia e a súa relación co municipio.

Os últimos presidentes do Museo de Vilafranca foron César Martín e, actualmente, Josep Soler.

Demografía

O municipio está formado por 5 entidades de poboación: El Bordellet (9 hab.), El Molí d'en Rovira (166 hab.), Perepau (87 hab.), Les Salines (85 hab.) e Vilafranca del Penedès (35.517 hab.).

Evolución demográfica

1900	1930	1950	1970	1981	2000	2006
7.749	9.822	11.177	17.546	25.020	30.024	36.687

Lugares de interese

• Casa Miró
• Casa Fortuny
• Casa Guasch
• Igrexa de Santa Maria
• Palau Reial
• Capela de Sant Pelegrí
• Capela dels Dolors
• Igrexa de SAnt Joan
• Casa da Vila

Festividades

Do calendario festivo pódense destacar as Feiras de Maio, as festas de barrio durante os meses de xullo e agosto, e a Festa Maior a finais de agosto declarada de interese nacional.

Localidades irmandadas

• Bühl, Alemaña
• Melzo, Italia
• Novo Mesto, Eslovenia
• Puerto Cabezas, Nicaragua

Galería de imaxes

• 

  Plaça del Penedès

Véxase tamén

Ligazóns externas

• Sitio web do concello (en catalán)
• Guía urbana de Vilafranca del Penedès (en catalán)
• Información da Generalitat de Catalunya (en catalán)
• Información do Institut d'Estadística de Catalunya (en catalán)