Vic

Vic
[[Ficheiro:|90px|Escudo de Vic]] [[Ficheiro:|border|125px|Bandeira de Vic]]
Situación xeográfica
Estado:	España
Comunidade autónoma:	Cataluña
Provincia:	Barcelona
Comarca:	Osona
Xeografía
Altitude:	484 msnm
Superficie:	30,92 km²
Poboación
Poboación total:	40.422 hab.
Densidade de poboación:	1.307,31 hab/km²
Xentilicio:	Vigatà, vigatana
Información
Código postal:	08500
Alcalde:	Josep Maria Vila d'Abadal i Serra (CiU)
Sitio na web:	www.vic.cat

Praza Maior, en Vic.

Vic é un municipio e cidade española, capital da comarca de Osona, situado na provincia de Barcelona , comunidade autónoma de Cataluña. A poboación de Sentfores ou La Guixa forma tamén parte do municipio desde os anos 1940.

Xeografía

Atópase no medio dunha planicie que leva a seu mesmo nome Plana de Vic, equidistante de Barcelona e Francia.

É famosa pola súa persistente néboa no inverno que acaba por provocar un notable fenómeno de inversión térmica capaz de favorecer mínimas de até -10ºC e máximas próximas aos 0ºC nos episodios máis notables. No verán as tormentas son moi habituais até o punto de invertir o mínimo de precipitacións propio dos climas mediterráneos e favorecer a presenza de especies vexetais coma o carballo pubescente propias dos climas submediterráneos.

Historia

Durante os séculos VIII e IX, Vic estivo nas marcas que dividían as forzas francas das islámicas. No ano 1027, o bispo de Vic estableceu a "Paz e Tregua de Deus" que axudou a diminuír as guerras privadas. Durante o século XVII, a cidade foi un dos primeiros focos de rebelión contra a política centralista do rei Filipe V, conflito que terminou converténdose na Guerra de Sucesión.

Demografía

Evolución demográfica

1900	1930	1950	1970	1981	2000	2008
12.105	15.005	16.975	25.906	30.057	31.533	38.964

Economía

As explotacións gandeiras e as industrias transformadoras do sector primario conviven cun tecido industrial moi diversificado, e cun sector comercial e de servizos en crecemento. É así mesmo cidade universitaria, o que a converte nun núcleo estudantil moi activo que recibe estudantes de toda a comarca de Osona e doutras do interior de Cataluña, sen esquecer un bo número de habitantes da área de Barcelona que acoden á cidade en tren. O seu armazón peonil de rúas no centro histórico está poboado de bares, restaurantes, asociacións, talleres e oficinas que demostran a súa vitalidade económica.

Desde 1989 organiza anualmente o "Mercat de Música Viva de Vic", unha das feiras musicais máis importantes. É unha cidade de Feiras e Mercados, o máis tradicional dos cales é o Mercat do Ram.

Na cidade ten a súa sede a Universidade de Vic.

Cidadáns ilustres

• Gabriel de Avilés y del Fierro, militar e político
• Jaime Balmes (1810-1848), relixioso e filósofo.
• Wifredo Espina, periodista.
• Maria Àngels Anglada, escritora.
• Melcior Mauri, ciclista.
• Xavier Pons, piloto de rallies.
• Josep Jufré, ciclista profesional.
• Raül López, xogador de baloncesto.
• Quimi Portet, músico.
• Carles Sabater, músico (grupo SAU)
• Joaquina de Vedruna, relixiosa
• Josep Anglada, político

Localidades irmandadas

• Somoto, Nicaragua
• Torredonjimeno, Jaén, España (2010)

Galería de imaxes

• 

  Templo romano

• 

  Homenaxe á Pau i treva, e campanario

Véxase tamén

Ligazóns externas

• Sitio web do concello (en catalán)
• Información da Generalitat de Catalunya (en catalán)
• Información do Institut d'Estadística de Catalunya (en catalán)