Sant Adrià de Besòs

Na Galipedia, a Wikipedia en galego.
Sant Adrià de Besòs

Bandera de Sant Adrià de Besòs.svg Escut de Sant Adrià de Besòs.svg
Situación xeográfica
Localització de Sant Adrià de Besòs respecte del Barcelonès.svg
País España España
Comunidade autónoma Cataluña Cataluña
Provincia Barcelona
Comarca Barcelonès
Xeografía
Altitude 14 msnm
Superficie 3,78 km²
Poboación
Poboación 34.104 hab. (2010)
Densidade 9.022,22 hab/km²
Xentilicio Adrianenc, adrianenca
Información
Código postal 08930
Alcalde Jesús M. Canga Castaño
Páxina web www.sant-adria.net
Vista do río Besòs, ao seu paso por Sant Adrià

Sant Adrià de Besòs é unha cidade catalá, da área urbana de Barcelona. Está situada na desembocadura do río Besòs, entre Barcelona e Badalona.

Historia[editar | editar a fonte]

A orixe da poboación remóntase a 1012 ao formarse a vila en torno á igrexa parroquial, na beira esquerda do río Besòs. Na súa orixe era unha poboación principalmente agrícola.

Ao ser unha poboación próxima ao río Besòs sufría as chamadas "besosadas" (aumentos do caudal do río) que destruían a poboación por inundacións. Tamén ao atoparse no camiño por onde se atravesaba o río para chegar á cidade de Barcelona supúxolle problemas. As tropas inimigas que pasaban por alá dirixíndose á cidade destruían o pobo ao seu paso, como ocorreu os anos 1114 debido aos musulmáns e 1697 aos franceses.

Na revolución industrial empezáronse a implantar as industrias crecendo os habitantes da poboación e ao principio do século XX obtivo un novo empuxe grazas ás súas dúas centrais térmicas: Enerxía Eléctrica de Cataluña (posteriormente FECSA) e Compañía de Fluído Eléctrico (popularmente coñecida como A Catalá).

En 1938, durante a guerra civil Española, foi bombardeada xa que era punto de interese militar polas súas centrais térmicas así como as súas fábricas. En 2007 rehabilitouse como museo un dos refuxios antiaéreos utilizado pola cidadanía.

A día de hoxe conta con empresas do sector de servizos, industrias e as centrais térmicas situadas a cada lado do río. Das centrais térmicas a máis famosa posúe tres chemineas de 200 m que producen alto nivel de contaminación, tanto ambiental como paisaxística.

Actualmente leváronse a cabo diversos proxectos con para mellorar a calidade da auga do río, como a rehabilitación das beiras do río Besòs. Tamén se realizaron cambios importantes grazas á celebración do Fórum 2004 retornando o tranvía á poboación. Ademais o acontecemento serviu para embelecer a zona costeira e crear un porto deportivo moderno, renovando as instalacións das depuradoras da zona. Tamén se atopa en fase de renovación dalgúns barrios así como a creación de novas zonas de vivendas.

Barrio de La Mina[editar | editar a fonte]

O barrio de La Mina foi construído polo Instituto Municipal da Vivenda no ano 1969, para a erradicación de diferentes núcleos de barracas de Barcelona. (Camp de la Bota, Pequín, la Perona, el Somorrostro, Can Tunisia e Montjuic). En 1975, la Mina tiña xa máis de 15.000 habitantes e 2.029 vivendas.

O barrio de La Mina sitúase no termo municipal de Sant Adrià de Besòs, pero unido fisicamente coa cidade de Barcelona (máis cerca que o centro de Sant Adrià, do cal sepáralle o río Besòs e a Ronda del Litoral). Actualmente a área residencial de La Mina está formada por vinte bloques de entre 5 e 12 pisos. O número total de vivendas é de 2.721, e o de locais de 181.

La Mina conta coa metade da poboación total de Sant Adrià, e xunto ao barrio de La Catalana ocupa o 60 % do termo do municipio.

Demografía[editar | editar a fonte]

Evolución demográfica
1900 1930 1950 1970 1981 2000 2009
418 6.515 10.227 24.452 36.052 32.452 34.327

Galería de imaxes[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Sant Adrià de Besòs
Traído desde "http://gl.wikipedia.org/w/index.php?title=Sant_Adrià_de_Besòs&oldid=3233650"