UNESCO

Bandeira da UNESCO

A Organización das Nacións Unidas para a Educación, a Ciencia e a Cultura, UNESCO fundouse o 4 de novembro de 1946 co obxectivo de contribuir á paz e á seguridade no mundo mediante a educación, a ciencia, a cultura e as comunicacións.

Historia e características

Adícase, entre outras tarefas, a orientar ós pobos nunha xestión máis eficaz do seu propio desenrrolo a través dos recursos naturais e os valores culturais, coa finalidade de obter o maior proveito posible da modernización, sen que por iso perdan a identidade e a diversidade culturais.

Na educación, este organismo asigna prioridade ó logro da educación elemental adaptada ás necesidades actuais. Colabora coa formación de docentes, planificadores e vivenda, administradores educacionais e alenta a construción de escolas e a dotación do equipo necesario para o seu funcionamento.

As actividades culturais buscan a salvagarda do patrimonio cultural mediante o estímulo da creación, a creatividade e a preservación das entidades culturais e tradicións orais, así como a promoción dos libros e da lectura.

En materia de información, a UNESCO promociona a libre circulación de ideas por medios audiovisuais, fomenta a liberdade de prensa e a independencia, o pluralismo e a diversidade dos medios de información, a través do Programa Internacional para a Promoción da Comunicación.

Ten sede en París, Francia.

Directores Xerais da UNESCO

	Nome	Nacionalidade	Período
1.	Julian Huxley	Reino Unido	1946–1948
2.	Jaime Torres Bodet	México	1948–1952
3.	John Wilkinson Taylor	Estados Unidos	1952–1953
4.	Luther Evans	Estados Unidos	1953–1958
5.	Vittorino Veronese	Italia	1958–1961
6.	René Maheu	Francia	1961–1974
7.	Amadou-Mahtar M'Bow	Senegal	1974–1987
8.	Federico Mayor Zaragoza	España	1987–1999
9.	Koichiro Matsuura	Xapón	1999–2009
10.	Irina Bokova	Bulgaria	2009-actualidade

Críticas á UNESCO

A Organización das Nacións Unidas para a Educación, a Ciencia e a Cultura foi fortemente criticada ó longo da súa historia. Os críticos a acusan de tomar posicións contrarias á liberdade de prensa e de mercados, en particular pola iniciativa New World Information and Communication Order que recoñecía o dereito dos estados a censura-la prensa. En 1984 os Estados Unidos abandonaron a organización en protesta.

Así, mesmo no período dos anos 1970 e 1980, a organización recibiu repetidas acusacións de malgasto e corrupción.

Posteriormente, baixo a dirección de Federico Mayor Zaragoza e Koichiro Matsuura a UNESCO foi recuperando progresivamente a súa credibilidade, culminando coa reincorporación dos Estados Unidos no 2002.

Véxase tamén

Outros artigos

• Nacións Unidas
• Patrimonio da Humanidade
• Reserva da Biosfera
• Patrimonio Mundial (lista de lugares)
• Patrimonio da Humanidade na UE
• Escolas asociadas á UNESCO

Ligazóns externas

• Páxina web da UNESCO (en inglés)
• Resumo das críticas á UNESCO (en inglés)