Frutosa

Na Galipedia, a Wikipedia en galego.
D-Frutosa
Identificadores
Número CAS 57-48-7
PubChem 11769129
ChemSpider 388775
UNII 6YSS42VSEV
Número EC 200-333-3
KEGG C02336
ChEBI CHEBI:28645
ChEMBL CHEMBL604608
Código ATC V06DC02
Imaxes 3D Jmol Image 1
Propiedades
Fórmula molecular C6H12O6
Masa molar 180,16 g mol−1
Densidade 1,694 g/cm3
Punto de fusión 103ºC

Se non se indica outra cousa, os datos están tomados en condicións estándar de 25 °C e 100 kPa.
Referencias

A frutosa, tamén chamada comercialmente levulosa, debido ao sentido de rotación da luz polarizada, é unha forma de azucre encontrada nas froitas e no mel. É un monosacárido coa mesma fórmula empírica que a glicosa pero con diferente estrutura. É unha hexosa (6 átomos de carbono). O seu poder enerxético é de 4 quilocalorías por cada gramo.

Todas as froitas naturais teñen certa cantidade de frutosa (a miúdo xunto con glicosa), que poden ser extraídas e concentradas para facer un azucre alternativo.

Efectos sobre a saúde[editar | editar a fonte]

Utilizase como edulcorante para os diabéticos xa que tomado en doses moderadas non precisa insulina para ser metabolizado. A diferenza do azucre refinado que se absorbe instantaneamente producindo unha subida e unha baixada rápida de enerxía, a frutosa, é metabolizada e gardada, en parte, polo fígado en forma de glicóxeno como reserva para cando necesitemos facer un esforzo.

A frutosa produce escasos efectos no nivel de glicosa no sangue e non estimula a secreción de insulina.

A frutosa ten o mesmo valor calórico que a glicosa, 400 Kcal por 100 g, pero como adoza máis que a glicosa, precísase en menor cantidade e, consecuentemente, consúmense menos calorías.

Moitas persoas, sen sabelo, son máis ou menos intolerantes á frutosa e non poden asimilar ben alimentos cun alto contido deste azucre. Díse que sofren intolerancia á frutosa. Neste caso a frutosa depende da glicosa para que sexa absorbida nos intestinos e finalmente pase ao torrente sanguíneo. Os transportadores de membrana GLUT-5 e GLUT-2 son os encargados destes fenómenos de transporte. A absorción de frutosa en ausencia de glicosa é moi baixa, acumulándose no intestino groso onde serve de alimento á flora que nel reside producindo gases. A inxesta dun exceso de frutosa tamén favorece a retención de auga. Estes efectos dan lugar á expansión do abdome, flatulencia, excrementos non compactos e mesmo diarrea, dependendo das cantidades inxeridas doutros factores.

Galería[editar | editar a fonte]


Notas[editar | editar a fonte]

  1. Fructose - Merriam Webster dictionary
  2. Levulosa vén do latín laevus, levo, "lado esquerdo", levulosa é o termo antigo para o isómero máis común da frutosa. A D-fructosa fai rotar o plano da luz polarizada á esquerda, de aí este nome.[1].

Véxase tamén[editar | editar a fonte]

Commons
Commons ten máis contidos multimedia sobre: Frutosa

Outros artigos[editar | editar a fonte]

Ligazóns externas[editar | editar a fonte]