Eritrosa

D-eritrosa e L-eritrosa. Na natureza atópase a forma D.

A eritrosa é un monosacárido de catro carbonos cun grupo aldehido polo que é unha aldosa e unha tetrosa (aldotetrosa). Na natureza atopamos o isómero D-eritrosa .

A eritrosa ten dous carbonos asimétricos, o 2 e o 3, ambos os dous coa mesma configuración que o D-gliceraldehido: segundo a estrutura de Fischer, os -OH dos carbonos 2 e 3 represénentanse cara á dereita. Nome químico IUPAC segundo a convención de Cahn-Ingold-Prelog: (2R,3R)-2,3,4-Trihidroxibutanal.

A outra aldotetrosa, a treosa, é un diastereoisómero da eritrosa.

O seu derivado eritrosa-4-fosfato prodúcese na ruta da pentosa fosfato, intervén no ciclo de Calvin da fotosíntese e inicia a ruta de síntese dos aminoácidos esenciais fenilalanina e tirosina.

Véxase tamén

Outros artigos

• Treosa.

Ligazóns externas

• (en inglés) Nomenclatura dos azucres