O alquimista (novela)
| O alquimista (novela) | |
|---|---|
 | |
| Autor/a | Paulo Coelho |
| Orixe | Brasil |
| Lingua | lingua portuguesa |
| Xénero(s) | ficción de aventuras e Fantasía |
| Editorial | Companhia das Letras |
| Data de pub. | 1988 |
| [ editar datos en Wikidata ] | |
O alquimista é un libro publicado no Brasil en 1988 por Paulo Coelho. Traducido a máis de 88 linguas e publicado en máis de 150 países, o autor vendeu con esta obra máis de 135 millóns de exemplares no mundo.[1] En 2002, o Jornal de Letras de Portugal atribúelle o título de libro en lingua portuguesa máis vendido de tódolos tempos. Así mesmo, O alquimista é o título máis vendido na historia do Brasil, ademais, estivo nas listas dos libros máis vendidos en países como España, Portugal, Australia, Italia, Rusia e Alemaña, neste último incluso bateu o récord no ano 2002 con máis de 306 semanas de permanencia nas listas dos máis vendidos de ''Der Spiegel''.[2] O autor recibiu numerosos premios por esta obra, entre eles o premio BAMBI 2001, o Premio internacional Corine 2002 á mellor obra de ficción (Múnic) e o Nielsen Gold Book Award (Inglaterra, 2004).
Paulo Coelho accedeu ao Libro Guinness dos Récords despois de asinar 53 exemplares diferentes d' O alquimista en distintas linguas o 10 de outubro de 2003 durante a Feira do Libro de Frankfurt, converténdose así no autor que máis traducións da súa obra asina nun mesmo lugar.[3][4]
Características[editar | editar a fonte]
A obra trata da vida e aventuras de Santiago, un rapaz de dezaoito anos aproximadamente (estivo estudando nun seminario até os dezaseis anos e dous anos pastoreando ata que comeza a historia) que dende pequeno sempre vivira en España. O seu pai convenceuno de entrar nun seminario e ser sacerdote, mais o seu desexo de viaxar levouno a ser pastor.
O libro versa sobre os soños e os medios que empregamos para acadalos, sobre os azares da vida e os sinais que se presentan ao longo da mesma (saber comprender, observar ditos sinais etc.).
É unha paráfrase dun texto tomado d' As mil e unha noites. Son as peripecias dun heroe que procura o seu tesouro lonxe do seu fogar para logo retornar a el e achalo, sofrendo durante a viaxe unha fonda transformación na súa visión do mundo e a realidade.
Homenaxes[editar | editar a fonte]
No Teatro Palacio Valdés de Áviles celebrouse unha homenaxe polos vinte anos da novela, coa presenza do escritor.
Notas[editar | editar a fonte]
- ↑ El alquimista. Cooperativa.cl, "El alquimista" de Paulo Coelho fue traducido al aimara y quechua" (27/08/2010) [Visitado o 17 de maio de 2011] (en castelán)
- ↑ Eshoradeelegir.com Arquivado 25 de setembro de 2011 en Wayback Machine., Biografía de Paulo Coelho (páxs. 7-11) [Visitado o 17 de maio de 2011] (en castelán)
- ↑ Guinness Worls Record Arquivado 22 de agosto de 2011 en Wayback Machine., Guinness Worls Record: Most translations of a single title signed by the author in 1 sitting [Visitado o 17 de maio de 2011] (en inglés)
- ↑ "Paulo Coelho, rècord Guiness per signar traduccions de 'L'Alquimista'". Vilaweb.cat (en catalán). 29 de decembro de 2003. Arquivado dende o orixinal o 28 de xuño de 2013. Consultado o 17 de maio de 2011.
