Muras

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---

Muras
Nacemento do río Landro na serra do Xistral.
Situación
Xentilicio	muresán (non oficial)
Xeografía
Provincia	Provincia de Lugo
Comarca	Comarca da Terra Chá
Poboación	830 hab. (2009)
Área	163,8 km²
Densidade	5,07 hab./km²
Entidades de poboación	8 parroquias
Capital do concello	Muras
Política (2011)
Alcalde	Issam Alnagm Azzam (PPdeG)
Concelleiros	BNG: 1 PPdeG: 4 PSdeG-PSOE: 2 Outros: -
Eleccións municipais en Muras
Uso do galego (2001)
Galegofalantes	99,90%
Na rede
http://muras.gal/
[ editar datos en Wikidata ]

Muras é un concello da provincia de Lugo, pertencente á comarca da Terra Chá. Segundo o IGE en 2009 tiña 830 habitantes (926 no 2006, 941 no 2005, 978 no 2004, 1.020 no 2003).

Xeografía

O concello ten 164 km², e abrangue 8 parroquias. Limita ao norte con Ourol, ao sur con Vilalba e Xermade, ao leste co Valadouro e Abadín e ao oeste coas Pontes de García Rodríguez (provincia da Coruña). Atópase a menos dunha hora dos núcleos urbanos próximos coma Ferrol, A Coruña ou Lugo.

Historia

Na zona consérvanse restos de asentamentos prehistóricos. A documentación máis antiga data do século XII, mencionando o castelo de Muras, propiedade dos condes de Lemos.

O municipio constituíuse como tal en 1835, estando integrado até 1965 no partido xudicial de Viveiro. Até 1988 pertenceu ao de Mondoñedo, e na actualidade está integrado ao de Vilalba.

Poboación

Censo Total	830
Menores de 15 anos	41 (4.94 %)
Entre 15 e 64 anos	467 (56.26 %)
Maiores de 65 anos	322 (38.79 %)

Evolución da poboación de Muras   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
3.272	3.085	3.129	2.228	978	926
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Patrimonio

A igrexa de San Pedro de Muras ten tres naves con planta de cruz latina enmarcada en un rectángulo. A torre do campanario, de estilo barroco e construída en 1846, non está integrada no conxunto.

A torre de Silán e o pazo conservan portas e fiestras de estilo gótico. O recinto feiral de Viveiró atópase abandonado.

Economía

A economía do municipio depende en gran parte dos sectores agrícola e industrial, destacando a as empresas Plásticos Ferro SL, Hypor España G P SA, Técnica de Envases Pesqueros TEP SA, ER2 envasado con retorno y reutilización SA, e Trans Gra-Mur SL.

Un sector de recente implantación nesta zona é o da produción de enerxía eólica, con importantes inversións das empresas Iberdrola, Acciona, Ecyr e Norvento, que supón o aproveitamento do potencial que ten Muras na actividade das enerxías renovables.

Tamén son importantes os ingresos económicos procedentes do emprego ofertado polos concellos limítrofes: a industria das Pontes, e os servizos de Vilalba e Viveiro.

Galería de imaxes

Artigo principal: Galería de imaxes de Muras.

• 
  Placa da Praza de Cándido Bello, no Viveiró

Lugares de Muras

Para unha lista completa de todos os lugares do concello de Muras vexa: Lugares de Muras.