Comarca da Terra Chá

Para outras páxinas con títulos homónimos véxase: A Terra Chá.

Comarca da Terra Chá
Vista da Terra Chá desde Carballido.
Instancia de comarca de España  Xentilicio chairego
Localización  Situado en  provincia de Lugo, Galicia, España  Capital Vilalba  Contén división administrativa Abadín Muras Pastoriza Vilalba Guitiriz Castro de Rei Cospeito Begonte Xermade  OpenStreetMap  Coordenadas 43°16′00″N 7°38′00″O
Cifras e dimensións  Poboación 38.370 (2024) 39.047 (2022)  Superficie    1.822,75 km²
Códigos e identificadores OpenStreetMap 10570378 VIAF 53145067128866631245 Freebase /m/026x23g
Fontes e ligazóns  Descrito pola fonte Decreto 65/1997, de 20 de febreiro
Wikidata C:Commons

A comarca da Terra Chá é unha comarca galega situada na zona norte e interior da provincia de Lugo. É a comarca máis extensa de Galicia con 1823,02 km². No ano 2020 tiña 39.702 habitantes. A paisaxe desta chaira combina frecuentes outeiros coroados na súa maioría por castros —cómpre citar o castro de Viladonga— con agros e pasteiros chans, importantes lagoas como a de Cospeito ou Caque e máis dun cento de ríos e regatos que percorren a comarca.

Pertencen a ela os concellos de Abadín, Begonte, Castro de Rei, Cospeito, Guitiriz, Muras, Pastoriza, Vilalba e Xermade, sendo a súa capital Vilalba.

A Terra Chá pódese definir como unha comarca rural cunha economía de clara vocación agrícola e gandeira. A climatoloxía e os solos permiten que haxa unha importante extensión de parcelas dedicadas a pastos onde se alimentan un gran número de vacas destinadas especialmente á produción láctea contando para iso con modernas explotacións que son, na súa maioría, de carácter familiar pero altamente competitivas. Naqueles lugares da comarca onde a topografía é máis montañosa cobra auxe a gandaría extensiva, dedicada á produción cárnica e predominando a raza autóctona rubia galega. A flora da comarca da Terra Cha é moi variada incluíndo importantes áreas de carballeiras, soutos e fragas; domina o carballo acompañado por bidueiros, salgueiros, ameneiros, castiñeiros e piñeiros do país.

Demografía

Padrón municipal 2020	39 702 habitantes
Menores de 15 anos	3 542 (8,92 %)
Entre 16 e 64 anos	23 170 (58,36 %)
Maiores de 65 anos	12 990 (32,72 %)

Cultura

O poeta Manuel María adicoulle á comarca o poemario Terra Chá, onde fala das súas terras e as súas xentes:

A Terra Chá somentes é:
un povo aquí, outro acolá
mil arbres, monte raso,
un ceo chumbo e tráxico
no que andan as aves a voar.
O resto é soedá.

Galería de imaxes

Artigo principal: Galería de imaxes da comarca da Terra Chá.

• 
  Ponte do século XVII sobre o río Batán, entre os concellos de Abadín e Vilalba.

Véxase tamén

Outros artigos

• Instituto de Estudos Chairegos

---

Este artigo sobre comarcas de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---