Monte do Gozo

Monumento no cumio do Monte do Gozo.

O Monte do Gozo é unha elevación do terreo próxima á cidade de Santiago de Compostela, chamada así polo sentimento de gozo que desperta nos peregrinos, xa que este monte é o primeiro punto dende o cal a xente que fai o Camiño de Santiago ve as torres da Catedral.

Historia

Na idade media había no monte unha capela, mandada construír por Xelmírez en 1105, na que os peregrinos se axeonllaban en sinal de agradecemento por ter chegado ate ahí. Dende ese punto moitos dos peregrinos a cabalo facían o resto do camiño a pe (como Afonso XI) e outros remataban a súa peregrinación mesmo descalzos. Esa capela foi abandoada no século XVII.

En 1989 fixéronse no monte grandes obras para poder acoller alí a visita do papa Xoán Paulo II con motivo da multitudinaria Xornada Mundial da Xuventude.

Actualmente o Monte do Gozo dispón dunhas enormes instalacións para acoller peregrinos, que incluen un albergue con capacidade para centos de persoas, restaurante, cafetería, lavandería, tenda, campo de fútbol, e un gran auditorio descuberto no que teñen actuado bandas como Rolling Stones, Bruce Springsteen e Red Hot Chili Peppers entre outras, diante de ata 40000 persoas.

Galería

• 
  Anfiteatro do Monte do Gozo.
• 
  Tendas na praza do complexo.
• 
  Estatuas dos peregrinos.
• 
  Cafetería e albergues.

Véxase tamén

Ligazóns externas

• Información sobre o Monte do Gozo en CompostelaVirtual