Río Sor

Na Galipedia, a Wikipedia en galego.
Sor
Vicedo 4IX2015.jpg
Desembocadura do río Sor na ría do Barqueiro, coa praia de Area Longa (O Vicedo) ó fondo.
País Galicia Galicia
Lonxitude 49 km
Desembocadura Ría do Barqueiro

O río Sor é un curso fluvial galego da vertente cantábrica, cuxo percorrido é fronteira natural das provincias de Lugo e A Coruña ata que desemboca na Ría do Barqueiro.

Fórmano dous pequenos ríos, o Tras da Serra que nace na Veiga da Nata, no concello das Pontes de García Rodríguez, e o Santar, que nace en terras de Muras[1]. Os dous xúntanse na Ribeira da Señora en Ambosores, parroquia á que dan o nome[2].

A partir da súa formación, o río Sor baña terras do concello coruñés de Mañón pola súa esquerda, e dos concellos lugueses de Ourol e O Vicedo pola súa dereita.

Etimoloxía[editar | editar a fonte]

A raíz sar- “fluír, discorrer” dá nomes en diferentes linguas indoeuropeas, coma no sánscrito sará- “líquido, fluído”, sarít- 'regato', grego oros e latín serum “líquido leitoso”. Hidrónimos derivados desa raíz, encontrámolos na fonte Sar (Santa María del Campo, Burgos); o regato Sarrión (Coaña, Asturias) Sariego (Sariego, Asturias); regato da Sara (Rodeiro, Pontevedra), Sarria (Lugo); a fonte de Sora (Langás, Zaragoza); e coa alteración /S/ inicial do árabe temos por exemplo o río Jarama. Tamén existe o río Sarno no golfo de Nápoles e máis o célebre afluente do Rin, Sarre no francés e Saar no alemán.”

Notas[editar | editar a fonte]

  1. Asociación informática Amigus, ed. (14/5/2013). "Ambosores celebrou, despois de case vinte anos, as súas festas patronais da Ascensión.". Consultado o 5 de setembro de 2015. 
  2. IGN (ed.). "Visor Iberpix" (en castelán). 

Véxase tamén[editar | editar a fonte]

Ligazóns externas[editar | editar a fonte]