Anaheim, California

Na Galipedia, a Wikipedia en galego.
Anaheim
Bandeira de Anaheim, California
Bandeira
City of Anaheim
Anaheimconvctr-pano.jpg
Anaheim
Información
País Flag of the United States.svg Estados Unidos
Estado Flag of California.svg California
Fundación 1857
Superficie
 • Total

130,7 km²
Poboación
 • Total
 • Posto

348.467 (2009)
55º
Densidade 2.748,16 hab./km²
Altitude 48 m
Alcalde Curt Pringle (R)
Orange County California Incorporated and Unincorporated areas Anaheim Highlighted.svgAnaheim
Páxina oficial

Anaheim é unha cidade situada no condado de Orange, California. No ano 2009, a súa poboación era de 348.467 habitantes, o que a converte na décima cidade máis poboada do Estado. É tamén a segunda cidade máis populosa do condado (despois de Santa Ana) e a segunda máis grande, en termos de superficie. É coñecida polos seus parques temáticos, equipos deportivos, e centros de convencións.

Fundada por cincuenta familias alemás en 1857 e constituída o 10 de febreiro de 1870, Anaheim converteuse nun centro industrial, produtor de electrónicos, partes de aeronaves, e froitas enlatadas. É o lugar onde se atopa o complexo vacacional Disneyland Resort, un popular grupo de parques temáticos e hotelé desde 2001, o Angel Stadium of Anaheim, o Centro de Honda, e o Centro de convencións de Anaheim, o maior en toda a costa oeste de América, e o Centro de Visitantes de Anaheim, adxacente ao Centro de convencións. O nome de Anaheim é unha combinación formada de dous termos: "Ana", a partir do próximo Río de Santa Ana, e "heim", un termo común en Alemaña que significa "casa".

Os límites da cidade abarcan desde Cypress, no oeste, até chegar á fronteira do Condado de Riverside, no leste. O occidente de Anaheim caracterízase polas veciñanzas que datan da década de 1950, e que comprenden parte da continua expansión dos suburbios dos Ánxeles.

Historia[editar | editar a fonte]

Anaheim en 1879.

Fundada por cincuenta familias alemás provenientes de Franconia en 1857, dirixidas por George Hansen, e situada nunha extensión de 1,165 acres, Anaheim, cuxo nome provén do próximo río Santa Ana e do vocábulo alemán, heim que significa "fogar", desenvolveuse até ser agora un centro industrial de produtos electrónicos, partes de aeronaves e froitas enlatadas. Os seus primeiros residentes, vía votación colectiva, optaron por chamala "Annaheim", (que en alemán significa "a casa de Ana"), nome que cambiaría eventualmente co paso do tempo a "Anaheim". Para as colonias veciñas, cuxos residentes falaban español, Anaheim foi considerada como "Campo Alemán".

Nun principio o cultivo do viñedo foi a principal actividade económica. Porén, ao redor de 1870, a cidade foi azoutada por unha praga de insectos que ocasionaron graves danos nas vides, que foron substituídas por laranxeiras. En 1920, o Ku Klux Klan, na cima da súa influencia e popularidade, decidiu converter Anaheim nunha cidade-fogar do Klan. En 1924, o KKK logrou que catro do cinco membros da administración da cidade fosen membros do Klan. Permaneceron no seu cargo por un ano, ata que foron descubertos e, como resultado, cesados de maneira definitiva.

No século XX Anaheim converteuse nun centro industrial e Disney abriu un parque lúdico en 1955, coñecido como Disneylandia, actualmente estruturado como Disneyland Resort. Tamén se construíu o estadio de Los Angeles de Anaheim, sede do equipo Angels de Anaheim de béisbol. Ademais, é fogar do centro de convencións máis grande da costa oeste do país americano, o Anaheim Convention Center. Nos últimos anos, a cidade creceu enormemente e a súa popularidade alcanzou niveis inimaxinables, un panorama moi distinto á colonia alemá fundada fai máis dun século.

Xeografía[editar | editar a fonte]

  • Altitude: 48 metros.
  • Latitude: 33º 50' 07 N
  • Lonxitude: 117º 54' 48 O

Linguas[editar | editar a fonte]

A distribución das diferentes linguas faladas na cidade é:

Turismo[editar | editar a fonte]

Vista aérea de Disneyland.

Ao estar nunha área próxima aos Ánxeles e San Diego, Anaheim posúe unha excelente localización, a cal converxe nunha gran afluencia turística por ano. A continuación preséntase unha listaxe con algunhas das atraccións e intereses turísticos máis importantes da cidade:

  • Áreas turísticas
    • Centro de convencións de Anaheim
    • Downtown Disney
    • House of Blues, (Fogar do Blues)
    • ESPN Zone
    • Arrowhead Pond (Estanque Arrowhead)
    • The Sun Theatre (Teatro Sun)
    • Aquarium of the Pacific (Acuario do Pacífico)

Deportes e equipos profesionais[editar | editar a fonte]

Club Deporte Período Liga Escenario
Anaheim Ducks Hóckey sobre xeo 1993-actualidade National Hockey League Honda Center
Los Angeles Angels of Anaheim Béisbol 1961-actualidade Major League Baseball Angel Stadium
Anaheim Arsenal Baloncesto 2006-actualidade NBA Development League Anaheim Convention Center
Anaheim Amigos Baloncesto 1967-1968 Liga ABA Anaheim Convention Center

Celebridades e famosos da cidade[editar | editar a fonte]

Cidades irmandadas[editar | editar a fonte]

Anaheim, en Orange County, CA., ten catro cidades irmás ao redor do mundo, as cales foron designadas pola Organización Internacional de Irmanamento de Cidades.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]