Walt Disney
 |
Artigo nos seus primeiros pasos. Este artigo relacionado co cine é, polo de agora, só un bosquexo. Traballa nel e contribúe a que a Galipedia mellore e medre. Existen igualmente outros artigos relacionados co cine que precisan de revisión e nos que posibelmente tamén poidas contribuír. |
 |
|
| Profesión: | debuxante, produtor, director e guionista de filmes |
|---|---|
| País: |  Estados Unidos |
| Nado en: | 5 de decembro de 1901 |
| Lugar de nacemento: | Chicago, Illinois |
| Faleceu en: | 15 de decembro de 1966 |
| Lugar: | Burbank, California |
Walter Elias "Walt" Disney, nado en Chicago o 5 de decembro de 1901 e finado nos Ánxeles o 15 de decembro de 1966, foi un debuxante, produtor, director e guionista de filmes norteamericano. Un dos produtores cinematográficos máis coñecidos do mundo, Disney foi tamén un debuxante de cómics e caricaturista en xornais, creador do parque de atraccións coñecido como Disneyland, e é o fundador, co seu irmán Roy Disney de Walt Disney Productions. El e o seu equipo crearon unha manchea de personaxes animados coñecidos en todo o mundo, incluíundo o que se considera o seu alter ego, Mickey Mouse.
Biografía [editar]
De mozo traballou como vendedor de xornais e foi condutor de ambulancias en Italia durante a Primeira Guerra Mundial. Á volta aos Estados Unidos fundou con Ub Iwerks unha compañía de publicidade que fracasou, pero conseguíu entrar nun pequeno estudio onde facía traballos de encarga.
En 1922, Disney lanzou Laugh-O-Grams, Inc., que producía curtametraxes animadas baseadas en contos populares e historias infantís. Entre os seus empregados estaban Iwerks, Hugh Harman, Rudolph Ising, Carmen Maxwell e Friz Freleng. Os filmes foron ben acollidos en Kansas, pero os custes superaban aos beneficios, polo que o declarouse en quebra en xullo de 1923. O seu irmán Roy convidouno entón a trasladarse a Hollywood, onde decidiu crear un estudio.
Os dous irmáns xuntaron os seus cartos e montaron un estudio de animación en Hollywood, onde necesitaban atopar un distribuidor para a súa nova serie Alice Comedies, que comezara a realizar mentres estaba en Kansas City, pero que nunca distribuíra. Disney enviou unha impresión inacabada á distribuidora de Nova York Margaret Winkler, que enseguida contestou dicindo que estaba interesada nun contrato para realizar máis curtametraxes de animación ou de imaxe real baseadas en Alicia no país das marabillas.
