Charlotte, Carolina do Norte

Charlotte

Bandeira
City of Charlotte
Alcume	The Queen City
Lema	Semper Vigilans
Información
País	Estados Unidos
Estado	Carolina do Norte
Fundación	1755
Superficie	629 km²
Poboación	716.874 (2009)
Densidade	971,3 hab./km²
Área metropolitana	1.725.759
Altitude	229 m
Alcalde	Anthony Foxx (D)
Páxina oficial

Charlotte é a cidade máis grande de Carolina do Norte nos Estados Unidos. Situada no piemonte dos Apalaches, ó leste do val do río Catawba xunto a fronteira con Carolina do Sur. Importante nó de comunicacións, hoxe constitúe o centro fabril, comercial e financeiro dá ampla rexión que a circunda entre Washington, D.C. e Atlanta. Charlotte é coñecida como un centro financeiro, xa que dous dos bancos máis grandes de Estados Unidos (Wachovia & BankAmerica) teñen a súa sede corporativa na cidade.

Xeografía

De acordo coa Oficina do Censo dos Estados Unidos, a cidade ten un área de 629 km², dos cales 627,5 km² son terreos sólidos e os restantes 1,6 km², auga (0,25%).

Clima

Está situada na zona de clima húmido subtropical. Ten invernos moderados e veráns quentes e húmidos. Durante o mes de xaneiro, as temperaturas mínimas polas mañás son, de media, 0 °C e as medias máximas son 11 °C. En xullo, as medias oscilan entre 22 e 32 °C. Recibe uns 1.105 mm de choiva ao ano.

Historia

En 1755, na intersección de dous sendeiros comerciais indios ao pé dos Apalaches perto do río Catawba, Thomas Polk construíu a súa casa. A ruta NL-SO era parte ademais da Great Wagon Road, principal comunicación do tempo entre Pennsylvania e as Carolinas. Cos anos convirtíuse na rúa Tryon e a SL-NO na rúa Trade, configurando no cruce The Square (Independence Square), o centro da actual cidade. Foi en 1770 cando deseñouse a cuadrícula de desenrolo sobor de eses eixos da poboación que, dous anos antes en 1768, había sido nomeada coma Charlotte (en honor da raíña consorte de Xurxo III) . Ese cruce das dúas rúas configuraba catro cadrantes, catro distritos ou wards, que ata hoxe articulan o uptown da cidade .

Permaneceu dentro dos límites da cuadrícula inicial coma pequena vila, centro dunha área eminentemente rural, ata mediados do século XIX. E mesmo despois da Guerra Civil, cun gran crecimento coma centro ferroviario e de procesamento do algodón, somentes acadaba os 7.000h en 1880 e 18.000h en 1900 .

O crecemento continuou de maneira lenta e progresiva durante a primeira metade do século XX , pero o verdadeiro salto de Charlotte para se converteres na metrópole da rexión entre Washington e Atlanta (Carolina), veu da man da súa conversión en centro bancario a nivel nacional nos anos setenta e oitenta .

Área metropolitana

A poboación de Charlotte é de 594.359 habitantes, de acordo cun estimado do censo estadounidense do 2004. A zona metropolitana de Charlotte-Gastonia-Salisbury está composta dos condados de Mecklenburg, Gaston, Lincoln, Cabarrus, Union, Iredell, Cleveland, Anson, Rowan e Stanly en Carolina do Norte. Cruza a fronteira estatal chegando a Carolina do Sur cos condados de York, Lancaster e Chester. A poboación da área metropolitana é de 1.897.034 habitantes (2004).

Demografía

En 2004, vivían en Charlotte 614.330 persoas, e 801.137 no conxunto do condado (Mecklenburg). A densidade de poboación de Charlotte é de 861,9 hab/km². A poboación na súa zona metropolitana segundo o censo do 2000 era de 1,5 millóns de habitantes. Segundo estudos, a poboación do condado de Mecklenburg para o 2010 alcanzará a cifra de 1 millón de habitantes.

Deporte

Charlotte estivo representada no baloncesto estadounidense polos Charlotte Hornets entre 1998 e 2002, e polos Charlotte Bobcats a partir de 2004. O equipo Carolina Panthers da National Football League ten sede en Charlotte. A cidade tamén está representada en divisións menores do fútbol asociación e o hockey sobre xeo.

Gran parte dos equipos do tres divisións nacionais da NASCAR teñen as súas bases a poucos quilómetros de Charlotte. O tres inclúen no seu calendario o óvalo de Charlotte Motor Speedway. Agora está a vivir en Charlotte o retirado loitador da WWE Ric Flair.

Cidades irmáns

Charlotte ten nove cidades irmáns:

Arequipa, Perú (dende 1962) Baoding, China (dende 1987) Krefeld, Alemaña (dende 1985) Kumasi, Gana (dende 1996) Limoges, Francia (dende 1992)

Voronezh, Rusia (dende 1991) Wrocław, Polonia (dende 1993) Manaus, Brasil (dende 2009) Hadera, Israel (dende 2010)

Véxase tamén

Ligazóns externas

• Visit Charlotte
• Guía de viaxe en WikiTravel

Listaxe	Cidade	Estado	Pob.	Listaxe	Cidade	Estado	Pob.	Nova York Os Ánxeles Chicago
1	Nova York	Nova York	8.274.527	11	Detroit	Michigan	916.952
2	Os Ánxeles	California	3.834.340	12	Jacksonville	Florida	805.605
3	Chicago	Illinois	2.836.658	13	San Francisco	California	799.183
4	Houston	Texas	2.208.180	14	Indianapolis	Indiana	795.458
5	Phoenix	Arizona	1.552.259	15	Columbus	Ohio	747.755
6	Filadelfia	Pensilvania	1.449.634	16	Austin	Texas	743.074
7	San Antonio	Texas	1.328.984	17	Fort Worth	Texas	681.818
8	San Diego	California	1.266.731	18	Memphis	Tennessee	674.028
9	Dallas	Texas	1.240.499	19	Charlotte	Carolina do Norte	671.588
10	San Jose	California	939.899	20	Baltimore	Maryland	637.455
Datos do censo de 2007. Véxanse tamén as principais cidades segundo o censo de 2000