Sacramento, California

Na Galipedia, a Wikipedia en galego.

Ir a: navegación, procura

Sacramento

Bandeira

City of Sacramento

Alcume

River City

Lema

Urbs indomita

Información

257 km²

463.794 (2007)

4.813 hab./km²

2.091.120

8 m

Kevin Johnson (D)

Para outras páxinas con títulos homónimos véxase: Sacramento.

Sacramento é a capital do Estado de California, nos Estados Unidos. Situada no interior, ao norte da Baía de San Francisco, é de menor tamaño e importancia económica que Os Ánxeles, San Francisco, San Diego e San Jose as outras catro principais cidades californianas. Segundo o censo de 2000 tiña unha poboación de 407.018, en 2005 contaba con 456.441 e en 2007 de 467.343. É a sétima cidade máis poboada de California.

Foi fundada en decembro de 1848 por John Sutter un inmigrante suízo. Sacramento é referido por varios sobrenomes como River City (cidade do río), Sac, Sacto, Sac-Town, City of Trees (cidade de árbores), The Capitol City (a capital). O seu lema é "Urbs indomita" (do latín: cidade indomable)

[editar] Historia

Os indios Nisenan e Miwok viviron na área, tal vez, por miles de anos. Ao contrarios que os colonos que virían a facer de Sacramento súa casa, eses indios deixaron poucas evidencias de súa existencia. Tradicionalmente, a dieta dos indios era composta por landras retiradas dos carballos abondosos na rexión, e polos froitos, bulbos, semente e raíces collidas na rexión.

A mediados de 1799, o explorador español Gabriel Moraga descubriu a rexión. Un escritor na expedición de Moraga describiuna: "Copas de carballos e choupos, moitos enfeitados con videiras, en balance de ambos os lados paxaros azuis. Paxaros batían nas árbores e grandes peixes lanzábanse a través do fondo transparente. O aire era como champaña, e eles (os españois) beberon del, beberon profundamente da beleza á súa volta. Isto é como o Santísimo Sacramento. O val do río e a terra foron bautizados como "Santísimo Sacramento do Corpo e Sangue de Cristo". Referíndose ao sacramento cristián da eucaristía.

[editar] Demografía

Evolución da poboación de: Sacramento, California desde 2000 ata 2007
2000	2001	2002	2003	2004	2005	2007
409.243	421.297	433.691	444.604	454.003	456.441	467.343