Amy Winehouse
| Amy Winehouse | |
|---|---|
 |
|
| Nome completo | Amy Jade Winehouse |
| Alias | |
| Naceu | 14 de setembro de 1983 |
| Orixe | Southgate, Londres  |
| Morreu | 23 de xullo de 2011 (27 anos) |
| Ocupación (s) | |
| Xénero | |
| Instrumento(s) | Voz |
| Tipo de voz | Contralto |
| Selo(s) discográfico (s) | |
| Relacionado con | |
| Tempo en activo | 2003–2011 |
| Web | |
Amy Jade Winehouse, nada o 14 de setembro de 1983 e finada o 23 de xullo de 2011, foi unha cantante e compositora xudeo-británica de soul.
Índice |
[editar] Traxectoria
O seu álbum debut, Frank, editado en 2003, foi nominado aos Premios Mercury Music e gañou un Premio Ivor Novello en 2004 polo seu sinxelo "Stronger than me". En 2006, Amy sacou o seu segundo álbum, Back to Black. O 14 de febreiro de 2007 gañou un Brit award na categoría de "Mellor Artista Británica". En xuño de 2007, Winehouse foi novamente nominada aos Mercury Prize, por Back to Black; o seu disco alcanzou o platino en Estados Unidos e, como broche de ouro, conseguiu tres nominacións aos MTV Video Music Awards de 2007; ese mesmo ano, en novembro, lanzou Back To Black Deluxe Edition, reedición do seu exitoso álbum Back to Black, e o seu primeiro DVD titulado Told You I Was Trouble.
O 10 de febreiro de 2008, celebrouse a cerimonia de entrega dos Premios Grammy 2008, onde Amy Winehouse resultou ser a gran gañadora da noite, levando cinco dos seis premios aos que estaba nominada, entre eles: mellor artista nova, gravación do ano, canción do ano, mellor interpretación feminina de pop por "Rehab", ademais de mellor álbum pop vocal por Back to Black, pero non puido asistir á cerimonia debido a que nun primeiro momento, Estados Unidos lle denegou o visado debido ó «uso e abuso de narcóticos», e aínda que esta decisión foi reconsiderada, o visado non chegou a tempo para que a artista puidese asistir á gala. Finalmente interveu vía satélite desde Londres, interpretando dous das súas cancións máis exitosas.
[editar] Vida persoal
O seu pai revelou que os médicos lle diagnosticaron un enfisema pulmonar, unha enfermidade incurable, que impide respirar. "Os médicos dixéronlle que se volve fumar drogas non só arruinará a súa voz, tamén a matará.", comentou nunha entrevista ao Sunday Mirror.
[editar] Demacrada polas drogas
Asi mesmo, o seu pai sinalou: "Ao fumar crack e cigarros, os seus pulmóns están feitos po. Ten nódulos ao redor do peito e marcas escuras. Ten o 70% da capacidade pulmonar", dixo. Tamén se enfrontou a problemas de alcoholismo.
O 23 de xullo de 2011 sobre as 16:00 hora local (BST, UTC+1), o corpo de Amy Winehouse foi atopado sen vida no seu apartamento en Camden, Londres, pola policía londinense.[1]
